3/29/2024
Today from Hiiraan Online:  _
Wararka Maanta- Sabti, Aug 22, 2020
Ganacsatada Qaadka Kenya oo dalbaday in suuqyo cusub loo raadiyo Qaadka, iyagoo ka quustay Soomaaliya
 

Sabti, Agoosto 22, 2020 (HOL) - Ganacsatada Qaadka Kenya ayaa dowladdooda ugu baaqday inay suuqyo kuyaala qaaradda Afrika u raadiso ganacsiga Qaadka Miiroowga, si looga kaaftoomo baahida loo qabo Qaadka loo iib gayn jiray Soomaaliya.

Ganacsatadu waxay sheegeen inay khasaare baaxad weyn leh  kala kulmeen tan iyo markii dowladda Soomaaliya ay joojisay duulimaadyadii Qaadka ee tegi jiray Soomaaliya, taasoo keentay ganacsatada Kenya ka aamusi waayaan arrintan.

Isku day ganacsatada Kenya ugu ololeeyeen dowladda Soomaaliya inay dib u furto ganacsiga Qaadka iyo dib u furitaanka xadka Kenya iyo Soomaaliya ayaan midho dhalin.

Ururka Ganacsatada ayaa sidoo kale ku riixaya dowlada Kenya in ay ogolaato ganacsiga xuduuda ay la wadaagto Soomaaliya, si loo ogolaado in qaadka dhulka la mariyo oo laga gudbiyo xuduuda labada waddan.

Gudoomiyaha Ganacsatada Miiraa ayaa sheegay hadii loo ogolaado inay maalin kasta u dhoofin karaan Soomaaliya in ka badan 20 tan oo miraa ah.

Wuxuu sheegay in tani ay u noqon laheyd gacan ku haynta beeraleyda iyo ganacsatada oo lumiyey maalin walba 50 tan oo Miiraa ah oo hawada la marin jiray.

Abdiweli M. Sheikh, Hiiraan Online
[email protected]












Click here
8/22/2020 12:12 PM EST
Sabti, Agoosto 22, 2020 (HOL) - Madaxweyne ku xigeenka Jubbaland Maxamuud sayid Aadan aya shaqadii ka joojiyay wasiirka wasaaradda xanaanada xoolaha dhirta iyo daaqa ee Jubbaland Maxamed Xasan Maxamed oo lagu eedeyay ku takrifal Maaliyadeed oo aan nidaamka maaliyadda Jubbaland waafaqsanayn.

8/22/2020 12:07 PM EST
Sabti, Agoosto 22, 2020 (HOL) - Maxkamada darajada koowaad ee gobolka Nugaal ayaa maanta xabsi shan sano ah iyo labo kun oo dollar oo ganaax lacageed ah ku riday haweenay lagu eedeeyay inay karin jirtay islamarkaana ka ganacsan jirtay maamdooriyaha qamriga ee loo yaqaan Calaqa.

8/22/2020 10:56 AM EST
Sabti, Agoosto 22, 2020 (HOL) - Munnaasabad balaaran oo aay xilalka kula kala wareegayeen Taliyaha cusub ee loo soo magacaabay guutada 5-aad iyo Taliyahii hore ayaa maanta lagu qabtay magaalada Beledweyne ee xarunta gobolka Hiiraan.

8/22/2020 4:07 AM EST
Sabti, Agoosto 22, 2020 (HOL) - Xafiiska Xeer-ilaaliyaha Guud ee Qaranka ayaa Muqdisho ku qabtay kulan looga hadlayay sidii sharciyan loo xoojin lahaa joojinta tacdiyadaha ka dhanka jinsiga ( Kufsiga). waxaana si gaar diiradda loogu saaray sare u kaca ku yimid intii lagu guda jiray Xiyaraaddii COVID-19.

8/22/2020 3:40 AM EST
Sabti, Agoosto 22, 2020 (HOL) - Maareeyaha hay’adda duulista hawada Soomaaliya, Axmed Macalin oo ka qeyb galayay barnaamijka kulanka jimcaha ee telefishinka qaranka, ayaa sheegay diyaarad Qaad sidda in aysan cagta soo dhigi karin dhulka Soomaaliya.

8/22/2020 1:55 AM EST
Sabti, Agoosto 22, 2020 (HOL) - Puntland ayaa soo bandhigtay maxaabiis katirsan Al-shabaab iyo hubkooda, kuwaas oo lagu qabtay dagaal xoogan oo shalay Al-shabaab kusoo qaadeen saldhig ay leeyihiin ciidanka daraawiishta Puntland oo kuyaala Aaga Calmadow.

8/22/2020 1:51 AM EST
Sabti, Agoosto 22, 2020 (HOL) - Tiro hoobiyeyaal ah ayaa xalay lagu garaacay xaafadda Howlwadaag ee magaalada Beledweyne, gaar ahaan Saldhiga ay ku leyihiin Taliska Ciidamada Jabuuti xaafadda Howlwadaag.

8/22/2020 1:32 AM EST
Sabti, Agoosto 22, 2020 (HOL) - Maamulada Puntland iyo Jubbaland ayaa soo saaray war murtiyeed ay ku midaysan yihiin oo ay kagasoo horjedaan natiijada kasoo baxday shirkii magaalada Dhuusomareeb.