7/9/2020
Today from Hiiraan Online:  _
Wararka Maanta- Arbaco, May 20, 2020
AMISOM oo ka hadashay dilka guddoomiyihii gobolka Mudug ee dhinaca Puntland


 

Arbaco, May 20, 2020 (HOL) - Wakiilka Gaarka ah ee Guddoomiyaha Guddiga Midowga Afrika (SRCC) ee Soomaaliya, Danjire Francisco Madeira, ayaa sheegay inuu ka xun yahay dilka Guddoomiyaha Gobolka Mudug ee Puntland, Mr. Axmed Muuse Nuur.

“Anigoo ku hadlaya magaca Howlgalka Midawga Afrika ee Soomaaliya AMISOM, waxaan tacsi tiiraanyo leh u direyaa qoyskiisa iyo Puntland geeridii ku timid guddoomiyihii gobolka Mudug.

Amisom waxay marxuumka ku tilmaamtay Intii uu ahaa Gudoomiyaha Gobolka Mudug ee Puntland, inuu door weyn ka qaatay bixinta adeegyada dowladda hoose ee aadka loogu baahan yahay oo ay ka mid tahay ka ilaalinta bulshada gobolka Mudug cudurka coronavirus, xasilinta iyo dadaallada dib-u-dhiska.

Axmed Muuse Nuur, ayaa todobaadkaan lagu dilay weerar ismiidaamin ah oo ay dambeeyeen kooxda Al-shabaab. Waxaa la geeriyooday walaalkiis Maxamed Muuse Nuur iyo saddex ilaalidiisa ah.

Dilkiisa ka hor, waxaa guddoomiyaha uu haystay digniin ku saabsanayd in lala damacsan yahay weerar qorshaysan oo lagu dilayo, kadib markii laamaha amniga Puntland iyo Galmudug oo iskaashanaya ay heleen xog amni.

Abdiweli M. Sheikh, Hiiraan Online
[email protected]









Click here
5/20/2020 1:51 PM EST
Arbaco, May 20, 2020 (HOL) - Fatahaada wabiga Shabeelle uu ka geeystay magaalada Beledweyne ayaa saameeyn xoogan ku yeelatay shacabka magaalada iyo goobihii ganacsiga, waxaana sidoo kale xirmay isu-socodka dadka iyo gaadiidka.

5/20/2020 6:05 AM EST
Arbaco, May 20, 2020 (HOL) - Madaxweynahii hore ee Soomaaliya Xasan Shiikh Maxamuud ayaa ka hadlay arrinta la xiriirta dacwadda badda oo markii seddexaad dib loo dhigay xalay, waxa uuna sheegay in afar sano kadib meesheedii taagantahay oo aysan jirin wax is-bedal ah oo kusoo kordhay.

5/20/2020 5:44 AM EST
Arbaco, May 20, 2020 (HOL) - Tafaasiil dheeraad ah ayaa kasoo baxeysa qarax miino oo saakay lala eegtay sargaal sare oo ka tiirsan ciidanka booliska Soomaaliya oo ka dhacay degmada Hodan ee Gobolka Banaadir ,

5/20/2020 5:39 AM EST
Arbaco, May 20, 2020 (HOL) - Taliyaha hogaanka Caafimaadka ee booliska Soomaaliyeed, Generak Cali Xirsi Barre (Cali Gaab), ayaa ka badbaadey qarax lala Beegsaday oo ka dhacay isgoyska Banaadir ee magalada Muqdisho.

5/20/2020 5:10 AM EST
Arbaco, May 20, 2020 (HOL) - Midowga Yurub ayaa soo dhoweeyay hadalkii dhowaan ka soo yeeray Madaxweynaha Soomaaliya, Maxamed Cabdullaahi Farmaajo, ee ku aaddan dib-u-habeynta Xeerka Ciqaabta Soomaaliya ee soo baxay 1964.