3/29/2024
Today from Hiiraan Online:  _
Wararka Maanta- Jimco, Sept 13, 2019
Ra'iisal Wasaare Kheyre oo ku sii jeeda magaalada Marka

 

Jimco, September, 13, 2019 (HOL)-Ra’iisul Wasaaraha Xukuumadda  Soomaaliya Xassan Cali Kheyre oo ku sugan Magalada Baydhabo ee xarunta Gobolka Baay ayaa la filayaa in maalinta Berrito oo Sabti ah in uu tago Magalada Marka ee xarunta gobolka Shabeellaha Hoose.

Magaalada Marka waxaa ka soconaya diyaar-garoowga soo dhaweyta Ra'iisal Wasaaraha,waxaana lagu  arkayaa Goobaha qaar Boorar uu ku dheggan sawirka Ra'iisul Wasaaraha  oo goobaha qaar la suray,halka wadooyinka qaarkood lagu dhejiyay  Calanka Soomaaliya iyo kan Koonfur Galbeed.

Ammaanka magaalada Marka ayaa aad loo adkeeyay,waxana amniga  xaqiijinaya Ciidamada Millateriga Soomaaliya gaar ahaan kuwa Guutada  14-ka October, kuwaas oo gacanta ku haaya magaalada Marka ee xarunta  Gobolka Shabeellaha Hoose.

Ra’iisul Wasaaraha Soomaaliya Xassan Cali Kheyre ayaa toddobadkan  waxaa uu ku sugan yahay deegaano ka tirsan Maamulka Koonfur Galbeed, sida magaalada Baydhabo iyo degmada Xudur ee Xarunta Gobolka Bakool oo uu  booqday.

C/raxmaan Diini, Hiiraan Online
[email protected]     
 

 

 
 

 













Click here
9/13/2019 3:35 PM EST
Jimco, September, 13, 2019 (HOL)- Wararka ka caawa ka imaanaya magaalada Kismaayo ee xarunta gobolka Jubadda Hoose ayaa sheegaya in kooxo hubeesan ay halkaasi dhaawac xoogan ugu geesteen Nabadoon caan ka ahaa gobolada Jubooyinka.

9/13/2019 1:17 PM EST
Jimco, September, 13, 2019 (HOL)-Safiirka Cusub ee Dowladda Soomaaliya u Magacaawday dalka Mareykanka ayaa Warqadihiisa danjiranimo waxaa looga Guddoomay Magalada Washington ee dalka mareykanka.

9/13/2019 9:59 AM EST
Jimco, September, 13, 2019 (HOL)-Wasiirka Boostada, Isgaarsiinta & Teknolojiyada, Md. Eng. Cabdi Cashuur Xasan ayaa sheegay in Soomaaliya ay guulo la taaban karo ka soo hoysay Shirweynaha Isgaarsiinta Adduunka ee ka socday caasimadda dalka Hungary ee Budapest.

9/13/2019 9:53 AM EST
Jimco, September, 13, 2019 (HOL)-Madaxweyne Muuse Biixi iyo weftigi uu hogaaminayey oo socdaal shaqo ku jooga gobolka Gabiley ayaa maanta kormeer ku tegay mashaariicda dhulka lagu beerayo ee ka socota Banka weyn ee Wajaale, kuwaas oo ay gacanta ku hayaan wasaaradda Horumarinta beeraha iyo ciidamada kala duwan ee qalabka.

9/13/2019 6:14 AM EST
Jimco, September, 13, 2019 (HOL)-Madaxweynaha Mareykanka, Donald Trump ayaa sheegay inuu rumeysan yahay in hoggaanka Iran ay doonayaan inay la kulmaan, taasi oo sare u qaaday rajada ah inuu diyaarinayo kulan uu dhiggiisa Iran kula yeesho kulanka guud ee QM ee bishan.

9/13/2019 3:27 AM EST
Jimco, September, 13, 2019 (HOL)- Jaamacadda Benaadir ee magaalada Muqdisho ayaa waxaa ka bilowday imtixaanka ogolaanshaha ama Qubuulka ee Jaamacadaas sanad dugsiyeedka 2018-2019 kaasoo ay u fariisteen sanadkan arday fara badan oo ka soo baxday dugsiyada sare ee dalka.

9/13/2019 2:04 AM EST
Jimco, September, 13, 2019 (HOL)-Wararka dheeraad ayaa ka soo baxaya dagaal culus oo duleedka magaalada Marka ee xarunta gobolka Shabeellaha Hoose ku dhexmaray Ciidamada Dowladda Soomaaliya iyo Xubno ka tirsan Ururka Al-Shabaab.

9/13/2019 1:54 AM EST
Jimco, September, 13, 2019 (HOL)-Ra’iisul Wasaaraha xukuumadda federaalka Soomaaliya (XFS), mudane Xasan Cali Khayre, ayaa kulan kula qaatay safiirka Jarmalka ee Soomaaliya, Annet Gunter oo booqasho ku timid magaalada Baydhabo ee caasimadda kumeel gaarka ah ee dowlad gobaleedka Koonfur Galbeed.

9/13/2019 1:45 AM EST
Jimco, September, 13, 2019 (HOL)-Qoraal ka soo baxay Wasaaradda Gaadiidka iyo Duulista Hawada dowladda Soomaaliya ayaa lagu sheegay in Wasaaraddu ka laabatay heshiis ay horay ula gashay illaa shan shirkadood, kuwaasoo heshiis lagula galay hubinta iyo illaalinta badqabka gaadiidka.