3/29/2024
Today from Hiiraan Online:  _
Wararka Maanta- Khamiis, Jun 25, 2020
Nin toorey ku dilay walaalkii ka yar degmada Dayniile ee Gobolka Banaadir
 

Khamiis, Juun 25, 2020 (HOL) - Dil aad looga argagaxay ayaa maanta ka dhacay xaafadda lagu magacaabo Siisii oo ka tirsan degmada Dayniile ee Gobolka Bnaadir, kadib markii nin ku hubeysan mindi uu toorrey ku dilay walaalkii ka yar.

Goob joogayaal ayaa u sheegay HOL in nin lagu magacaabo Xasan Nuur Ciiroobe oo ku hubeysnaa mindi uu toban jeer ku dhuftay walaalkii oo lagu magacaabi jiray Cabdinaasir Nuur Ciroobe.

Lama Oga waxyaabaha keenay dilka , waxaana socda baaritaan ay sameynayay ciidamada Booliska.

Wararka laga helaya Dayniile ayaa sheegaya in dilka oo ka dhacay guriga qoyska labada wiil ee is dilay uu baxsaday ninkii dilka geystay.

Ciidamada dowladda ayaa hadda ku raad jooga sidii ay usoo qaban lahaayeen Xasan Nuur Ciroobe oo ah ninka dilka lagu eedeynayo.

Dhowaan ayeey aheyd markii xaafadda Raadeerka ee degmada Dayniile ay haweeney ninkeeda ku dishay mindi. Waxayna u muuqanayaan in dembiyada dilalka ee tooreyda loo adeegsado ay ku badanayaaan degmadaas.

Abdiaziz Ahmed Barrow, Hiiraan Online
[email protected]












Click here
6/25/2020 3:49 PM EST
Khamiis, Juun 25, 2020 (HOL) - Ciiddamo dhawaan Puntland tababar ugusoo xirtay magaalada Qardho ee gobolka Karkaar, ayaa lagu daabulay gobolka Sool gaar ahaan jiidaha ay isku hor fadhiyaan ciidamada Puntland iyo kuwa Somaliland.

6/25/2020 9:21 AM EST
Khamiis, Juun 25, 2020 (HOL) - Baarlamanka aqalka hoose ee Soomaaliya oo maalintii lixaad oo xiriir ah maanta kulan ku yeeshay Muqdiso ayaa waxay aad uga hadlen arrinta matalaadda siyaasadeed ee Gobolka Banaadir.

6/25/2020 9:08 AM EST
Khamiis, Juun 25, 2020 (HOL) - Waxaa maanta magaalada Beledweyne ee Gobolka Hiiraan ka dhacay kulan ay isugu yimaadeen Maamulka Gobolkaas oo ay wehliyaan xubno kamid ah wasiirrada Hirshabeelle iyo qaar kamid ah salaadiinta dhaqanka iyo Maamulka Gobolka Shabeelle ee deegaanka Soomaalida Itoobiya .

6/25/2020 9:03 AM EST
Khamiis, Juun 25, 2020 (HOL) - Madaxweynaha Soomaaliya Maxamed Cabdullaahi Farmaajo ayaa ugu baaqay guud ahaan bulshada Soomaaliyeed in ay u istaagaan maamuuska maalmaha xoriyadda qaranka Soomaaliya oo berri billaabaneysa.

6/25/2020 2:05 AM EST
Khamiis, Juun 25, 2020 (HOL) - Dowlada Imaaraatka carabta ayaa u dirtay Jubbaland diyaarad gargaar oo sidday 7 metrik ton oo agab caafimaad ah si ay usii xoojiso dadaallada dalka ee wax looga qabanayo fiditaanka COVID-19.

6/25/2020 1:37 AM EST
Khamiis, Juun 25, 2020 (HOL) - Puntland ayaa ka digtay in shuruucda wadanka lagu saleeyo damac-gaar ah iyo rabitaanka madaxda dalka iyadoo loo marayo habraacyo aan waafaqsanayn dastuurka ku-meel gaarka ah, laguna dhiirranayo been-abuur iyo isdaba-marin.