Wararka Maanta: Talaado, Nov 19, 2019-Madaxii gaadiidka iyo saadka ee Alshabab oo isku dhiibay Jubbaland

Madaxii gaadiidka iyo saadka ee Alshabab oo isku dhiibay Jubbaland

Talaado, November, 19, 2019 (HOL)-Hay’ada sirdoonka Jubbaland ayaa baahisay sawirka sarkaal sare oo ka tirsan kooxda Al-Shabaab.

Sarkaalkaan oo lagu magacaabo Rayan Sheekh Nuur oo loo yaqaanno Abu Xamza wuxuu ahaa madaxii gaadiidka iyo saadka ee Al Shabaab ee gobolka Jubbada hoose.

Is-dhiibiddan ayaa imaanaysa iyadoo diyaaradaha dagaalka Mareykanka ee ka dhanka ah Al-shabaab ay dhowaan weerareen bartilmaameedyo ku dhow Jilib oo xarun u ah kooxda.

Weerarka cirka ee ciidamada huwanta ah ee ka howlgala Soomaaliya ayaa lagu sheegay in guulo la taaban karo kaga gaareen raadinta xubnaha muhiimka ah ee Al Shabaab.

Bartilmaameedka Al Shabaab ayaa lagu sheegay inay astaan cad u tahay dib-u-qaabayn muuqata iyo sidoo kale cadaadis ay saarayaan ciidamada Mareykanka iyo kuwa AMISOM.

Sarkaalka soo goostay, oo mas'uul ka ah saadka ayaa la filayaa inuu siiyo xog ku saabsan sida ay kooxdu u gudbiso dagaalyahanadeeda, qalabkooda iyo waxyaabaha qarxa.

Hiiraan Online