2/28/2021
Today from Hiiraan Online:  _
Wararka Maanta- Khamiis, Nov 5 , 2020
Wararkii ugu danbeeyay ee Doorashada Mareykanka


 

Khamiis, November, 05, 2020 (HOL)- Joe Biden oo ah musharaxa Xisbiga dimuqraadiga ayaa aamisan in uu guuleystay inkastoo wali guud ahaan marka la eego dalka Mareykanka ay socto tirinta codadka la dhiibtay.

Dimuqraadiga ayaa sheegay in doorashadan ay ka heleen codadkii ugu badnaa abid oo musharax  Madaxweyne Mareykankan uu ku guuleysto.

Dimuqraadiga wuxuu sheegay in uu ku guuleystay codad gaarayo 70.5 malyan halka Trump uu ku guuleystay in ka badan 67.2 malyan cod.

Madaxweynihii hore ee Mareykanka Barack Obama ayaa doorashadii sanadkii 2008-dii ku guuleystay codad gaarayo 69.5 malyan.

Dhanka kale, kooxda ololaha Trump ayaa doonayaa in la joojiyo tirinta codadka qeybo kamid ah gobolka Georgia-halkaas oo kamid ah gobollada laisku hayo, lamana saadalin cidda ku guuleysan karto codadka gobolkan.

Dacwadda ay gudbiyeen kooxda ololaha doorashada Trump ayaa waxaa ay ku sheegeen in mid ka mid ah kormeerayaashooda uu arkay mid ka mid ah shaqaalaha doorashada oo xilli dambe 53 cod ku daraya codadkii horey u gaaray deegaanka Chatham.

Laakiin haddana eedeyntaa ay soo jeediyeen kooxda ololaha Doorashada madaxweyne Trump  ayaan marnaba wax  saameyn ah ku yeelan sida ay u socdaan howlaha tirinta codadka.

Cabdiraxmaan Diini, Hiiraan Online
[email protected]
        












Click here
11/5/2020 12:39 PM EST
Khamiis, November, 05, 2020 (HOL)- Magaalada Muqdisho goor dhaw waxaa qarax lagula eegtay gaadiid uu la socday Wasiirka cusub ee Wasaarrada Shaqada iyo Arrimaha Bulshada Dowladda Soomaaliya Duraan Axmed Faarax.

11/5/2020 10:15 AM EST
Khamiis, November, 05, 2020 (HOL)-Guddoomiyaha Baarlamaanka Dowlad Gobolleedka Hirshabeelle Cabdixakiin Luqmaan Xaaji Maxamed ayaa magaalada Jowhar uga dhawaaqay Guddiga Doorashada madaxweynaha iyo ku-xigeenkiisa ee Dowlad gobolleedka Hirshabeelle.

11/5/2020 8:07 AM EST
Khamiis, November, 05, 2020 (HOL) - Hay’adda INTERSOS oo ah hay'ad ka shaqeysa arrimaha samafalka, ayaa maanta ku dhawaaqday inay xireyso howlgalkeedii Soomaaliya, ka dib 28 sano oo ay ka shaqeynaysay gudaha Soomaaliya.

11/5/2020 6:14 AM EST
Khamiis, Novmeber, 05, 2020 (HOL)- Guddoomiyaha Aqalka sare Soomaaliya Cabdi Xaanshi Cabdullaahi ayaa siweyn uga soo horjeestay guddiga doorashada heer federaal oo ay dowladdu ku dhawaaqday isaga oo eedeyn u jeediyay Ra'iisal Wasaaraha Soomaaliya

11/5/2020 3:00 AM EST
Khamiis, November, 05, 2020 (HOL)- Dowladda Itoobiya ayaa ku dhawaaqay xaalad degdeg ah oo lagu soo rogay gobolka Tigray ee Waqooyiga dalkaasi Itoobiya, kaddib markii Ra'iisal Wasaare Abiy Ahmed uu amray ciidanka difaaca Qaranka in ay talaabo malatari ka qaadaan TPLF oo ku eedeysan in ay weerarreen saldhigyo ciidan.

11/5/2020 2:38 AM EST
Khamiis, November, 05, 2020 (HOL) - Qaramada Midoobay iyo maamulka Somaliland ayaa bilaabay wada xaajood ku saabsan shuruudo cusub oo u oggolaanaya UN iyo hay'adaheeda inay si gooni gooni ah ula macaamilaan Somaliland.

11/5/2020 12:23 AM EST
Khamiis, November, 05, 2020 (HOL) -Ra'iisal Wasaaraha Xukuumadda Soomaaliya Maxamed Xusseen Rooble oo kormeeray jidadka magaalada magaalada Muqdisho oo ay xireen biyo ka dhashay roobab lixaad leh oo ka da'ay caasimada.