1/25/2021
Today from Hiiraan Online:  _
Wararka Maanta- Talaado, Nov 3 , 2020
Wasiir Duraan Faarax : Waxaa naga go’an dhimista saboolnimada




Talaado, November, 03, 2020 (HOL) -  Wasiirka Shaqada iyo Arrimaha Bulshada Xukuumadda Federaalka Soomaaliya, Mudane Duraan Axmed Faarax ayaa sheegay inuu diiradda saarayo sidii guul looga gaari lahaa hayaanka dhimista saboolnimada iyo koritaan loo siman yahay.

“Waxaa Sharaf u ah Dawladda iyo Dadka Soomaaliyeed , maanta inan joogno tallaabooyinkii u horreeyay ee aan ku gaareyno isbeddel bulsho,Muwaadiniinta nugulna ay gaareyso taageerro uga imaanaysa Dawladda” ayuu yiri isagoo maanta Muqdisho ka daahfuray kulan la xiriiray Siyaasadda Ilaalinta Bulshada.

Kulanka ayaa isu keennay xubno sare oo matalayey Dawladda Federaalka, Dawlad-gobolleedyada dalka iyo gobolka Banaadir, iyadoo ujeeddadu tahay in fahan qoto dheer laga helo siyaasadda Ilaalinta Bulshada, lana gaarsiiyo dhammaan Bulshada.

“Waxaa muhiim ah inan hoosta ka xariiqno in Dawladda Federaalka iyo Dawladaha xubnaha ka ah inay inta badan dadkeenna Soomaaliyeed ee saboolka ah, tabarta daran ay ku xisaabtamayaan ballanqaadkeena iyo dadaalkeenna si aan u hubino siyaasaddan.” ayuu ku daray.

Golaha Wasiirrada Soomaaliya ayaa ansixiyay bishii July ee sannadkii 2019, siyaasadda Ilaalinta bulshada oo ay hoggaamiso Wasaaradda Shaqada iyo Arrimaha  Bulshada, waxaana qeyb ka ah siyaasadda in lagu dhimo saboolnimada, iyadoo lagu guuleystay ku dhawaad 1.2 milyan oo bulshada nugul ah inay taageerro dhaqaale ka helaan barnaamijka Baxnaano ee qeybta ka ah siyaasadda.

Iman Mohamed Jama, Hiiraan Online
[email protected]












Click here
11/3/2020 5:00 PM EST
Talaado, November, 03, 2020 (HOL) - Laamaha amniga Puntland ayaa magaalada Bosaso kusoo bandhigay labo nin oo dhalinyaro oo qirtay inay ka dambeeyeen kufsi iyo dil loo geystay Naciimo Cabdi Maxamed oo ahayd gabadh yar oo dhawaan maydkeeda laga helay Bosaso.

11/3/2020 1:58 PM EST
Talaado, November, 03, 2020 (HOL)- Waxaa maanta ku dhawaaqay is casilaadiisa madaxweynihii Dowlad Gobolleedka Hirshabeelle Maxamed Cabdi Waare isaga oo qoraal dheer uu soo saaray ku sheegay in shaley iyo maantaba aan loo marin dhismaha maamulkii uu madaxweynaha ka soo ahaa dariiqii saxda ahaa.

11/3/2020 10:11 AM EST
Talaado, November, 03, 2020 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa warqadaha aqoonsiga ka guddoomay Danjireyaasha cusub ee dalalka Denmark, Ireland, Poland ee Soomaaliya.

11/3/2020 6:23 AM EST
Talaado, November, 03, 2020 (HOL) - Ergeyga Qaramada Midoobay ee Soomaaliya James Swan, ayaa kulan la qaatay wasiirka arrimaha dibada Kenya Amb. Raychelle Omamo.

11/3/2020 5:39 AM EST
Talaado, November, 03, 2020 (HOL)- Shirkan oo uu Guddoominayo Ra'iisal Wasaare Maxamed Xusseen Rooble ayaa ayaa ka soconaya Hotel ku yaala gudaha Garoonka Diyaaradaha Aadan Cadde, waxaana diirrada lagu saaraya qodobo ay ka mid yihiin Arrimaha Doorashooinka dalka, Amniga, Kobcinta Dhaqaalaha, Daynta cafinta, horumarinta bulshada,Caddaaladda iyo qorshaha waxqabadka xukuumadda ee 100- a maalmood.

11/3/2020 1:01 AM EST
Talaado, November, 03, 2020 (HOL) - Ganacsatada kalluunka qalalan ee gobolka Lamu ee dalka Kenya, ayaa codsaday in dib loo furo xadka Lamu iyo Soomaaliya si ay awood ugu helaan in ganacsigoodu u gudbo Soomaaliya.

11/3/2020 12:54 AM EST
Talaado, November, 03, 2020 (HOL) - Ciidamada amniga Puntland ayaa dhaqdhaaqyo ciidan ka bilaabay degaanada gobolka Sanaag kadib markii Al-shabaab qabsadeen dhowr tuulo oo hoos yimaada gobolkaas.

11/3/2020 12:39 AM EST
Talaado, November, 03, 2020 (HOL)-Xildhibaannada Baarlamaanka Labaad ee Dowlad Gobolleedka Hirshabeelle ayaa maanta lagu waddaa in ay khudbado ka dhageystaan musharixiinta u taaggan qabashada xilka Guddoonka Baarlamaanka.

11/3/2020 12:26 AM EST
Talaado, November, 03, 2020 (HOL) -Madaxweynihii Dowlad Gobolleedka Hirshabeelle Maxamed Cabdi Waare ayaa bartiisa Twitter -ka ku shaaciyay in uu iska casilay xilkii madaxweynaha, isaga oo sheegay in uu u maray qaab sharciga waafaqsan.