3/28/2024
Today from Hiiraan Online:  _
Wararka Maanta- Talaado, July 28, 2020
Xisbiga UPD “ waxaa loo baahanyahay samata-bixin inta lagu guda jiro xaaladda kala guurka ah”


Talaado, Luulyo 28, 2020 (HOL) - Guddoomiyaha Xisbiga midowga Nabadda iyo hor’umarka “UPD”  sidoo kalena horay usoo noqday madaxweynaha Jamhuuriyadda Soomaaliya Xasan Shiikh Maxamuud ayaa shir guddoomiyay kulan ay isugu yimaadeen mas’uuliyiinta dhinaca siyaasadda ugu sarreysa xisbigaas, iyagoo diiradda saaratay xaaladda waddanka uu marayo.

Shirka ayaa waxaa looga hadlay marxaladda kala guurka ah ee Soomaaliya iyo sidii loo gaari lahaa doorasho waqtigeeda ku dhacda .

Sidoo kale wax-yaabaha kulanka lagusoo qaaday waxaa kamid ah ka shaqeynta midnimada dalka, abuuritaanka jawi lagu wada qanacsanyahay iyo in laga fogaado wax kasta oo keeni kara kala fogaasho iyo tafaraaruq.

Shirka ayaa ugu dembeyn laga soo saaray in si wada jir ah looga shaqeeyo samata-bixinta umadda Siimaaliyeed  iyo xasilloonida qaranimada dalka, sida lagu yiri qodobada lagasoo saaray shirkaas.

Abdiaziz Ahmed Barrow, Hiiraan Online
[email protected]












Click here
7/28/2020 7:53 AM EST
Talaado, Luulyo 28, 2020 (HOL) - Saddex qof oo shacab ah ayaa ku dhaawacmay markii askari katirsan ciiddanka amniga Puntland uu rasaas ku furay dad shacab ah oo ka mudaharadaayay sare ukaca dollarka iyo maciishadaha.

7/28/2020 5:58 AM EST
Talaado, Luulyo 28, 2020 (HOL) - Beesha caalamka ayaa muujiyay walaacooda iyo rajada adag ee ay ka qabaan arrintii ka dhacday Baarlamaanka Federaalka, aysan wiiqi doonin dadaallada loogu jiro is-faham siyaasadeed oo wadar-ogol ah oo laga gaaro doorashooyin waqtiyaysan.

7/28/2020 4:25 AM EST
Talaado, Luulyo 28, 2020 (HOL) - Madaxweynaha Maamulka Galmudug ayaa ka tacsiyeeyay geerida ku timid Allaha U Naxariistee Xildhibaan Axmed Shiikh Yuusuf “Galti” oo ka tirsanaa Golaha Baarlamanka Galmudug oo ku geeriyooday magaalada Muqdisho.

7/28/2020 4:18 AM EST
Talaado, Luulyo 28, 2020 (HOL) - Kulan ay maanta yeesheen Baarlamanka Puntland ee Waqooyi bari Soomaaliya ayaa waxay uga hadleen arrimaha xudduudaha Dowlad Goboleedkaas, gaar ahaan Sool iyo Sanaag. Waxaana sidoo kale fadhigii maanta ay ku go'aaminyeen in ajendayaasha lagu daro la xisaabtanka golaha wasiirrada maamulkaas.