1/17/2021
Today from Hiiraan Online:  _
Wararka Maanta- Axad, Oct 18, 2020
Wasiirka waxbarashada Soomaaliya oo wax laga weydiinayo sababtii kumanaan arday sanadkan imtixaanka ugu dhaceen


 

Axad, October 18, 2020 (HOL) - Guddiga xaqiiqo raadinta barlamaanka Soomaaliya ayaa u yeeray sii hayaha wasiirka waxbarashada Soomaaliya Cabdullahai Goodax Barre, agaasimihiisa guud iyo agaasimaha imtixaanaadka.

Qoraal kooban oo loo diray masuuliyiintaan ayaa lagu sheegay in gudidgu wax ka weydiindoono natiijada imtixaankii shahaadiga ee dowladda federalku qaaday sanadkaan, kaasoo dood badan ay ka dhalatay natiijada kasoo baxday ku dhawaaqidiisa.

Wasaarada waxbarashada Soomaaliya  ayaa dhalleecayn xoogan kala kulmeen markii kumanaan oo arday sanadkaan ay ku dhaceen imtixaankii shahaadiga, iyadoo 90% ardayas ka socdeen gobolka Banaadir.

Barlamaanka Soomaaliya oo ka jawaabayay dareenka ka dhashay arrintan ayaa magacaabay guddi xaqiiqo raadineed oo warbixin kasoo diyaariya sababta keentay in tiro intaas le’eg oo arday ah imtixaanka ku dhacaan.

 

Abdiweli M. Sheikh, Hiiraan Online
[email protected]












Click here
10/18/2020 11:02 AM EST
Axad, October 18, 2020 (HOL) - Waxaa maanta gaaray magaalada Jowhar ee caasimadda maamulka Hirshabelle qaar ka mid ah odayaasha dhaqanka deegaanadda Hirshabelle.

10/18/2020 10:35 AM EST
Axad, October 18, 2020 (HOL) - Ciidamada milatariga Soomaaliya oo taageero ka helaya kuwa Amisom ayaa dagaal saacado badan qaatay kula galay Al-shabaab degaano hoos yimaada degmada Buuloburte ee gobolka Hiiraan.

10/18/2020 8:17 AM EST
Axad, October 18, 2020 (HOL) - Waxaa maanta hakad ku jira shaqooyinkii garoonka diyaaradaha magaalada Baledweyne ee xarunta gobolka Hiiraan kadib markii ay dhex fariisteen biyo ka dhashay roobab lagu diirsaday oo ka da'ay gudaha iyo daafaha magaalada Baledweyne.

10/18/2020 8:06 AM EST
Axad, October 18, 2020 (HOL) - Jaaliyadda Soomaaliyeed ee dalka Canada gaar ahaan magaalada Ottawa ayaa soo dhaweeyay Safiirka cusub ee dowladda Soomaaliya u magacowday dalka Canada.

10/18/2020 2:41 AM EST
Axad, October 18, 2020 (HOL) - Madaxweynaha Puntland Siciid Cabdullaahi Deni oo maanta dib ugusoo laabnaya magaalada Garowe, ayaa loo xiray waddooyinka Garowe, iyadoo lagusoo daadiyay ciidamo fara badan iyo gaadiidka dagaalka.