12/5/2020
Today from Hiiraan Online:  _
Wararka Maanta- Axad, Nov 15, 2020
Dowladda Soomaaliya oo 30 sano kadib dib u furatay safaaradeedii magaalada Nairobi


 

Axad, November, 15, 2020 HOL) - 30 sano kadib, dowladda Soomaaliya ayaa dib u furatay safaaradeedii magaalada Nairobi, taasoo lagu soo celiyey gacanta dowlada, kadib markii maxkamad ku taal Kenya ay horey u xukuntay in safaarada si sharci daro ah loo iibiyey.

Safiirka Soomaaliya u fadhiya Kenya, Maxamuud Axmed Nuur (Tarsan) ayaa sheegay in dadaal dheer loo galay  dib u furida safaaradda, isagoo sheegay in lagu sameeyay dayactir ku kacay $ 310,000.

Dowladda federalka Soomaaliya ayaa bixisay $ 200,000 halka inta kalena ay ku deeqeen dadka Soomaaliyeed.

“Haddaanu nahay Soomaali, waxaa farxad weyn iyo karaamo inoo ah, in aan 30 sano dabadeed, soo ceshano safaaraddeennii iyo haybadii ay lahayd. Safaaraddu waa muraayadii laga fiirsanayay Soomaaliya,” ayuu yiri safiirka Soomaaliya ee Kenya.

Safiirka Soomaaliya ayaa qiray haddii aysan shacabka Soomaaliyeed ka qeyb qaadan lahayn dadaalkaan in aysan safaaradda furmi lahayn, wuxuuna tilmaamay in lacag ka badan boqol kun oo dollar ay shacabka Soomaaliyeed ku taageereen dib u dhiska safaaradda.

Wasiirka arrimaha dibadda Soomaaliya, danjire Axmed Ciise Cawad, ayaa sheegay dib ufurida Soomaaliya ee Kenya in ay muujinayso in ay Soomaaliya dib u soo noolaatay islamarkaana ay soo ceshatay sharafteedii.

“Wax badan ayaynu ahayn dad iyo dal dayacan, laakiin maanta safaaraddaheennii ayaa dib loo dhisayaa, waxaana kaalin lixaad leh ka qaadanaya jaaliyaddaheena dibadda,” ayuu yiri wasiir Cawad.

Sanadkii 2010 ayay ahayd markii maxkamad ku taalla magaalada Nairobi ay xukuntay in gurigii safaaraada Soomaaliya ee Nairobi loo celiyo dowladda Soomaaliya taas oo si sharci darro ah looga iibiyay nin u dhashay Kenya.

Dhismaha safaarada ayaa si sharci darro ah loo iibiyay markii ay dowladdii hore ee Soomaaliya ay dhacday, waxaa nin ganacsade ah oo kenya u dhashay ka iibiyay xubno ka tirsanaa safaaradii Soomaaliya ee waagaas jirtay.

Abdiweli M. Sheikh, Hiiraan Online
[email protected]












Click here
11/15/2020 10:36 AM EST
Axad, November, 15, 2020 (HOL)- Hogaamiyaha TPLF Debretsion Gebremichael ayaa ku eedeeyay madaxweynaha dalka Eritrea Isaias Afwerki inuu la saftay ra'iisul wasaaraha Itoobiya, Abiy Ahmed marka la eego dagaalka ka socda gobolka.

11/15/2020 8:22 AM EST
Axad, November, 15, 2020 (HOL) -Guddoomiyaha Golaha Aqalka Sare ee Soomaaliya Cabdi Xaashi Cabdillaahi ayaa Qoraal ka dhan ah Guddiyada Doorashooyinka u diray beesha caalamka gaar ahaan Wakiilka QM eeArrimaha Soomaaliya Amb, James Swan, Wakiilka Midowga Afrika ee Somalia Amb, Francisco Madera.

11/15/2020 6:05 AM EST
Axad, November, 15, 2020 (HOL)- Wakiilka Qarramada Midoobey u qaabilsan arrimaha Soomaaliya, James Swan oo u warramay sheegay in wali jirto qatar badan badan oo ka imaneysa dhinaca Ururka Al-shabaab.

11/15/2020 6:05 AM EST
Axad, November, 15, 2020 HOL) - Al-Shabaab ayaa beenisay sheegashada Itoobiya ee ah in ay xireen xubno ka tirsan kooxdooda, sida lagu sheegay warbixin lagu daabacay wakaaladda wararka Ethiopia ee ENA.

11/15/2020 1:42 AM EST
Axad, November, 15, 2020 HOL) - Koox dhalinyaro ah oo reer Kenya ah oo ka tirsan ardayda jaamacadaha ayaa loo xilsaaray sameynta hub cusub iyada oo lagu fulinayo hawlgal qarsoodi ah oo loogu magac daray Mashruuca Warshadeynta Amniga Qaranka.

11/15/2020 1:13 AM EST
Axad, November, 15, 2020 HOL) - Ciidamada Amniga Puntland ayaa hawlgallo amniga lagu xaqiijinayo ka sameeyay tuulooyin katirsan Calmadow oo ah degaano ay si dhuumaalaysi ku yimaadaan dagaalamaayasha kooxda Alshabaab ee farriisinka ku leh aaggaas.

11/15/2020 12:29 AM EST
Axad, November, 15, 2020 (HOL)- Hay’adda Sirdoonka dalkaasi Itoobiya ayaa sheegtay kaddib howlgal ay sameeyeen ciidamada in ay gacanta ku soo dhigeen xubno ka tirsan Ururrada Al-shabaab iyo Daacish ee ka dagaalama gudaha dalka Soomaaliya.

11/15/2020 12:14 AM EST
Axad, November, 15, 2020 HOL)- Warar dheeraad ah ayaa ka soo baxaya Gantaallo lagu weeraray magaalada Asmara ee dalka Eritrea fiidnimadii xalay wax yar uu kaddib markii saraakiisha TPLF ku hanjbeen weerarka Asmara.