1/25/2021
Today from Hiiraan Online:  _
Wararka Maanta- Khamiis, Oct 22, 2020
Puntland oo maanta sii daysay macalimiin dugsi qur'aan iyo dad kale oo u xirnaa dilkii gudoomiyaha gobolka Nugaal


 

Khamiis, October 22, 2020 (HOL) - Puntland ayaa maanta sii daysay todobo qof oo qeyb ka ahaa dad loo xiray dilka gudoomiyihii gobolka Nugaal, Cabdisalaan Xirsi Xasan Gujir, oo 29 bishii maarso ee sanadkan lagu dilay qarax ismiidaamin ah oo ka dhacay Garowe.

Todobadaan qof oo kamid ahaa dadka barakacayaasha ee ku noolaa magaalada Garowe, ayaa muddo ku dhow 8 bilood xabsi ugu jiray baaritaanka kiiskaan, oo lasoo gabagabeeyay bishaan lana xukumay qaar kamid ah dadkii u xirnaa.

Dadka maanta xoriyadooda helay ayaa saddex kamid ah waxay ahaayeen macalimiin dugsi qur’aan ah, halka kuwa kalena ahaayeen ganacsato dukaanleyaal ah, kuwaas oo dhamaantood lagasoo qabtay xaafadaha baracayaasha ee Garowe.

Maxkamada maamulka Puntland ayaa wax dambi ah ku weyday raggan sida uu HOL u sheegay, nabadoon Xuseen Xaaji Ibraahim, oo kamid ah nabadoonada dadka barakacayaasha ee dadaalka ugu jiray in lasii daayo raggan.

Nabaddoonku wuxuu sheegay in 8 qof oo kale ay weli sugayaan inay cadaalad helaan, kuwaas oo iyagana kiiskaan loo xiray.

Abdisalan Nur Dirie, Hiiraan Online
[email protected]












Click here
10/22/2020 8:37 AM EST
Khamiis, October, 22, 2020 (HOL) –Madax-tooyada Dowlad Gobolleedka Puntland ayaa lagu waramayaa in ay si rasmi ah u soo gudbisay magacyada xubnaha ku matalaya guddiyada la filayo in dhawaan loo saaro Doorashada iyo xalinta khilaafaadka ee sida lagu heshiiyay ilaa daba-yaaqada sanadkan ka shaqeyn doona soo xulista xildhibaannada Baarlamaanka cusub.

10/22/2020 7:12 AM EST
Khamiis, October 22, 2020 (HOL) - Ciidamada Booliska iyo militariga dowladda Soomaaliya ayaa si cad u hor istaagay banaanbax maanta ka dhaci rabay magaalada Baledweyne ee xarunta gobolka Hiiraan.

10/22/2020 5:59 AM EST
Khamiis, October 22, 2020 (HOL) - Hay’adda Iskaashiga Horumarinta Jarmalka ee GIZ ayaa ku deeqday 7.2m oo Yuuro ah oo loogu talo galay ka jawaabida adeegyada caafimaadka iyo xoojinta la dagaalanka COVID19 ee degaaanada Puntland.

10/22/2020 1:10 AM EST
Khamiis, October 22, 2020 (HOL) - Bankiga dhexe ee Soomaaliya ayaa soo saaray warsaxaafadeed uu ku beeninayo jiritaanka in dacwad laga gudbiyay bankiyada gaarka loo leeyahay ee kuyaala Soomaaliya.