8/13/2020
Today from Hiiraan Online:  _
Wararka Maanta- Talaado, Jun 23, 2020
Dowladda Soomaaliya oo dhowaan bixineysa Laysinka diyaaradaha


 

Talaado, Juun 23, 2020 (HOL) - Wasiirka wasaaradda gaaddiidka iyo duulista hawada Soomaaliya Maxamed Cabdullaahi Salaad “Oomaar” ayaa waxa uu sheegay in dowladda Soomaaliya ay dhowaan billaabi doonto bixinta Laysinka diyaaradaha iska diiwaan-gelinaya gudaha waddanka.

Isagoo ka hadlayay munaasabad lagu qabtay magaalada Muqdisho ayaa waxa uu sheegay in sharci muddo dheer laga shaqeynayay uu hadda marayo meel gabogabo ah, dhowaanna bulshada Soomaaliyeed ay arki doonaan madaxweyne Maxamed Cabdullaahi Farmaajo oo diyaarad siin doona Laysinkii ugu horreeyay oo ay Soomaaliya bixiso.

“Sida aad la socotaan soo celintii diyaaraddii Somali Airline waxay ku xirneyd in Soomaaliya ay bixin kareyso Laysin, taas hadda ayaa lasoo gabagabeynayaa, sida aad la socotaanna dhammaan diyaaradaha ka shaqeeya dalka waxay ka diiwaan-gashanyihiin dalal kale, Kenya-ba ha ha u badnaadaane” ayuu yiri wasiir Oomaar.

Soomaaliya oo kasoo kabaneysa colaado muddo dheer soo jiray, waxaa hadda muuqanaya in qeybo kamid ah hannaankii dowladnimo ay dib usoo noqonayaa 10-kii sano ee u dembeeyay, laakiin waxaa la eegayaa goorta mar kale dib loo howl-galin doono diyaaraddii Somalia Airline.

Abdiaziz Ahmed Barrow, Hiiraan Online
[email protected] 









Click here
6/23/2020 9:55 AM EST
Talaado, Juun 23, 2020 (HOL) - Puntland iyo Somaliland ayaa hawada isku mariyay hadalo dhalleecayn ah oo ka dhashay kadib markii maalmo kahor madaxweynaha Puntland uu Somaliland ugu baaqay inay ka baxaan gobolka Sool.

6/23/2020 8:25 AM EST
Talaado, Juun 23, 2020 (HOL) - Wasaaradda arrimaha dibadda dalka Turkiga ayaa cambaareysay weerarkii ismiidaaminta ahaa ee maanta ka dhacay agagaarka Akadeemiyada Tababarka Ciidamada ee TURKSOM ee magaalada Muqdisho.

6/23/2020 5:30 AM EST
Talaado, Juun 23, 2020 (HOL) - War lagu qoray mareegaha wararka ee taageera Ururka Alshabaab ayaa waxaa lagu sheegay in ay ka dembeeyeen qaraxii dhowaan ka dhacay saldhigga tababarka Ciidamada qalabka sida ee Turkey Som .

6/23/2020 4:50 AM EST
Talaado, Juun 23, 2020 (HOL) - Ciidamada Ilaalada Dugsiga tababarka Turkey Som ayaa toogasho ku dilay dhagarqabe doonayay in uu isku qarxiyo dhallinyaro arday ah oo doonayay in ay ku biiraan ciidamada Xoogga dalka Soomaaliyeed.

6/23/2020 1:57 AM EST
Talaado, Juun 23, 2020 (HOL) - Golaha Amniga ee Qaramada Midoobay ayaa Isniintii meel mariyey qaraar lagu cusbooneysiinayo waajibaadka Howlgalka Qaramada Midoobay ee Kaalmaynta Soomaaliya (UNSOM) ilaa Agoosto 31, 2020.

6/23/2020 1:56 AM EST
Talaado, Juun 23, 2020 (HOL) - War-murtiyeedkii shirkii Jabuuti lagasoo saaray xalay saq dhaxe ayaa lagu daray qodob aan horey ugu jirin oo ahaa kii ugu adkaa intii shirku socday.