1/25/2021
Today from Hiiraan Online:  _
Wararka Maanta- Axad, Oct 25, 2020
Dowladda oo qiimeyn ku sameyneysa Amaanka Gobollada dalka ee la filayo in ay doorashooyinka ka dhacaan


 

Axad, October, 25, 2020 (HOL)- Dowladda Soomaaliya ayaa isku diyaarineysa doorashada 2020-21 oo kol hore ay ku heshiiyeen madaxtooyada Soomaaliya iyo madaxda dowlad gobolleedyada in ay waqtigeeda ku dhacdo.

Dhamaan Dowlad gobolleedyada ayaa loo asteeyay in doorashada soo xulista Xildhibaannada cusub ay ka dhacdo Labo deegaan Doorasho oo kala ah  hadba labada magaalo ee ugu waaweyn dowlad gobolleed walba.

Taliyaha ciidanka Booliiska Soomaaliyeed Cabdi Xassan Maxamed Xijaar ayaa safar la xiriira u kuurgalida nabad-galyada goobaha loo diyaariyay in ay ka dhacaan doorashooyinka waxaa uu maanta ku tagay degmada Dhuusa-Mareeb ee xarunta u ah dowlad gobolleedka Galmudug.

Taliyaha ayaa sidoo kale waxaa uu qorshuhu yahay in maalmaha soo socda uu booqdo magaalooyin ka tirsan dowlad gobolleedyada dalka kuwaa oo loo asteeyay in ay ka dhacdo doorashada.

Taliye Xijaar ayaa ayaa kulamo la qaadan doona madaxda dowlad gobolleedka Galmudug iyo saraakiisha ciidamada ee ku sugan degmada Dhuusa-Mareeb.

Cabdiraxmaan Diini, Hiiraan Online
[email protected]
    


 














Click here
10/25/2020 11:20 AM EST
Axad, October, 25, 2020 (HOL) - Madaxweynaha Puntland Siciid Deni ayaa shaaciyay inay xal-waara ka gaarayaan shirkadda DP world oo gacanta ku haysa dekeda Bosaso, taasoo aan weli si buuxda u fulin heshiiskii ay kula wareegtay dekeda.

10/25/2020 10:06 AM EST
Axad, October, 25, 2020 (HOL) - Maxkamada ciidamada qalabka sida ayaa xukuntay 11-Eedeysane oo isugu jiro Ciidamada Asluubta, Xunkusanayaal iyo Garsugayaal lala xariiryay inay kaalin ku lahaayeen weerarkii xabsiga dhexe ee Xamar.

10/25/2020 8:23 AM EST
Axad, October, 25, 2020 (HOL)- Ra’iisal Wasaare ku-xigeenkii hore ee Soomaaliya Maxamed Cumar Carte ayaa lagu waramayaa in uu gaaray magaalada Hargeysa kaddib markii uu cafis ka helay madaxweynaha Somaliland Muuse Biixi Cabdi.

10/25/2020 4:54 AM EST
Axad, October, 25, 2020 (HOL) - Dagaalmayaal katirsan ururka Al-Shabaab ayaa qabsaday dhowr tuulo oo ka tirsan gobolka Sanaag ee waqooyiga Soomaaliya, oo ay sheegtaan maamulka Somaliland.

10/25/2020 3:55 AM EST
Axad, October, 25, 2020 (HOL) – Guddoomiyaha Guddiga Madaxa Banaan ee Doorashooyinka Qaranka Xaliimo Ismaaciil Ibraahim (Xaliimo Yareey) ayaa ku eedeysay Dowlad Gobolleedyada in aysan ilaalin qoondad haweenka ee Guddiyada Doorashada heer Federaal.

10/25/2020 2:13 AM EST
Axad, October, 25, 2020 (HOL) - Wasiirka hore ee warfaafinta Soomaaliya Maxamed Cabdi Xayir Maareeye ahna xildhibaan katirsan barlamaanka aqalka hoose, ayaa ku eedeeyay wasiirro katirsan xukuumada raysal wasaare Rooble iyo xog-hayntiisa in ay faro galin ku billaabeen xulista guddiyada doorashooyinka wakiiladda Somaliland.

10/25/2020 1:31 AM EST
Axad, October, 25, 2020 (HOL)- Madaxweynaha dalka Turkiga Recep Tayyip Erdogan ayaa weerar Afka ah ku qaaday dhaggiisa dalka Faransiiska Emmanuel Macron isaga oo sheegay in uu ku khafiifay naceybka dadka muslimiinta ah.

10/25/2020 1:15 AM EST
Axad, October, 25, 2020 (HOL) - Wakiilka Qaramada Midoobay ee Soomaaliya James Swan ayaa ugu yeeray hoggaamiyayaasha Soomaaliya inay hadda bilaabaan ka baaraan dagidda tallaabooyinka loo baahan yahay in la qaado si loogu diyaar garoobo doorasho Qof iyo Cod, 2024 ama 2025.

10/25/2020 1:09 AM EST
Axad, October, 25, 2020 (HOL)- Madaxweynaha Dowlad Gobolleedka Hirshabeelle Mudane Maxamed Cabdi Waare ayaa wareegto uu soo saaray ku magacaabay xubnaha maamulkiisa ku matalaya Guddiyada Doorashada heer Federaal.