8/13/2020
Today from Hiiraan Online:  _
Wararka Maanta- Talaado, Jun 23, 2020
Golaha Amniga oo kordhiyay waqtiga howlgalka Qaramada Midoobay ee Soomaaliya


 

Talaado, Juun 23, 2020 (HOL) - Golaha Amniga ee Qaramada Midoobay ayaa Isniintii meel mariyey qaraar lagu cusbooneysiinayo waajibaadka Howlgalka Qaramada Midoobay ee Kaalmaynta Soomaaliya (UNSOM) ilaa Agoosto 31, 2020.

UNSOM waxay sii wadi doontaa fulinta waajibaadka sida ku xusan cutubka 1aad ee qaraarka 2158 (2014), waxayna sii go’aansatay in UNSOM ay sii wado hirgalinta waajibaadkaas iyada oo la raacayo go'aan tirsigiisu yahay 2461 (2019).

Horey, Golaha Amniga wuxuu si wada jir ah u go'aamiyay bishii Maarso 30 in la kordhiyo waqtiga howlgalka illaa iyo Juun 30, 2020.

UNSOM waxaa lagu aasaasay Juun 3, 2013 qaraarka Golaha Amniga 2102, kadib qiimeyn dhameystiran oo Qaramada Midoobay ay sameysay oo lagu taageerayay dhisidda Dowladda Federaalka ee Soomaaliya.

Xoghayaha guud wuxuu Golaha Amniga si joogto ah ugu wargeliyaa fulinta waajibaadka UNSOM iyada oo loo marayo warbixinno saddex-biloodle.

Abdiweli M. Sheikh, Hiiraan Online
[email protected]









Click here
6/23/2020 9:55 AM EST
Talaado, Juun 23, 2020 (HOL) - Puntland iyo Somaliland ayaa hawada isku mariyay hadalo dhalleecayn ah oo ka dhashay kadib markii maalmo kahor madaxweynaha Puntland uu Somaliland ugu baaqay inay ka baxaan gobolka Sool.

6/23/2020 8:25 AM EST
Talaado, Juun 23, 2020 (HOL) - Wasaaradda arrimaha dibadda dalka Turkiga ayaa cambaareysay weerarkii ismiidaaminta ahaa ee maanta ka dhacay agagaarka Akadeemiyada Tababarka Ciidamada ee TURKSOM ee magaalada Muqdisho.

6/23/2020 5:30 AM EST
Talaado, Juun 23, 2020 (HOL) - War lagu qoray mareegaha wararka ee taageera Ururka Alshabaab ayaa waxaa lagu sheegay in ay ka dembeeyeen qaraxii dhowaan ka dhacay saldhigga tababarka Ciidamada qalabka sida ee Turkey Som .

6/23/2020 5:18 AM EST
Talaado, Juun 23, 2020 (HOL) - Wasiirka wasaaradda gaaddiidka iyo duulista hawada Soomaaliya Maxamed Cabdullaahi Salaad “Oomaar” ayaa waxa uu sheegay in dowladda Soomaaliya ay dhowaan billaabi doonto bixinta Laysinka diyaaradaha iska diiwaan-gelinaya gudaha waddanka.

6/23/2020 4:50 AM EST
Talaado, Juun 23, 2020 (HOL) - Ciidamada Ilaalada Dugsiga tababarka Turkey Som ayaa toogasho ku dilay dhagarqabe doonayay in uu isku qarxiyo dhallinyaro arday ah oo doonayay in ay ku biiraan ciidamada Xoogga dalka Soomaaliyeed.

6/23/2020 1:56 AM EST
Talaado, Juun 23, 2020 (HOL) - War-murtiyeedkii shirkii Jabuuti lagasoo saaray xalay saq dhaxe ayaa lagu daray qodob aan horey ugu jirin oo ahaa kii ugu adkaa intii shirku socday.