10/28/2020
Today from Hiiraan Online:  _
Wararka Maanta- Sabti, Aug 22, 2020
Puntland oo shan sano xabsi ah ku riday haweenay ka ganacsanaysay Qamriga


 

Sabti, Agoosto 22, 2020 (HOL) - Maxkamada darajada koowaad ee gobolka Nugaal ayaa maanta xabsi shan sano ah iyo labo kun oo dollar oo ganaax lacageed ah ku riday haweenay lagu eedeeyay inay karin jirtay islamarkaana ka ganacsan jirtay maamdooriyaha qamriga ee loo yaqaan Calaqa.

Haweenaydan oo lagu magacaabo Xabiibo Cali Cismaan ayaa lagu helay dambigakadib markii maxkamada la horkeenay marqaatiyaal caddeeyay in hoygeeda lagu karinayay qamriga iyaduna gacmaha kula jirtay.

Xeer ilaaliyaha gobolka Nugaal ayaa sheegay in tiro afar jeer ah haweenaydan loo xiray falkaan, balse lasii daayay. Waxaa uu ku eedeeyay inay tahay qof halis ku ah bulshada iyo dhaqanka suuban.

Xabiibo Cali Cismaan oo 50 jir ah, waxay maxkamada ka hor beenisay inay falkaan wax lug ah ku leedahay, iyadoo sheegtay in laga been abuurtay, balse waxay qiratay in buush ay deganayd lagasoo saaray maandooriye maxkamada lagusoo bandhigay.

Guddoomiyaha maxkamada gobolka Nugaal, Sheikh Cabdinuur Jaamac xuseen ayaa markii uu dhegaystay eeda xeer ilaaliyaha iyo qareenada difaacayay eedeesanaha, wuxuu haweenaydan ku xukumay xabsi gaaraya shan sano iyo ganaax lacageed oo dhan $2,000.

Maxkamadu waxay xukumanaha siisay racfaan bil ah, haddii uusan ku qanacsanayn xukunka lagu riday.

Puntland ayaa muddooyinkii ugu dambeysay dagaal xoogan kula jirtay maandooriyaha qamriga, oo aad ugusoo badanaya magaalooyinkeeda waaweyn. Qamriga ayaa kaga yimaada dalka Ethiopia.

Abdiweli M. Sheikh, Hiiraan Online
[email protected]












Click here
8/22/2020 12:12 PM EST
Sabti, Agoosto 22, 2020 (HOL) - Madaxweyne ku xigeenka Jubbaland Maxamuud sayid Aadan aya shaqadii ka joojiyay wasiirka wasaaradda xanaanada xoolaha dhirta iyo daaqa ee Jubbaland Maxamed Xasan Maxamed oo lagu eedeyay ku takrifal Maaliyadeed oo aan nidaamka maaliyadda Jubbaland waafaqsanayn.

8/22/2020 10:56 AM EST
Sabti, Agoosto 22, 2020 (HOL) - Munnaasabad balaaran oo aay xilalka kula kala wareegayeen Taliyaha cusub ee loo soo magacaabay guutada 5-aad iyo Taliyahii hore ayaa maanta lagu qabtay magaalada Beledweyne ee xarunta gobolka Hiiraan.

8/22/2020 4:07 AM EST
Sabti, Agoosto 22, 2020 (HOL) - Xafiiska Xeer-ilaaliyaha Guud ee Qaranka ayaa Muqdisho ku qabtay kulan looga hadlayay sidii sharciyan loo xoojin lahaa joojinta tacdiyadaha ka dhanka jinsiga ( Kufsiga). waxaana si gaar diiradda loogu saaray sare u kaca ku yimid intii lagu guda jiray Xiyaraaddii COVID-19.

8/22/2020 3:40 AM EST
Sabti, Agoosto 22, 2020 (HOL) - Maareeyaha hay’adda duulista hawada Soomaaliya, Axmed Macalin oo ka qeyb galayay barnaamijka kulanka jimcaha ee telefishinka qaranka, ayaa sheegay diyaarad Qaad sidda in aysan cagta soo dhigi karin dhulka Soomaaliya.

8/22/2020 2:17 AM EST
Sabti, Agoosto 22, 2020 (HOL) - Ganacsatada Qaadka Kenya ayaa dowladdooda ugu baaqday inay suuqyo kuyaala qaaradda Afrika u raadiso ganacsiga Qaadka Miiroowga, si looga kaaftoomo baahida loo qabo Qaadka loo iib gayn jiray Soomaaliya.

8/22/2020 1:55 AM EST
Sabti, Agoosto 22, 2020 (HOL) - Puntland ayaa soo bandhigtay maxaabiis katirsan Al-shabaab iyo hubkooda, kuwaas oo lagu qabtay dagaal xoogan oo shalay Al-shabaab kusoo qaadeen saldhig ay leeyihiin ciidanka daraawiishta Puntland oo kuyaala Aaga Calmadow.

8/22/2020 1:51 AM EST
Sabti, Agoosto 22, 2020 (HOL) - Tiro hoobiyeyaal ah ayaa xalay lagu garaacay xaafadda Howlwadaag ee magaalada Beledweyne, gaar ahaan Saldhiga ay ku leyihiin Taliska Ciidamada Jabuuti xaafadda Howlwadaag.

8/22/2020 1:32 AM EST
Sabti, Agoosto 22, 2020 (HOL) - Maamulada Puntland iyo Jubbaland ayaa soo saaray war murtiyeed ay ku midaysan yihiin oo ay kagasoo horjedaan natiijada kasoo baxday shirkii magaalada Dhuusomareeb.