3/29/2024
Today from Hiiraan Online:  _
Wararka Maanta- Khamiis, Jun 25, 2020
Maamulka Gobolka Hiiraan iyo kan Gobolka Shabeelle ee Itoobiya oo Beledweyne ku yeeshay shir heshiis looga gaarayo beelo ku dagaallamay xadka labada dhinac
 

Khamiis, Juun 25, 2020 (HOL) - Waxaa maanta magaalada Beledweyne ee Gobolka Hiiraan ka dhacay kulan ay isugu yimaadeen Maamulka Gobolkaas oo ay wehliyaan xubno kamid ah wasiirrada Hirshabeelle iyo qaar kamid ah salaadiinta dhaqanka iyo Maamulka Gobolka Shabeelle ee deegaanka Soomaalida Itoobiya .

Kulankaan uu shir guddoominayay Guddoomiyaha Gobolka Hiiraan Cali Jeyte Cismaan ayaa waxaa si weyn looga hadlay sidii xal kama dambeys ah looga gaari lahaa colaadaha soo noq-noqday ee ka dhaca xadka Gobolka Hiiraan oo la wadaago Gobolka Shabeelle oo ka tirsan dhulka Soomaaliyeed ee Itoobiya raacsan.

Ugaas Xasan Ugaas Khaliif oo madasha wada hadalka joogay ayaa sheegay in aysan macquul aheyn in deegaannadaasi ay colaado dembe ka dhacaan.

Labada dhinac ayaa isla gartay in la joogo goortoo lasoo ebyi lahaa colaaddaas oo loo baahanyahay in la gaaro xal kama dembeys ah si beelaha walaalaha ah ee deegaannada lagu dagaallamay ku nool ay nabad ugu wada noolaadaan.

Abdiaziz Ahmed Barrow, Hiiraan Online
[email protected]












Click here
6/25/2020 3:49 PM EST
Khamiis, Juun 25, 2020 (HOL) - Ciiddamo dhawaan Puntland tababar ugusoo xirtay magaalada Qardho ee gobolka Karkaar, ayaa lagu daabulay gobolka Sool gaar ahaan jiidaha ay isku hor fadhiyaan ciidamada Puntland iyo kuwa Somaliland.

6/25/2020 9:28 AM EST
Khamiis, Juun 25, 2020 (HOL) - Dil aad looga argagaxay ayaa maanta ka dhacay xaafadda lagu magacaabo Siisii oo ka tirsan degmada Dayniile ee Gobolka Bnaadir, kadib markii nin ku hubeysan mindi uu toorrey ku dilay walaalkii ka yar.

6/25/2020 9:21 AM EST
Khamiis, Juun 25, 2020 (HOL) - Baarlamanka aqalka hoose ee Soomaaliya oo maalintii lixaad oo xiriir ah maanta kulan ku yeeshay Muqdiso ayaa waxay aad uga hadlen arrinta matalaadda siyaasadeed ee Gobolka Banaadir.

6/25/2020 9:03 AM EST
Khamiis, Juun 25, 2020 (HOL) - Madaxweynaha Soomaaliya Maxamed Cabdullaahi Farmaajo ayaa ugu baaqay guud ahaan bulshada Soomaaliyeed in ay u istaagaan maamuuska maalmaha xoriyadda qaranka Soomaaliya oo berri billaabaneysa.

6/25/2020 2:05 AM EST
Khamiis, Juun 25, 2020 (HOL) - Dowlada Imaaraatka carabta ayaa u dirtay Jubbaland diyaarad gargaar oo sidday 7 metrik ton oo agab caafimaad ah si ay usii xoojiso dadaallada dalka ee wax looga qabanayo fiditaanka COVID-19.

6/25/2020 1:37 AM EST
Khamiis, Juun 25, 2020 (HOL) - Puntland ayaa ka digtay in shuruucda wadanka lagu saleeyo damac-gaar ah iyo rabitaanka madaxda dalka iyadoo loo marayo habraacyo aan waafaqsanayn dastuurka ku-meel gaarka ah, laguna dhiirranayo been-abuur iyo isdaba-marin.