12/1/2020
Today from Hiiraan Online:  _
Wararka Maanta- Axad, Nov 15, 2020
Madaxweynaha Eritrea oo lagu eedeeyay in uu la saftay Abiy Ahmed dagaalka socda gobolka Tigrayga


 

Axad, November, 15, 2020 (HOL)- Hogaamiyaha TPLF Debretsion Gebremichael ayaa ku eedeeyay madaxweynaha dalka Eritrea Isaias Afwerki inuu la saftay ra'iisul wasaaraha Itoobiya, Abiy Ahmed marka la eego dagaalka ka socda gobolka.

Wuxuu hoggaamiyuhu sheegay in ay iyagu ka danbeeyeen gantaallihii lagu weeraray garoonka diyaaradaha magaalada Asmara, isaga oo intaan ku darray in aysan jirin goob kale oo ka tirsan Eritrea oo ay duqeeyeen.

Hogaamiyaha ayaa sidoo kale sheegay in ciidamadiisu ay maalmihii lasoo dhaafay la dagaalamayeen ciidamada Eritereya, colaada ayaa hadda u muuqata mid gaartay halkii ugu darneyd iyadoo dalkaasi ay isaga cararayaan kumannaan qaxooti ah oo u talaabaya dhinaca dalka Suudan.

Ku dhawaad laba toddobaad deegaannada ku teedsan xadka ay wadaagaan deegaannada Amxaarada iyo Tigraay waxaa ka socda dagaal xooggan oo qayb ka aha dagaalka ay dowadda dhexe ku qaadday deegaanka Tigraay kaddib marki ay dowladda Itoobiya ciidamo daacad ah u ah TPLF ay ku eedeysay iney weerareen ciidamada federaalka ee qaybta waqooyi.

Cabdiraxmaan Diini, Hiiraan Online
[email protected]    




























Click here
11/15/2020 3:57 PM EST
Axad, November, 15, 2020 HOL) - 30 sano kadib, dowladda Soomaaliya ayaa dib u furatay safaaradeedii magaalada Nairobi, taasoo lagu soo celiyey gacanta dowlada, kadib markii maxkamad ku taal Kenya ay horey u xukuntay in safaarada si sharci daro ah loo iibiyey.

11/15/2020 8:22 AM EST
Axad, November, 15, 2020 (HOL) -Guddoomiyaha Golaha Aqalka Sare ee Soomaaliya Cabdi Xaashi Cabdillaahi ayaa Qoraal ka dhan ah Guddiyada Doorashooyinka u diray beesha caalamka gaar ahaan Wakiilka QM eeArrimaha Soomaaliya Amb, James Swan, Wakiilka Midowga Afrika ee Somalia Amb, Francisco Madera.

11/15/2020 6:05 AM EST
Axad, November, 15, 2020 (HOL)- Wakiilka Qarramada Midoobey u qaabilsan arrimaha Soomaaliya, James Swan oo u warramay sheegay in wali jirto qatar badan badan oo ka imaneysa dhinaca Ururka Al-shabaab.

11/15/2020 6:05 AM EST
Axad, November, 15, 2020 HOL) - Al-Shabaab ayaa beenisay sheegashada Itoobiya ee ah in ay xireen xubno ka tirsan kooxdooda, sida lagu sheegay warbixin lagu daabacay wakaaladda wararka Ethiopia ee ENA.

11/15/2020 1:42 AM EST
Axad, November, 15, 2020 HOL) - Koox dhalinyaro ah oo reer Kenya ah oo ka tirsan ardayda jaamacadaha ayaa loo xilsaaray sameynta hub cusub iyada oo lagu fulinayo hawlgal qarsoodi ah oo loogu magac daray Mashruuca Warshadeynta Amniga Qaranka.

11/15/2020 1:13 AM EST
Axad, November, 15, 2020 HOL) - Ciidamada Amniga Puntland ayaa hawlgallo amniga lagu xaqiijinayo ka sameeyay tuulooyin katirsan Calmadow oo ah degaano ay si dhuumaalaysi ku yimaadaan dagaalamaayasha kooxda Alshabaab ee farriisinka ku leh aaggaas.

11/15/2020 12:29 AM EST
Axad, November, 15, 2020 (HOL)- Hay’adda Sirdoonka dalkaasi Itoobiya ayaa sheegtay kaddib howlgal ay sameeyeen ciidamada in ay gacanta ku soo dhigeen xubno ka tirsan Ururrada Al-shabaab iyo Daacish ee ka dagaalama gudaha dalka Soomaaliya.

11/15/2020 12:14 AM EST
Axad, November, 15, 2020 HOL)- Warar dheeraad ah ayaa ka soo baxaya Gantaallo lagu weeraray magaalada Asmara ee dalka Eritrea fiidnimadii xalay wax yar uu kaddib markii saraakiisha TPLF ku hanjbeen weerarka Asmara.