10/31/2020
Today from Hiiraan Online:  _
Wararka Maanta- Khamiis, Aug 20, 2020
Qaramada Midoobay oo wax laga xumaado ku tilmaamtay in Puntland iyo Jubbaland ay diideen shirka Dhuusomareeb


 

Khamiis, Agoosto 20, 2020 (HOL) - Wakiilka Qaramada Midoobay ee Soomaaliya, Ambassador James  Swan ayaa wax laga xumaado ku tilmaamay in Puntland iyo Jubbaland ay diideen codsiyo isdaba joog ah oo ay ka heleen hoggaamiyeyaasha siyaasadeed ee Soomaaliya iyo la-hawlgalayaasha caalamiga ah, si ay shirka Dhuusomareeb ugu qeyb qaataan.

Ambassador James  Swan, ayaa hadalkaan ka sheegay xilli uu warbixin toos ah oo ku saabsan xaaladda Soomaaliya siinayay fadhiga guud ee golaha qaramada Midoobay

“Waxaan fahamsanahay inay jiraan aragtiyo kala duwan oo ka dhex jira hogaamiyaasha siyaasadeed. Si kastaba ha noqotee, xilliyadaan oo kale  waa waqti aad loogu baahan yahay hoggaamiyeyaasha qaranku in ay wada hadlaan oo ay soo bandhigaan fikradooda ugu wanaagsan si ay u helaan xalka danaha dadka Soomaaliyeed,” ayuu yidhi James Swan.

Danjiraha Qaramada Midoobay ee Soomaaliya ayaa sheegay, Maaddaama aysan jirin Maxkamad Dastuuri ah iyo hay'ad garsoor oo la isku halleyn karo oo xallisa jahwareerka dastuuriga ah, in xalku u baahan yahay heshiis siyaasadeed oo sal ballaaran leh oo daneeye kasta oo Somaali ah u baahan yahay.

“Dabcan waxay ku xiran tahay saamileyda Soomaaliyeed inay go'aan ka gaaraan hannaan hagaya nidaamka doorashada. Si kastaba ha noqotee, waxaan ku boorinaynaa in tusaalaha noocan ah lagu gaaro wadahadal loo dhan yahay iyo isu tanaasul. Waa in sidoo kale lagu dhaqmaa mabaadi'da xil isku wareejinta nabdoon ee afartii sanaba mar,” ayuu yiri danjiraha UN-ka.

Abdiweli M. Sheikh, Hiiraan Online
[email protected]












Click here
8/20/2020 6:07 PM EST
Khamiis, Agoosto 20, 2020 (HOL) - War-murtiyeed ayaa lagasoo saaray shirka Dhuusamareeb3, waxaa lagu heshiiyey in doorashadu noqoto Degaan doorasho xulis ku salaysan oo xildhihaankii ay soo dooranayaan 301 ergo ah.

8/20/2020 11:02 AM EST
Khamiis, Agoosto 20, 2020 (HOL) - Burcad-badeedda Soomaalida ayaa afduubay markab laga leeyahay dalka Panama, sarkaal ka tirsan maamulka Puntland ayaa u sheegay wakaalada wararka ee Reuters.

8/20/2020 9:04 AM EST
Khamiis, Agoosto 20, 2020 (HOL) - Puntland ayaa kusoo rogtay qof kasta oo ka duulaya garoomadeeda diyaaradaha inuu bixiyo lacag dhan $68 oo lagu sheegay inay tahay shahaadada baaritaanka cudurka Covid19.

8/20/2020 8:10 AM EST
Khamiis, Agoosto 20, 2020 (HOL) - Wafdi ballaaran uu hoggaaminaayo guddoomiyaha maamulka gobolka Hiiraan Cali Jeyte Cismaan ayaa maanta gaaray degmada Feer-feer ee gobolka Hiiraan.

8/20/2020 3:58 AM EST
Khamiis, Agoosto 20, 2020 (HOL) - Madaxweynaha Puntland Siciid Deni ayaa laamaha amniga iyo maamulka gobolka Nugaal ku amray inay tallaabo adag ka qaadaan cid kasta oo qalqal amni ku haysa magaalada Garowe ee caasimadda Puntland.

8/20/2020 2:52 AM EST
Khamiis, Agoosto 20, 2020 (HOL) - Wasiirka wasaaradda ammaanka maamulka Galmudug Axmed Macallin Fiqi iyo qaar kamid ah taliyayaal ka tirsan qeybaha kala duwan ee ciidamada dowladda faderaalka ah ee maamulkaas ku sugan ayaa waxay booqdeen deegaanno ay kamid yihiin Tara-Guduud, Beer Cabdi Faarax, Galo, Faragoo, Beer Liiban Galle, Hog dugaag iyo Higlaale, iyadoo lagusoo gabagabeeyay socdaalka tuulada Gadoon.

8/20/2020 1:48 AM EST
Khamiis, Agoosto 20, 2020 (HOL) - Ugu yaraan 27 qof ayaa loo xiray inay masuul ka ahaayeen hubkii loo adeegsaday in lagu weeraro xabsiga dhexe ee Xamar horaantii bishaan, sida laga soo xigtay warbaahinta dowladda.