Dowladda Soomaaliya oo war ka soo saaray Odayaashii ay soo bandhigeen Al-shabaab
Khamiis, September, 12, 2019 (HOL)-Dowladda Federaalka Soomaaliya ayaa War- saxaafadeed ay ka soo saartay odayaal dhaqameedyo ay dhowaan soo bandhigeen Al-shabaab, kuwaasoo lagu sheegay inay ahaayeen odayaashii soo xulay ergooyinkii soo doortay xildhibaanada Baarlamaanka federaalka Soomaaliya.
Warsaxaafadeed kasoo baxay, Wasaaradda Warfaafinta Xukuumadda Soomaaliya. ayaa lagu sheegay in odayaasha ay soo bandhigeen Al-Shabaab aysan aheyn kuwii rasmiga ahaa. Islamarkaana ay yihiin kuwo been abuur ah, kuwaas oo ugeliyey koofiyado iyo cimaamado, ayna qasab uga hadal siiyeen.
Al-Shabaab ayaa deegaanada ay maamulaan, ku soo bandhigay
odayaal iyo ergooyinka soo doortay Xildhibaanada. Kuwaasoo ay u qabteen
muddo 45 cisho inay isku soo diiwaan geliyaan, waxaana illaa hataan ay soo bandhigeen Odayaashii soo xulay ergooyinka soo doortay Xildhibaanada
Maamulada Koofur Galbeed, Galmudug, Hirshabeelle.
Akhriso Qoraalka ka soo baxay dowladda Soomaaliya :-
C/raxmaan Diini, Hiiraan Online
[email protected]