3/28/2024
Today from Hiiraan Online:  _
Wararka Maanta- Axad, Sept 15, 2019
Dagaallo ka dhacay qeybo ka mid ah gobolka Shabeellaha Hoose

 

Axad, September,15, 2019 (HOL)-Wararka naga soo gaaraya gobolka Shabeellaha hoose ayaa sheegaya in xalay xaley qeybo ka mid ah gobolka ku dagaalameen ciidamada dowladda Soomaaliya iyo xoogagga Ururka Al-shabaab.

Goobjoogayaal ayaa sheegay in dagaalada intooda badan ka dhaceen deegaannada kala ah Awdheegle, Afgooye, Qoryooleey iyo deegaanka Bariire ee Gobolka Shabeellaha hoose, kaddib markii xoogagga Ururka Al-shabaab weerarro qorsheysnaa ku qaadeen sldhigyada ciidamada dowladda ee deegaanadaas.

Dagaallada qaarkood ayaa socday in ka badan saacad halka kuwa  qaarkood  ay ahaayeen kuwo ku dhufo oo ka dhaqaaq, balse aysan cadeyn  ma aysan cadeyn dadka deegaanka khasaaraha ka dhashay dagaalka.

Dagaalka ugu cuslaa ayaa waxaa uu ka dhacay degmada Qoryooleey ee Gobolka Shabeellaha Hoose,waxaana la sheegay in dagaalka intii uu socay ay gubteen Guryo ay deganaayeen Dad Shacab ah,isla markaana ay khasaaro ka dhasheen.

Saraakiil ka tirsan ciidamada militariga Soomaaliya ee Gobolka  Shabeellaha Hoose ayaa dhankooda waxaa ay sheegeen inay iska difaaceen  weeraradii ay kusoo qaadeen Xubno ka tirsan Uruka Al-Shabaab,isla  markaana ay khasaaro ku gaarsiiyeen.

Wararkii ugu danbeeyay ee saakay naga soo gaaraya ayaa sheegaya in xaaladu  tahay mid  degan, balse ciidamada dowladda ay wadaan dhaq dhaqaaqyo ciidan oo ay  ku baadi goobayaan dagaalamayaash ka tirsanaa Al-shabaab ee weerarka soo qaaday.

C/raxmaan Diini, Hiiraan Online
[email protected]  
 

 













Click here
9/15/2019 2:28 PM EST
Axad, September, 15, 2019 (HOL)-Wararka naga soo gaaraya gobolka Shabeellaha Hoose ayaa sheegaya in Qarax Khasaare geystay lala eegtay Mas’uliyiin ka tirsan maamulka gobolka Shabeellaha Hoose oo marayay Agagaarka degaanka Shalanbood.

9/15/2019 11:14 AM EST
Axad, September, 15, 2019 (HOL )– Madaxweyne Biixi ayaa sheegay in aanay waxba iska bedelin heshiishkii saldhiga Militeri ee Imaaraadku ka dhisanayey garoonka Berbera.

9/15/2019 10:20 AM EST
Axad, September, 15, 2019 (HOL)-Ra’iisul Wasaare ku-xigeenka xukuumadda federaalka Soomaaliya Mahdi Maxamed Guuleed (Khadar) ayaa maanta si rasmi ah u daah-furay tubta qaran ee gaarsiinta caafimaad dhameystiran, kaas oo mawaadin kasta oo Soomaaliyeed u ogolaanaya in uu helo daryeel caafimaad oo heer caalami ah.

9/15/2019 8:47 AM EST
Axad, September, 15, 2019 (HOL)-Wararka naga soo gaaraya gobolka Shabeellaha dhexe ayaa sheegaya in kolonyo ay la socdeen ciidamada ka tirsan howlgalka midowga Africa AMISOM lagu weeraray deegaan lagu magacaabo Garas Deelle oo hoostaga degmada Balcad.

9/15/2019 7:58 AM EST
Axad, September, 15, 2019 (HOL)-Waxaa magaalada Muqdisho maanta ka furmay kulan-howleed wadajir ah oo u dhexeeya Wasaaradda Arrimaha Dastuurka ee XFS, Gudigga La-socodka Dib-u-eegista iyo Hirgelinta Dastuurka ee Baarlamaanka iyo Gudigga Madaxabanaan ee Dib-u-eegista iyo Hirgelinta Dastuurka.

9/15/2019 6:58 AM EST
Axad, September, 15, 2019 (HOL)-Gudoomiyaha Guddiga dib u heshiisiinta Galmudug Cabdiraxmaan Macallim Cabdullaahi (Baaddiyoow), ayaa sheegay in uu gabogabo yahay kulankii dib u heshiisiinta ee Dhuusa-Mareeb.

9/15/2019 5:24 AM EST
Axad, September, 15, 2019 (HOL)- Boqolaal dhalinyaro ah oo ka mid noqonaya ciidanka xoogga dalka Soomaaliyeed oo maalintii shalay tababar loogu soo xiray xerada Lama-galaay ee magaalada Beledweyne ayaa saakay loo qaaday xerada 21aad ee degmada Dhuusa-Mareeb oo ay ka howlgali doonaan.

9/15/2019 4:26 AM EST
Axad, September, 15, 2019 (HOL)-Shirka maalgashiga Puntland ayaa maanta ka furmay magaalada Garoowe ee xarunta Puntland, waxaa ka qaybgalaya maalgashadayaal, iyada oo lagu soo bandhigayo fursadaha maalgashi iyo khayraadka ee gobolka.

9/15/2019 1:37 AM EST
Axad, September, 15, 2019 (HOL)-Warar dheeraad ah ayaa ka soo baxaya tiro madaafiic ah oo lagu weeraray magaalada Marka ee xarunta gobolka Shabeellaha Hoose wax yar ka hor inta uusan halkaas ka soo ambabaxin Ra’iisul Wasaaraha Soomaaliya Xassan Cali Kheyre oo shalay safar ku tagay.

9/15/2019 1:27 AM EST
Axad, September. 15, 2019 (HOL)-Xldhibaanno ka tirsan labada Aqal ee Baarlamaanka Soomaaliya ayaa sheegay in gabi ahaanba laga qaaday Ilaaladii u gaarka aheyd taasoo sababtay sida ay hadalka u dhigeen in ay guraha ka soo bixin waayaan.