5/12/2021
Today from Hiiraan Online:  _
Wararka Maanta- Jimco, Apr 30, 2021
Odayaasha Dhaqanka Beesha Xawaadle '' Guddoomiyaha Gobolka Mudug ayuu u xirran yahay ganacsade Maxamed Xaanshi


 

Jimco, April. 30, 2021 (HOL)  - Odayaal iyo Waxgarad ka soo jeeda beesha Xawaadle oo kulan ku yeeshay magaalada Muqdisho ayaa ku eedeeyay guddoomiyaha Gobolka Mudug Cabdiladiif Muuse Nuur Sanyare iyo Taliyaha qeybta Booliiska gobolka Mudug Muumin Cabdi Shire in sifo aan sharci aheyn ay ku xirteen Maxamed Xaanshi Muumin oo ka mid ah ganacsatada gobolka Mudug.

Odayaasha ayaa sheegay in xariga Maxamed Xaanshi loo cuskaday arrimo xaqiiqda ka fog oo la doonayo sida ay hadalka u dhigeen in lagu baneysto dhiggisa iyo hantidiisa, iyadoo lagu eedeynayo in uu ka tirsan yahay Al-shabaab.

''Arrintaasi waan ka digeynaa, waxaan ognahay in saacad walba lagu jirdilo  halka uu ku xirran yahay iyadoo  jir dilkaasi ka danbeeyaan Guddoomiyaha gobolka Mudug iyo taliyaha qeybta, waxey banneysteen hantiidiisa iyo gaadiidkiisa oo hadda khamiri looga soo daldalo dalka Itoobiya laguna keeno gudaha magaalada Gaalkacyo, '' ayuu yiri Nabadoon Cilmi Saney oo dhinaca kale sheegay in arintaasi keeni karto cawaaqib xumo.

Nabaddoon Cilmi Takar oo ka mid ahaa odayaashii dhaqanka kulanka ka hadlay ayaa sheegay in muddo shan bilood ah Maxamed Xaanshi guri ugu xirran yahay shaqsiyaad gaar ah, iyadoo saldhig iyo maxkamad toona la geyn, waxaana uu intaa ku darray in ay qaateenn dhamaanba hanti wixii uu lahaa.

Dowlad Gobolleedka Puntland ayeey ugu baaqeen in ay arrintan soo fara-galiso waxaana ay meesha ka saareen eedda ah in Maxamed Xaanshi ka tirsan yahay Ururka Al-shabaab, balse taan badalkeeda la doonayo oo kaliya in lagu xalaashado hantiidiisa.

Cabdiraxmaan Diini, Hiiraan Online
[email protected]  












Click here
4/30/2021 4:49 PM EST
Jimco, April. 30, 2021 (HOL) - Puntland ayaa ku amartay inuu Garowe ka baxo weriye Cabdimaalik Muuse Coldoon oo arrimo samafal ah ka waday magaalada Garowe ee caasimadda Puntland.

4/30/2021 3:57 PM EST
Jimco, April. 30, 2021 (HOL)-Iyadoo maalinta berri ah kulan aan caadi aheyn ay isugu imaanayaan xildhibaannada Golaha Shacabka ayaa dhinaca kale qoraal ka soo baxay midowga Mushariixiinta ayaa looga digay xildhibaannadda in ay qaataan go'aanno lagu dibindaabinayo xasilloonida iyo geeddi socodka doorashooyinka dalka

4/30/2021 3:44 PM EST
Jimco, April, 30, 2021 (HOL) - Warbixin ay soo saareen ciidamada dab-damiska Hargaysa, ayaa lagu sheegay in 12 baabuur uu daad ku qaday, 172 qof iyo 3 gaadhi na la bad baadiyay isla markaana uu khasaare soo gaadhay 18 guri.

4/30/2021 3:19 PM EST
Jimco, April, 30, 2021 (HOL) - Dooxa Hargaysa, ayaa qaaday baabuur u badan nooca Vitz ta loo yaqaano kadib markii uu roob laxaad lihi galabata ka da’ay Hargaysa iyo nawaaxigeeda.

4/30/2021 1:08 PM EST
Jimco, April, 30, 2021 (HOL) - Wufuud u badan madax-dhaqameed, Cuqaal iyo waxgarad ayaa soo gaadhey magaalada Laascaanood ka dib markii ay mudo laba todobaad ah ay ku sugnaayeen halka lagu magcaabo dhanar-dalool oo ka tirsan degmada Xuddun ee gobolka Sool.

4/30/2021 11:07 AM EST
Jimco, April, 30, 2021 (HOL) - Wasiirka deegaanka ee Somaliland Shukri X. Ismaaciil Boondare, ayaa sheegtay in ay la wareegayaan libaaxyada Cali Waran Cadde, isla markaana gaynayaan beerta xayawaanka lagu xanaaneeyo.

4/30/2021 6:45 AM EST
Jimco April, 30, 2021 (HOL) - Warar soo baxaya ayaa sheegaya in toddobaadka danbe dowladda Qatar Ergay gaar ah u soo direyso Soomaaliya, kaa oo ku magacaaban La Dagaalanka Argagixisada iyo Dhexdhexaadinta Khilaafyada.

4/30/2021 2:45 AM EST
Jimco, April, 30, 2021 (HOL) - Ciidamada booliska Somaliland, ayaa saakay toogtay libaaxi xalay ka baxsaday Beerta Libaaxyada ee Hargaysa, kaasi oo gabadh Itoobiyaan ah dhawac wayn u gaystay.

4/30/2021 2:13 AM EST
Jimco, April, 30, 2021 (HOL) - Siiyaasi Cali Waran Cadde, oo isagu leh libaaxyada xalay ku dhex baxsaday Hargaysa, ayaa sheegay in la qabtay midkamida labadii libaax ee baxsaday halka ka kalena wali uu baxsad yahay.