1/18/2021
Today from Hiiraan Online:  _
Wararka Maanta- Jimco, Nov 6 , 2020
Wararkii ugu danbeeyay dagaalka gobolka Galguduud iyo saraakiisha dowladda oo guulo sheegtay


 

Jimco, November,  06, 2020 (HOL)- Faah faahin dheeraad ah ayaa ka soo baxaya dagaal culus oo qeybo ka mid ah gobolka Galguduud gaar ahaan deegaanka Bulacle ku dhaxmaraya ciidamo ka tirsan kuwa Dowladda Soomaaliya iyo Xoogagga Ururka Al-shabaab.

Wararku waxaa ay sheegayaan in dagaalkani qarxay kaddib markii ciidamada dowladda Soomaaliya howlgalo ka bilaabeen deegaanno ay gacanta ku hayaan Ururka Al-shabaab.

Dad ku sugan halka uu dagaalku ka soconaya ayaa warbaahinta u sheegay in wali meelaha qaar laga maqlayo dhawaqa rasaasta labada dhinac isweydaarsanayaan sidoo kalena uu jiro khasaare dhimasho iyo dhaawacba leh oo soo kala gaaray xoogagga iska soo horjeeda.

Saraakiisha ciidamada Dowladda ayaa sheegay in ay la wareegeen  deegaano ay ku sugnaayeen Al-shabaab inta uusan bilaaban dagaalkan, walina ciidamadu ku sii jeedaan sida ay hadalka u dhigeen deegaanno kale.

Howlgaladan ayaa imanaya xili Galmudug isku diyaarineyso doorashada xildhibaannada Golaha Shacabka ee ka soo jeeda gobolka oo loo asteeyay in ay ka dhacdo labo deegaan doorasho uu maamulkaasi ka tirsan.

Cabdiraxmaan Diini, Hiiraan Online
[email protected]













Click here
11/6/2020 10:15 AM EST
Jimco, November, 06, 2020 (HOL) - Dowladda Jabuuti ayaa dalkeeda ka musaafurineysa ilaa 16 Askari oo Itoobiyaan ah, kuwaa oo sida la sheegay gacan saar dhaw la leh Jabhada difaaca Tigray-ga.

11/6/2020 7:29 AM EST
Jimco, November, 05, 2020 (HOL)- Dowladda Uganda ayaa kala baxday Soomaaliya qeyb ka mid ah ciidamadooda ka tirsan howlgalka midowga Africa AMISOM.

11/6/2020 6:46 AM EST
Jimco, November, 06, 2020 (HOL) - Turkiga ayaa siiyay ku dhowaad 3.4 milyan oo deyn ah oo Soomaaliya ay ku leedahay Sanduuqa Caalamiga ah ee Lacagta Adduunka (IMF), iyada oo qayb ka ah dadaallada la bilaabay horaantii sanadkan si looga cafiyo deymaha culus ee dalalka dakhligoodu hooseeyo.

11/6/2020 5:45 AM EST
Jimco, November, 06, 2020 (HOL)- Wararka naga soo gaaraya gobolka Galguduud ayaa sheegaya xiligan dagaal culus oo u dhaxeeya ciidamada dowladda iyo kuwa xoogga Al-shabaab uu ka soconayo deegaanka Bulacle.

11/6/2020 2:19 AM EST
Jimco, November, 06, 2020 (HOL) -Wararka naga soo gaaraya qeybo ka mid ah deegaannada Galmudug ayaa sheegaya in ciidamada dowladda ay halkaa ka waddaan dhaqdhaqaaqyo militari oo ka dhan ah xoogagga Ururka Al-shabaab.

11/6/2020 1:37 AM EST
Jimco, November, 06, 2020 (HOL) - Wali waxaa ka socdo qaar ka mid ah gobollada Mareykanka tirinta codadka doorashada madaxtinimo ee 3-dii bishaan November, ka dhacday Ameerika. Taasoo ay ku loolamayaan madaxweynaha mudo xileedkiisu uu dhammaaday Donald Trump oo ka tirsan Xisbiga Jamhuuriga iyo Joe Biden oo horay u ahaa Madaxweyne ku xigeenka Mareykanka, matalaayana Xisbiga Dimuqraadiga.

11/6/2020 12:07 AM EST
Jimco, November, 06, 2020 (HOL) - Xiisada u dhaxeysa Xukuumadda Dhexe ee Itoobiya iyo ismaamulka Tigray-ga ayaa u muuqata mid cirka isku shareertay, iyadoo hadda laga cabsi qabo in ay Itoobiya gasho dagaal sokeeye.