8/13/2020
Today from Hiiraan Online:  _
Wararka Maanta- Talaado, Jun 23, 2020
Puntland iyo Somaliland oo dhalleecayn iyo hanjabaad hawada isku mariyay


 

Talaado, Juun 23, 2020 (HOL) - Puntland iyo Somaliland ayaa hawada isku mariyay hadalo dhalleecayn ah oo ka dhashay kadib markii maalmo kahor madaxweynaha Puntland uu Somaliland ugu baaqay inay ka baxaan gobolka Sool.

Wasiirka warfaafinta Somaliland, Saleebaan Cali Koore, ayaa hadalka madaxweyne Deni ku tilmaamay hadal aan xikmad ka dambaynin, isagoo ugu baaqay madaxweyne Deni inuu Puntland iskusoo celiyo, halkii uu faraha lasoo gali lahaa arrimaha Somaliland iyo xuduudaheeda.

“Waxaan kuugu baaqayaa wax badan inaad ka sa.xdo maamulkaaga ayaa kuu taala, waxaana kuu sheegayaa inaad fara galinta ka dayso xuduudka Somaliland leedahay,” ayuu yidhi Wasiir Saleebaan Koore.

Wasiirka warfaafinta Puntland, Cabdulaahi Cali Xirsi (Timacadde) ayaa isna u jawaabay wasiirka warfaafinta Somaliland, isagoo sheegay in Puntland nabad iyo dagaal midkood ay kusoo ceshandoonto dhulka uga maqan Somaliland.

“Madaxweynuhu wuu ku saxan yahay hadalkiisa, Somaliland waa inay sida ugu dhaqsiyaha badan uga baxdo Sool haddii kale dhiig ayaa ku daadandoono".

Labada wasiir warfaafineed ee ka kala tirsan labada maamul  ayaa ah labo siyaasi oo isku hayb ah oo kasoo wada jeeda gobolka Sool, balse ay siyaasada kala fogaysay.

Abdiweli M. Sheikh, Hiiraan Online
[email protected]









Click here
6/23/2020 8:25 AM EST
Talaado, Juun 23, 2020 (HOL) - Wasaaradda arrimaha dibadda dalka Turkiga ayaa cambaareysay weerarkii ismiidaaminta ahaa ee maanta ka dhacay agagaarka Akadeemiyada Tababarka Ciidamada ee TURKSOM ee magaalada Muqdisho.

6/23/2020 5:30 AM EST
Talaado, Juun 23, 2020 (HOL) - War lagu qoray mareegaha wararka ee taageera Ururka Alshabaab ayaa waxaa lagu sheegay in ay ka dembeeyeen qaraxii dhowaan ka dhacay saldhigga tababarka Ciidamada qalabka sida ee Turkey Som .

6/23/2020 5:18 AM EST
Talaado, Juun 23, 2020 (HOL) - Wasiirka wasaaradda gaaddiidka iyo duulista hawada Soomaaliya Maxamed Cabdullaahi Salaad “Oomaar” ayaa waxa uu sheegay in dowladda Soomaaliya ay dhowaan billaabi doonto bixinta Laysinka diyaaradaha iska diiwaan-gelinaya gudaha waddanka.

6/23/2020 4:50 AM EST
Talaado, Juun 23, 2020 (HOL) - Ciidamada Ilaalada Dugsiga tababarka Turkey Som ayaa toogasho ku dilay dhagarqabe doonayay in uu isku qarxiyo dhallinyaro arday ah oo doonayay in ay ku biiraan ciidamada Xoogga dalka Soomaaliyeed.

6/23/2020 1:57 AM EST
Talaado, Juun 23, 2020 (HOL) - Golaha Amniga ee Qaramada Midoobay ayaa Isniintii meel mariyey qaraar lagu cusbooneysiinayo waajibaadka Howlgalka Qaramada Midoobay ee Kaalmaynta Soomaaliya (UNSOM) ilaa Agoosto 31, 2020.

6/23/2020 1:56 AM EST
Talaado, Juun 23, 2020 (HOL) - War-murtiyeedkii shirkii Jabuuti lagasoo saaray xalay saq dhaxe ayaa lagu daray qodob aan horey ugu jirin oo ahaa kii ugu adkaa intii shirku socday.