1/25/2021
Today from Hiiraan Online:  _
Wararka Maanta- Talaado, Oct 20, 2020
Puntland oo ka mamnuucday degaanadeeda in laga furto xarumaha Shifooyinka


 

Talaado, October 20, 2020 (HOL) - Puntland ayaa mamnuucday in degaanadeeda laga furto xarumaha shifooyinka ee dadka lagu saaro qur’aaanka, kuwaas oo sanadihii ugu dambeeyay aad ugu soo badanayay guud ahaan Soomaaliya.

Qoraal kasoo baxay wasaaradda cadaaladda iyo arrimaha diinta ee maamulka Puntland, ayaa lagu sheegay, in loo mamnuucay si loo saxo shaqooyinka ay qabtaan shifooyinka.

Wasaaradda cadaaladda waxay ku amartay laamaha amniga ciddii ku xad guduubta amarkaan in laga qaado tallaabo waafaqsan sharciga.

Go’aankan ayaa kusoo beegmaya xilli uu haatan Garowe ku sugan yahay wadaad dhalinyaro ah oo lagu magacaabo Sheikh Rusheeye yare, kaasoo dhawaan Somaliland ka mamnuucday inuu tago Laascaano.

Wadaadkan, oo aad caan uga ah baraha bulshada ayaa iska leh shifo lagu magacaabo “Daarul towba” oo kutaala Muqdisho, wuxuuna Garowe u tagay  inuu ka sameeyo cillaaj, sidoo kalena qorsheyanayay inuu ka furto xarun cusub.

Qaar kamid ah culimada Garowe ayaa maalmihii ugu dambeeyay maamulka ka codsanayay in la joojiyo barnaamijka uu wadaadkan u yimid Puntland.


Abdiweli M. Sheikh, Hiiraan Online
[email protected]












Click here
10/20/2020 2:58 PM EST
Talaado, October 20, 2020 (HOL) - Warar dheeraad ah ayaa kasoo baxaya qarax xoogan oo caawa ka dhacay nawaaxiga isgoyska KM-4 kasoo jugtiisa laga maqlay inta badan degmooyinka gobolka Banaadir.

10/20/2020 2:24 PM EST
Talaado, October 20, 2020 (HOL) - Qaar ka mid ah Wariyaasha magaalada Muqdisho ee Caasimadda Soomaaliya iyo Ururada Warbaahinta ayaa maanta sameyay banaanbax ay kaga soo horjeedaan xariga wariye Cabdullaahi Kulmiye Caddow oo maalintii afaarad xabsi ugu jira dowladda Soomaaliya.

10/20/2020 2:16 PM EST
Talaado, October 20, 2020 (HOL) - Madaxweynaha Dowladda Fedaraalka Soomaaliya Maxamed Cabdullahi Maxamed Farmaajo ayaa maanta kulan la qaatay Golaha Wasiiradda cusub ee Xukuumadda uu soo dhisay Ra'iisul Wasaaraha Xukuumadda Soomaaliya Maxamed Xuseen Rooble.

10/20/2020 11:25 AM EST
Ururka Arimaha Bulshada Soomaaliyeed ee Maraykanka (Somali American Public Affairs Committee) ayaa kulan balaaran ku qabtay magaaladda Minneapolis ee gobolka Minnesota , kulankaan oo looga hadlaayey sidii loo xoojin lahaa ama laysagu xiri lahaa bulshada Soomaaliyeed ee Maraykanaka looga hadli lahaa caqabadaha haysta,

10/20/2020 7:34 AM EST
Talaado, October 20, 2020 (HOL) - Urur ay ku midaysan yihiin ganacsatada Qaadka ee dalka Kenya, ayaa sheegay in dowladda Soomaaliya ay siisay ogeysiis sedex maalmood ah ganacsatada Kenyaanka ah ee sida dhuumaaleysiga ah qaadka uga soo daabula magaalada Mandheera, si loosoo galiyo Soomaaliya.

10/20/2020 1:34 AM EST
Talaado, October 20, 2020 (HOL) - Ilwad Elman oo ah gabadh Soomaaliyeed oo u ololeysa nabadda ayaa sanadkaan 2020 ku guulaysatay Abaalmarin caalami ah oo la siiyo shaqsiyaadka ugu firfircoon qaaradda Afrika oo ay bixiso hay’adda Jarmal-Afrika Foundation.

10/20/2020 1:32 AM EST
Talaado, October 20, 2020 (HOL) - Dowladda Mareykanka ayaa la filayaa inay dib u dajin u sameyso in ka badan 1,100 oo qaxooti ah oo ay ku jiraan Soomaali horraanta sanadka soo socda taasoo qeyb ka ah heshiis cagajiid ah oo uu madaxweyne Donald Trump la galay Australia, sarkaal ka tirsan Australia ayaa sidaas sheegay Isniintii shalay.

10/20/2020 1:29 AM EST
Talaado, October 20, 2020 (HOL) - Madaxweynaha Soomaaliya Maxamed Cabdullaahi Farmaajo ayaa ku bogaadiyey raysal wasaarihiisa Maxamed Xuseen Rooble soo dhisidda Xukuumad tayo leh oo ka shaqeyn karta hirgelinta qorsheyaasha hortabinta u leh shacabka iyo dowladda Soomaaliyeed, kuwaas oo ay ugu horreeyaan qabsoomidda doorashada, adkeynta amniga iyo sii ambaqaadidda guulihii dhanka dowladnimada ee sanadihii la soo dhaafay la gaaray.