10/28/2020
Today from Hiiraan Online:  _
Wararka Maanta- Khamiis, Aug 20, 2020
Wasiir Axmed Fiqi oo booqday deegaanno ay ka howl-galaan macawisleyda Galmudug


 

Khamiis, Agoosto 20, 2020 (HOL) - Wasiirka wasaaradda ammaanka maamulka Galmudug Axmed Macallin Fiqi iyo  qaar kamid ah taliyayaal ka tirsan qeybaha kala duwan ee ciidamada dowladda faderaalka ah ee maamulkaas ku sugan ayaa waxay booqdeen deegaanno ay kamid yihiin Tara-Guduud, Beer Cabdi Faarax, Galo, Faragoo, Beer Liiban Galle, Hog dugaag iyo Higlaale, iyadoo lagusoo gabagabeeyay socdaalka tuulada Gadoon.

Deegaannadaan ayaa ah kuwa laga difaaca Galmudug, islamarkaana ay ku suganyihiin ciidamada loo yaqaanno macawisley.

Wasiirka ammaanka Galmudug Axmed Macallin Fiqi ayaa waxa uu sheegay in Galmudug ay ka go’antahay sidii loo tayeeyn lahaa ciidamadan, oo suura-gal ka dhigi kara in guud ahaan deegaanno badan oo Al-shabaab ay ka taliyaan in lagala wareego.

Taliyayaashii kala duwanaa ee ciidamada dowladda ee la socday ayaa dhankooda waxay ammaan usoo jeedinyeen Ciidamadan oo iskood isku abaabulay. Saraakiisha ayaa sidoo kale ballan qaaday iney garab istaagayaan.

Deegaanno ka tirsan Gobollada Hiiraan, Galgaduud , Shabeellada dhexe iyo Shabeellada hoose ayaa waxaa ka dagaallamo maleeshiyaad iskood isku abaabulay oo la yiraahdo macawisley oo la dagaallama Al-shabaab.

Maleeshiyadaas oo ah dadka deegaanka ayaan si rasmi ah mar uga qaadan maamullada ay ay ku suganyihiin, laakiin waxaa howl-galladooda bogaadiya madaxda ammaanka ee deegaannada ay ka howl-galaan.

Abdiaziz Ahmed Barrow, Hiiraan Online
[email protected]












Click here
8/20/2020 6:07 PM EST
Khamiis, Agoosto 20, 2020 (HOL) - War-murtiyeed ayaa lagasoo saaray shirka Dhuusamareeb3, waxaa lagu heshiiyey in doorashadu noqoto Degaan doorasho xulis ku salaysan oo xildhihaankii ay soo dooranayaan 301 ergo ah.

8/20/2020 12:12 PM EST
Khamiis, Agoosto 20, 2020 (HOL) - Wakiilka Qaramada Midoobay ee Soomaaliya, Ambassador James Swan ayaa wax laga xumaado ku tilmaamay in Puntland iyo Jubbaland ay diideen codsiyo isdaba joog ah oo ay ka heleen hoggaamiyeyaasha siyaasadeed ee Soomaaliya iyo la-hawlgalayaasha caalamiga ah, si ay shirka Dhuusomareeb ugu qeyb qaataan.

8/20/2020 11:02 AM EST
Khamiis, Agoosto 20, 2020 (HOL) - Burcad-badeedda Soomaalida ayaa afduubay markab laga leeyahay dalka Panama, sarkaal ka tirsan maamulka Puntland ayaa u sheegay wakaalada wararka ee Reuters.

8/20/2020 9:04 AM EST
Khamiis, Agoosto 20, 2020 (HOL) - Puntland ayaa kusoo rogtay qof kasta oo ka duulaya garoomadeeda diyaaradaha inuu bixiyo lacag dhan $68 oo lagu sheegay inay tahay shahaadada baaritaanka cudurka Covid19.

8/20/2020 8:10 AM EST
Khamiis, Agoosto 20, 2020 (HOL) - Wafdi ballaaran uu hoggaaminaayo guddoomiyaha maamulka gobolka Hiiraan Cali Jeyte Cismaan ayaa maanta gaaray degmada Feer-feer ee gobolka Hiiraan.

8/20/2020 3:58 AM EST
Khamiis, Agoosto 20, 2020 (HOL) - Madaxweynaha Puntland Siciid Deni ayaa laamaha amniga iyo maamulka gobolka Nugaal ku amray inay tallaabo adag ka qaadaan cid kasta oo qalqal amni ku haysa magaalada Garowe ee caasimadda Puntland.

8/20/2020 1:48 AM EST
Khamiis, Agoosto 20, 2020 (HOL) - Ugu yaraan 27 qof ayaa loo xiray inay masuul ka ahaayeen hubkii loo adeegsaday in lagu weeraro xabsiga dhexe ee Xamar horaantii bishaan, sida laga soo xigtay warbaahinta dowladda.