10/28/2020
Today from Hiiraan Online:  _
Wararka Maanta- Jimco, Aug 21, 2020
Burcad badeed Soomaali ah oo sii daaysay dad muddo u qafaalnaa


 

Jimco, Agoosto 21, 2020 (HOL) - Kooxo burcad badeed Soomaali ah ayaa sii daayay seddex ruux oo u dhashay dalka Iiraan oo ay Af-duubteen sanadkii 2015-dii, sida lagasoo xigtay sargaal sare oo lataliye ka ah dembiyada badaha ka dhaca oo saldhiggiisu yahay waddanka Kenya.

John Steed ayaa wakaaladda wararka ee Reuters u sheegay in shaqaalahii u dhashay dalka Iiraan ee saarnaa markabkii la qabsaday bishii Maarso ee sanadkii 2015-kii lasii daayay.

“Shaqaalihii saarnaa markabka FV Siraj ee Iiraan u dhashay waa lasii daayay” ayuu Steed  u sheegay Reuters .

Wuxuu intaa ku daray iney hadda ku suganyihiin waddanka Itoobiya oo ay marayaan baaritaanno caafimaad oo la xiriira Covid-19, kadibna waxay u gudbi doonaan waddanka Iiraan.

“Tani waxay soo afmeereysaa, xanuunkii qafaalka ee kooxaha burcad badeedda’ ayuu hadalkiisa kusii daray.

John Steed oo horay uga tirsanaa Ciidamada waddanka Ingiriiska ayaa waxa uu sidoo kale tilmaamay in Burcad badeeddu ay qafaasheen 4 ruux oo Iiraan u dhashay, laakiin mid kamid ah dadkaas ayaa lisii daayay xilli hore, kadib markii uu si daran u xanuunsaday.

Ma sheegin in lagusii daayay lacag madax furasho ah iyo in kale, laakiin sii deyntooda ayaa imaaneysa, xilli dhowaan kooxo burcad badeed ah ay biyaha Soomaaliya ku qafaasheen markab kale oo sitay lacanka Panama.

Abdiaziz Ahmed Barrow, Hiiraan Online
[email protected]












Click here
8/21/2020 10:13 AM EST
Jimco, Agoosto 21, 2020 (HOL) - Madaxweynaha Soomaaliya Maxamed Cabdullaahi Farmaajo ayaa waxa uu magacii ka bedalay magaalada Dhuusamareeb, kadib marka sida uu sheegay uu soo jeedin badan ka helay qaar kamid ah siyaasiyiinta iyo dadka deegaanka .

8/21/2020 10:10 AM EST
Jimco, Agoosto 21, 2020 (HOL) - Madaxweynaha maamulka Hirshabeelle Maxamed Cabdi Waare ayaa waxa uu sheegay in loo baahanyahay in siyaasiyiinta iyo hoggaanka Soomaaliyeed ay u turaan dadka iyo dalka si uu u qaan-gaaro nidaamka dowladnimo ee ka jira Soomaaliya .

8/21/2020 6:32 AM EST
Jimco, Agoosto 21, 2020 (HOL) - Maamul Goboleedka Soomaaliyeed ee Puntaland ayaa beesha Caalamka usoo jeediyay in la joogo waakhtigii ay saaxiibada Soomaaliyeed fahmi lahaayeen halka ay u socoto siyaasadda dalka iyo marxaladda kala guurka ah, taas oo muhiimad wanaagsan u leh dowladnimada Soomaaliyeed.

8/21/2020 6:29 AM EST
Jimco, Agoosto 21, 2020 (HOL) - Waxaa xalay magaalada Dhuusamareeb ku gaaray heshiis ku aaddan nooca doorashada Soomaaliya ay noqoneyso madaxweynaha dowladda faderaalka ah, hoggaamiyayaasha maamullada Galmudug, Hirshabeelle, Koonfur galbeed iyo Duqa Caasimadda Muqdisho.

8/21/2020 6:18 AM EST
Jimco, Agoosto 21, 2020 (HOL) - Ciidamada Mareykanka ee ka howl-gala qaaradda Afrika ee AFRICOM ayaa waxay faah faahin ka bixiyeen weerar duqeyn ah oo ay shalay ku qaadeen deegaan hoos tega Kuntuwaarey oo ka tirsan Gobolka Shabeellada hoose. Waxayna sheegeen in ay la bartilmaameedsadeen xubno kamid ah Alshabaab oo halkaas ku sugnaa.