WHO oo raadineysa taageerro maaliyadeed oo dhan ah 1.38 M oo dollar
Arbaco, November, 20, 2019
(HOL)- Hay’adda caafimaadka dunida WHO
ayaa sheegtay Talaadadii shalay ay u baahan tahay lacag dhan 1.38 M oo dollar oo
dheeraad ah si sare loogu qaado joogteynta gargaarka la gaarsiinayo dadka ay
Fatahaaddu saameysay ee Soomaaliya
Haya’dda ayaa sheegtay in
roobab Mahiigaan ah oo ka da’ay Soomaaliya iyo qeybo ka mid ah dhulka sare ee
Itoobiya ay sababeen sare u kaca biyaha Wabiga Shabeelle oo saameyn ku yeeshay 539,888, isaga oo sidoo kale
horseeday barakaca 370,000 oo qof.
‘’Waxaan qorsheyneynaa in aan
gaarno dad dhan 450,000 oo
ka mid ah dadka ay sida ba’an Fatahaaddu u saameysay saddexda bilood ee soo
socta’’ sidaa waxaa yiri Sk Md Mamunur Rahman Malik oo ah wakiilka WHO ee Soomaaliya
Fatahaadda ayeey sidoo kale sheegtay hay’addu in
ay ku dhiteen ilaa 25 ruux, halka 47 kalana ay wax-yeelo ka soo gaartay.
Meelaha ugu daran ee Fatahaaddu ku dhufatay ayaa
waxaa ka mid ah gobolka Hiiraan gaar ahaan magaalada Beledweyne oo dhamaanteed
ay saameeyeen dadaadka.
‘’Biyuhu hadda si dhaqse ah ayeey u laabanayaa,
sidaa daraadeed waxaa loo baahan yahay in kaalmo deg deg ah si looga hortago
cudurro dadka soo food saari kara’’ ayeey hay’addu sheegtay.
C/raxmaan Diini, Hiiraan Online
[email protected]