6/6/2020
Today from Hiiraan Online:  _
Wararka Maanta- Talaado, May 19, 2020
WHO oo kaalmo caafimaad ku wareejisay maamulka Hirshabeelle




Talaado, May 19, 2020 (HOL) - Hay’ada caafimaadka aduunka ee WHO ayaa maanta kaalmo caafimaad ku wareejisay wasaarada caafimaadka Hirshabeelle, waxaana kaalmadan aay isugu jirtay daawooyin iyo qalab looga hortago Covid19.

Wasiirka caafimaadka Hirshabeelle Cabdi Macalin Maxamed oo deeqdan ka gudoomay WHO ayaa sheegay kaalmadan aay muhiim u tahay bulshada Hirshabeelle.

Wasiirka ayaa dhanka kale sheegay inaay sii kordheen kiisaska Covid19 ee Hirshabeelle, waxaana uu sheegay in saacadihii lasoo dhaafay aay 3 qof u dhinteen cudurka safmareenka ah ee Caronavirus.

Wasiirka caafimaadka ayaa shacabka Hirshabeelle ugu baaqay inaay qaataan wacyi-galinta kooxaha caafimaadka, waxana uu sheegay in xanuunkan dilaaga ah uu leeyahay kohortag, islamarkaana aay muhiim tahay in dadku aay qaataan talooyinka kooxaha caafimaadka.

Hirshabeelle ayaa kamid ah deegaanada uu ku faafay fayriska Carona, waxaana aad u liita adeegyada caafimaadka iyo tayada cisbitaalada.

Hiiraan Online News Desk









Click here
5/19/2020 2:14 PM EST
Talaado, May 19, 2020 (HOL) - Garsoorka maxkamadda caddaaladda caalamiga ah ee ICJ ayaa ku dhawaaqay in mar kale dib loo dhigay waqtiga dhageysiga dacwadda muranka badda ee u dhaxeeya Soomaaliya iyo Kenya.

5/19/2020 9:28 AM EST
Talaado, May 19, 2020 (HOL) - Waxaa maanta deegaanka Godob-jiiraan ee gobolka Nugaal ka bilowday buufinta Ayaxa oo ay sameynayaan diyaarado dhowaan lagu wareejiyay dowladda Soomaaliya islamarkaana hadda ku sugan maamulkaasi.

5/19/2020 9:12 AM EST
Talaado, May 19, 2020 (HOL) - Maxamuud Axmed Nuur “Tarsan” safiirka Jamhuuriyadda Soomaaliya ee Kenya ayaa waxa uu ka jawaabay warbixin uu sii daayay Telefashinka Citizen ee fadhigiisu yahay Nairobi oo sheegay in safaaradda Soomaaliya ay heshiis qarsoodi ah la gashay cisbitaal ku yaalla magaalada Nairobi gaar ahaan xaafadda Islii .

5/19/2020 9:05 AM EST
Talaado, May 19, 2020 (HOL) - Xafiiska Xeer Ilaalinta Guud ee Qaranka ayaa maanta shaaca ka qaadday inay gacanta ku hayaan Dad ku eedeysan ganacsi sharci darro ah.

5/19/2020 8:35 AM EST
Talaado, May 19, 2020 (HOL) - Dowladda Soomaaliya ayaa maanta shaacisay inuu billowday qorshaha ciribtirka fayruska Covid-19, xilli toddobaadyadii u dambeeyay uu fayruska ku faafay caasimadda Muqdisho iyo gobollada kale.

5/19/2020 8:14 AM EST
Talaado, May 19, 2020 (HOL) - Wasiirka Shaqada iyo Arrimaha Bulshada Xukuumadda Federaalka Soomaaliya,Mudane Xildhibaan Sadik Xirsi Warfa iyo Guddoomiyaha gobolka Banaadir ahna duqa caasimadda Muqdisho, Mudane Cumar Maxamuud Maxamed (Cumar Filish) ayaa maanta si wadajir ah u saxiixay mashruuc lagu caawinayo dadka danyarta ah ee nugul, oo wasaaradda Shaqada iyo Arrimaha Bulshada ay maanta ku wareejisay gobolka Banaadir.

5/19/2020 4:07 AM EST
Talaado, May 19, 2020 (HOL) - Madaxweyne ku xigeenka Puntland, Axmed Karaash ayaa cuno qabatayn laga saaaray in wararkiisa lagu baahiyo xarumaha warbaahinta ku hadasha afka maamulka Puntland, sida PuntlandTv iyo barta internetka.

5/19/2020 12:14 AM EST
Talaado, May 19, 2020 (HOL) - Ganacsatada Qaadka iyo Beeraleyda Mira ee dalka Kenya ayaa waxay dhigeen mudaaharaad ay kagasoo horjeedaan xayiraada saaran Qaadka Soomaaliya loo dhoofin jiray oo ku dhawaad muddo saddex bilood xayiran.