11/26/2020
Today from Hiiraan Online:  _
Wararka Maanta- Axad, Feb 9 , 2020
Senatorada kasoo jeeda Puntland oo fuliyay codsi uga yimid madaxweyne Deni


 

Axad, Feberaayo, 09, 2020 (HOL)- Senatarada aqalka sare ee kasoo jeeda degaanada  dowlad goboleedka Puntland, ayaa faarujiyay kulamada aqalka sare ee ka socda magaalada Muqdisho.

Warbaahintu macluumaad rasmi ah kama helin arrimtaan. guddoomiyaha aqalka sare oo wax laga weydiiyay maqnaashahooda waxaa uu sheegay inaanu jirin wax cudurdaar ah oo ay soo gudbiyeen wakiilada Puntland.

HOL, oo xog ka heshay arrintaan, ayaa ku ogaatay in madaxweynaha Puntland Siciid Cabdullaahi Deni uu ka dambeeyo tilaabadaan, kadib markii uu ka codsaday senatorada Puntland in ay isaga baxaan kulamada aqalka sare, islamarkaana ay muujiyaan halka ay ka taagan yihiin khilaafka ka dhex taagan Puntland iyo dowladda federalka Soomaaliya

Senatorada Puntland ayaa horey mar sidaan oo kale ah uga baxay kulamada aqalka sare, kadib markii ay caroodeen meel marinta sharciga batroolka Soomaaliya oo uu maalintii shalay saxiixay madaxweyne Farmaajo.

Senatoradu waxay sharcigaan ku tilmaameen in qaladaad badan oo halis ah ay ku jiraan, dalkana uu galin karo dagaal sokeeye.

Hiiraan Online, Muqdisho











Click here
2/9/2020 11:24 AM EST
Axad, Feberaayo, 09, 2020 (HOL)-Madaxweynaha Dowladda Soomaaliya Maxamed Cabdullaahi Farmaajo ayaa shir-doceed kula yeeshay magaalada Addis Ababa Ra’iisul Wasaaraha Canada Mudane Justin Trudeau.

2/9/2020 10:36 AM EST
Axad, Feberaayo, 09, 2020 (HOL)- Senator Muuse Suudi Yalaxow oo katirsan aqalka sare ee Soomaaliya ayaa sheegay in ay cadaalad darro awgeed shirka golaha aqalka sare uga baxeen senatorada kasoo jeeda Puntland, kuwaas oo maanta mid kamid ah laga waayay fadhiga.

2/9/2020 10:12 AM EST
Axad, Feberaayo, 09, 2020 (HOL)-Waxaa maanta laga dhagax dhigay magaalada Laascaanood ee xarinta gobolka Sool xaruntii laga maamuli lahaa Dab-damiska iyo ciidankii ka hawl geli lahaa.

2/9/2020 10:06 AM EST
Axad, Feberaayo, 09, 2029 (HOL)-Culimada gobolka Awdal oo ay wehelinayan guddida wanaagfarista iyo xumaan reebista gobolkaasi ayaa sheegay inay markhaati u haystaan diintii uu aflagaadeeyey badhasaabka gobolka Awdal Cabdiraxmaan Axmed Cali.

2/9/2020 9:19 AM EST
Axad, Feberaayo, 09, 2020 (HOL)-Maxkamad ku taala magaalada Bosaso ee Puntland, ayaa saddex sano oo xarig ah ku riday sarkaal katirsan wasaaradda kalluumaysiga Puntland oo lagu helay inuu ka ganacsanayay shatiyo been abuur ah oo uu siin jiray ganacsatada kalluunka.

2/9/2020 4:44 AM EST
Axad, Feberaayo, 09, 2020 (HOL)-Taliska ciidamada Mareykanka ee Africa ayaa sheegay in laba duqeyn oo ay Khamiistii la soo dhaafay la beegsadeen dhismo ay Al-Shabab ku leeyihiin meel ku dhow deegaanka Jilib ee gobolka Jubada Dhexe ay ku dhaawaceen laba ka mid ah xogagga Al-Shabab ee halkaa ku sugnaa.

2/9/2020 3:13 AM EST
Axad, Feberaayo, 09, 2020 (HOL)- Agaasimaha Guud ee Xafiiska Korontada iyo Biyaha ee dalka Morocco, Abderrahim El Hafidi, ayaa qaabilay wafdi heer sare ah oo ka socday dowadda Soomaaliya oo ay hogaamineyso wasiirka Tamarta iyo Kheyraadka Biyaha, Fawzia Mohamed Sheikh.

2/9/2020 1:35 AM EST
Axad, Feberaayo, 09, 2020 (HOL)-Madaxweynaha Dowladda Soomaaliya Maxamed Cabdullaahi Farmaajo ayaa lagu waddaa in maanta magaalada Addis Ababa uu uga qeybgalo shir-madaxeedkii 33-aad ee Madaxda Dowladaha iyo dalalka ku mideysan Midowga Afrika oo Maanta ka furmaya Magaalada Addis Ababa ee Caasmadda dalka Itoobiya.