10/18/2021
Today from Hiiraan Online:  _
Wararka Maanta- Axad, Aug 1 , 2021
Taliye Xijaar: Ma jirto cid aanu siinay ama u diidnay warqadda dambi la'aanta ee CID
 

Axad, Agoosto, 1, 2021 (HOL) - Taliyaha ciiddanka booliiska Soomaaliya, Cabdi Xasan Maxamed Xijaar, ayaa beeniyay in hay’adda dambi baarista Soomaaliya ee CID, ay warqadda dambi la’aanta u diiday  siyaasiyiin u sharraxan kuraasta barlamaanka.

Taliyaha ciiddanka booliiska ayaa sheegay in warar been abuur lagu faafiyay baraha bulshada, wuxuuna caddeeyay in aanay jirin cid illaa iyo hadda ka cabanaysa in loo diiday warqadda CID.

“Cid aanu siinay markii la arko, ayaa la arkaa cid cabanaysa. Bal horta halasoo helo cid aanu warqadda siinay. Marka waxaan idiin xaqiijinayaa in aanu jirin cid la siiyay ama loo diiday toona,” ayuu yiri taliye Xijaar.”

Taliye Xijaar waxa uu sheegay guddiga amniga doorashada in aanu weli bilaabin hannaanka iyo baaritaanka la marsiinayo musharraxiinta barlamaanka iyo ergada dooranaysa, si loo ogaado in ay dalka dambiyo ka galeen.

“Waan soo jeedinayaa in cid kaste oo musharrax ah iyo qofka kaste oo kamid ah ergooyinka wax dooranaysa in la baaro, laakiin qaabka loo marayo waa inuu ahaado hab isku mid ah oo raysal wasaaraha la horgeeyo,” ayuu yiri taliye Xijaar.

Xarunta dambi baarista ee CID ayaa maalmihii lasoo dhaafay waxaa kusii qulqulayay siyaasiyiinta u hanqal taagaya doorashada aqalka hoose ee dhawaan dalka kusoo wajahan.

Abdiweli M. Sheikh, Hiiraan Online













Click here
8/1/2021 1:30 PM EST
Axad, Agoosto, 1, 2021 (HOL) - Madaxweynaha dowlad goboleedka Puntland, Siciid Cabdullaahi Deni, ayaa goobjoog ka noqday heshiiska dayactirka waddooyinka Puntland oo ku kacaya $7.4 Million oo ay bixinayso Puntland.

8/1/2021 10:06 AM EST
Axad, Agoosto, 1, 2021 (HOL) - War-saxaafadeed maanta oo Axad ah kasoo baxay wasaaradda warfaafinta Soomaaliya ayaa lagu sheegay in dowladda Soomaaliya iyo la-hawlgalayaasheeda ay habeenimadii xalay weerar cirka ah la beegsadeen Al-Shabab meel u dhow magaalada Wasil ee gobolka Mudug.

8/1/2021 8:34 AM EST
Axad, Agoosto, 1, 2021 (HOL) - Digreeto uu ku saxeexanyahay madaxweynaha Somaliland Muuse Biixi Cabdi, ayaa si rasmi ah loogu sheegay in kalfadhiga 1aad ee golaha wakiilada Somaliland ee dhawaan la doortay uu qabsoomi doono 3 bishan Agoosto.

8/1/2021 8:07 AM EST
Axad, Agoosto, 1, 2021 (HOL) - Jaaliyadda Soomaaliyeed ee gobolka Ohio ayaa si weyn u soo dhaweeyay Musharaxa Abdisamad Yusuf Fardaale (AJ) oo u cararay Duqa magaalada Minneapolis ee gobolka Minnesota.

8/1/2021 7:32 AM EST
Axad, Agoosto, 1, 2021 (HOL) - Wasiirka qorshaynta Somaliland Xasan Maxammed Cali (Gaafaadhi), oo u jawabayay boqor Buurmadow, ayaa boqorka ku sifeeyay shakhsi dhib badan, oo danayste ah, isla markaana si uu u gaadho u jeedooyinkiisa xataa u dagaalami kara.

8/1/2021 7:19 AM EST
Axad, Agoosto, 1, 2021 (HOL) - Guddiga doorashada dowlad goboleedka Galmudug ayaa codsi u gudbiyay madaxweynaha maamulka Galmudug Axmed Cabdi Kaariye Qoorqoor.

8/1/2021 4:39 AM EST
Axad, Agoosto, 1, 2021 (HOL) - Dowladda federalka Soomaaliya oo taageero ka helaysa ciidamada Maraykanka ayaa dagaal iyo duqayn ka wada deegaanka Qeycad ee gobolka Mudug, halkaas oo farriisimo culus ay ku leeyihiin Alshabaab.

8/1/2021 1:01 AM EST
Axad, Agoosto, 1, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa soo dhaweeyay soo gudbinta iyo shaacinta jadwalka doorashada xubnaha Aqalka sare ku matalaya maamulka Koofur Galbeed Soomaaliya.

8/1/2021 12:55 AM EST
Axad, Agoosto, 1, 2021 (HOL) - Waxaa maanta lagu wadaa in magaalada Baydhabo ee xarunta gobolka Baay ay si rasmi ah uga bilaabato diiwaan gelinta Musharaxiinta ku tartamaya Shan ka mid ah kuraasta Xildhibaanada Aqalka ee deegaan doorashadoodu tahay Koofur Galbeed.