1/25/2021
Today from Hiiraan Online:  _
Wararka Maanta- Arbaco, Oct 21, 2020
Al-shabaab oo weerar ku qaaday saldhig booliiska Kenya ku leeyihiin Mandhera


 

Arbaco, October 21, 2020 (HOL) - Dagaal culus oo u dhexeeya booliska kenya iyo dagaalamayaasha Al-shabab ayaa lagusoo waramayaa inuu ka dhacay magaalada Mandheera.

Dagaalka ayaa qarxay kadib markii kooxda Alshabaab ay weerareen fariisin booliis oo kuyaala duleedka Mandera.

Sida ay wararku sheegayaan, saddex ka tirsan ciidamada Kenya ayaa dhaawacmay iyadoo loola cararay isbitaal ka agdhow halkaas oo lagu daweynayo.

Weerarkaan ayaa kusoo beegmaya maalmo kadib markii Alshabab ay Saddex qof ka afduubeen Gobolka Mandheera.

Dhacdadan ayaa ka dhacday meel 30 kiiloomitir u jirta magaalada Lafey kadib markii rag hubaysan gaari dadweyne kala dageen saddex qof.

Ciidamada Difaaca Kenya ayaa sidoo kale dilay shan ka tirsan dagaalyahannada Al-Shabaab ka dib markii ay weerar gaadmo ah ku qaadeen kolonyo militari.

Abdiweli M. Sheikh, Hiiraan Online
[email protected]












Click here
10/21/2020 5:27 PM EST
Arbaco, October 21, 2020 (HOL) - Waasaradda arrimaha gudaha ee dowlad goboleedka galmudug ayaa caawa ku dhawaaqday liiska saxda ah ee xubnaha golaha degaanka degmada galkacyo kuwaas oo ka kooban 27 xildhibaan.

10/21/2020 8:42 AM EST
Arbaco, October 21, 2020 (HOL) - Kulan ballaaran oo ay maanta ku yeesheen magaalada Baledweyne ee xarunta gobolka Hiiraan Odayaal iyo waxgarad ka tirsan beesha Xawaadle ayaa si adag waxay uga soo horjeesteen dhismaha maamulka Hirshabelle.

10/21/2020 5:20 AM EST
Arbaco, October 21, 2020 (HOL) - Taliyaha ciidamada xooga dalka Soomaaliyeed General Odawaa Yuusuf Raage ayaa faahfaahin ka bixiyay howlagalo ciidamada Militariga Soomaaliya ka sameyeen deegaano ka tirsan degmada Diinsoor ee gobolka Baay.

10/21/2020 3:22 AM EST
Arbaco, October 21, 2020 (HOL) -Cabdulqaadir Xaaji Daahir ( Shiikha) oo ka tirsanaa cayaaryahannadii xulka qaranka Soomaaliyeed ee wiilasha kubadda koleyga iyo naadigii Badda, haatana ah Tabararaha xulka qaranka ee wiilasha kubadda koleyga iyo Guddoomiyaha Guddiga cayaartooydii hore (Somali Legends) ee qurbaha oo u istaagay taakulaynta walaalaha isboortiga ee ku nool Dalka gudahiisa, ayaa hambalyo iyo bogaadin u diray wasiirka cusub ee wasaaradda dhallinyarada iyo isboortiga Mudane Xamza Saciid Xamza isaga oo ugu hambalyaynaya magacaabidda loo magacaabay jagada wasiirka wasaaradda dhallinyarada iyo isboortiga.

10/21/2020 2:03 AM EST
Arbaco, October 21, 2020 (HOL) - Wasiirka arrimaha gudaha Somaliland, Maxamed Kaahin, ayaa sheegay inuu sida ugu shaqsiyaha badan ugu howlgalayo sidii Somaliland usii dayn lahayd wiil dhalinyaro oo lagu magacaabo Bilaal Bulshaawi, oo muddo ku dhow labo bilood ku xiran Hargeysa.

10/21/2020 1:45 AM EST
Arbaco, October 21, 2020 (HOL) - Dacwad oogayaasha dalka Taiwan ayaa dacwad ku soo oogay kabtan u dhashay dalka China oo lagu haysto inuu bixiyay amar lagu dilay afar nin oo looga shakiyay inay yihiin burcad badeed Soomaali ah sideed sano ka hor.

10/21/2020 1:14 AM EST
Arbaco, October 21, 2020 (HOL) - Wasiirka arrimaha gudaha ee Somaliland Maxamed Kaahin ayaa guddoonsiiyey Duuliye Axmed Maxamed Xasan (Axmed Dheere) bilad sharaf loogu abaal gudayo kaalintii uu ka qaatay badbaadinta shacabka reer reer Hargeysa, mudadii ay colladda u dhexesay SNM iyo xukunkii siyaad Barre.