10/18/2021
Today from Hiiraan Online:  _
Wararka Maanta- Axad, Aug 1 , 2021
Diiwaan gelinta Musharaxiinta Xubno ka tirsan Aqalka Sare oo goordhaw ka bilaabaneysa Magaalada Baydhabo
 

Axad, Agoosto, 1, 2021 (HOL) - Waxaa maanta lagu wadaa in magaalada Baydhabo ee xarunta gobolka Baay ay si rasmi ah uga bilaabato diiwaan gelinta Musharaxiinta ku tartamaya Shan ka mid ah kuraasta Xildhibaanada Aqalka ee deegaan doorashadoodu tahay Koofur Galbeed.

Madaxweyne Cabdicasiis Laftagareen ayaa Shalay soo gudbiyay xubnaha ku tartamaya Shan kursi oo ka mid ah kuraasta Aqalka Sare, iyadoo isla shalayna ay guddiga doorashada Koofur Galbeed ay soo saareen jadwalka doorashada 10 xubnood oo uu soo gudbiyay madaxweynaha Koofur Galbeed.

Guddiga doorashada heer dowlad goboleed ayaa maanta diiwaan gelinaya Musharaxiinta Aqalka sare, islamarkaana ka qaadaya lacagaha diiwaan gelinta.

Shalay ayay aheyd markii guddiga ay shaaciyeen in maalinta kama dambeysta ay tahay maalinta Isniinta ah oo taariiqdu ku beegan tahay 02-08-2021 in magaalada Baydhabo ka dhaceyso dooorashada Xildhibaanada Aqalka Sare ee Baarlamaanka Soomaaliya

Magacyada xubnaha ku tartamaya doorashada Aqalka Sare ee manta la filayo in la diiwaangeliyo kuna tartamaya Shan kursi oo kamid ah kuraasta Aqalka Sare ayaa waxaa ay Magacyadooda kala yihiin.

1: Aadan Cabdinasir Maxamed

Maxamed Xasan Aadan

2: Dr. Xuseen Maxamed Daahir

Xasan Maxamed Nuur

3: Zamzam Ibrahim Cali

Shariifo Xaaji Cusmaan Ibraahim

4: Maxamuud Maxamed Cabdinuur (Garabeey )

Nuur Baabul Cadow

5: Ayaan Aadan Cabdulaahi

Farxiyo Nuur Aadan

Maamul goboleed Koonfur Galbeed ayaa waxaa la filayaa in uu noqdo Maamulkii labaad ee bilaaba doorashada Aqalka Sare, waxaana maamulkii ugu horeeyay noqday Jubbaland oo lagu doortay 4 ka mid ah kuraasta Aqalka Sare ee deegaan doorashadooda tahay Jubbaland.

Jamaal Cali Cabdi, Hiiraan Online
[email protected]












Click here
8/1/2021 1:30 PM EST
Axad, Agoosto, 1, 2021 (HOL) - Madaxweynaha dowlad goboleedka Puntland, Siciid Cabdullaahi Deni, ayaa goobjoog ka noqday heshiiska dayactirka waddooyinka Puntland oo ku kacaya $7.4 Million oo ay bixinayso Puntland.

8/1/2021 10:06 AM EST
Axad, Agoosto, 1, 2021 (HOL) - War-saxaafadeed maanta oo Axad ah kasoo baxay wasaaradda warfaafinta Soomaaliya ayaa lagu sheegay in dowladda Soomaaliya iyo la-hawlgalayaasheeda ay habeenimadii xalay weerar cirka ah la beegsadeen Al-Shabab meel u dhow magaalada Wasil ee gobolka Mudug.

8/1/2021 8:34 AM EST
Axad, Agoosto, 1, 2021 (HOL) - Digreeto uu ku saxeexanyahay madaxweynaha Somaliland Muuse Biixi Cabdi, ayaa si rasmi ah loogu sheegay in kalfadhiga 1aad ee golaha wakiilada Somaliland ee dhawaan la doortay uu qabsoomi doono 3 bishan Agoosto.

8/1/2021 8:07 AM EST
Axad, Agoosto, 1, 2021 (HOL) - Jaaliyadda Soomaaliyeed ee gobolka Ohio ayaa si weyn u soo dhaweeyay Musharaxa Abdisamad Yusuf Fardaale (AJ) oo u cararay Duqa magaalada Minneapolis ee gobolka Minnesota.

8/1/2021 7:32 AM EST
Axad, Agoosto, 1, 2021 (HOL) - Wasiirka qorshaynta Somaliland Xasan Maxammed Cali (Gaafaadhi), oo u jawabayay boqor Buurmadow, ayaa boqorka ku sifeeyay shakhsi dhib badan, oo danayste ah, isla markaana si uu u gaadho u jeedooyinkiisa xataa u dagaalami kara.

8/1/2021 7:19 AM EST
Axad, Agoosto, 1, 2021 (HOL) - Guddiga doorashada dowlad goboleedka Galmudug ayaa codsi u gudbiyay madaxweynaha maamulka Galmudug Axmed Cabdi Kaariye Qoorqoor.

8/1/2021 6:33 AM EST
Axad, Agoosto, 1, 2021 (HOL) - Taliyaha ciiddanka booliiska Soomaaliya, Cabdi Xasan Maxamed Xijaar, ayaa beeniyay in hay’adda dambi baarista Soomaaliya ee CID, ay warqadda dambi la’aanta u diiday siyaasiyiin u sharraxan kuraasta barlamaanka.

8/1/2021 4:39 AM EST
Axad, Agoosto, 1, 2021 (HOL) - Dowladda federalka Soomaaliya oo taageero ka helaysa ciidamada Maraykanka ayaa dagaal iyo duqayn ka wada deegaanka Qeycad ee gobolka Mudug, halkaas oo farriisimo culus ay ku leeyihiin Alshabaab.

8/1/2021 1:01 AM EST
Axad, Agoosto, 1, 2021 (HOL) - Raysal wasaaraha Xukuumadda Soomaaliya Maxamed Xuseen Rooble ayaa soo dhaweeyay soo gudbinta iyo shaacinta jadwalka doorashada xubnaha Aqalka sare ku matalaya maamulka Koofur Galbeed Soomaaliya.