Hogaanka Xisbiga WADDANI oo ay la socdaan taageerayaasha xisbiga oo xoog ku tagay xafiiskoodii
Isniin, November 18, 2019 (HOL )– Hogaanka xisbiga WADDANI ayaa xoog ku tagay xarunta guud
ee xafiiskooda magaladda Hargeysa, waxaana galbinayey taageerayaal kooban oo
madaxdooda usii raacay xafiiskooda ciidanka la hor dhigay.
Madaxda xisbiga WADANI oo gacmaha
is haysta ayaa xoog ku jiidhay ciidankii goobta joogay, inkastoo rasaas kor
loogu riday waxay toos u tageen
xafiiskooda, halka ciidankii goobta joogayna taxadar badan sameeyeen oo aayar u
baneeyeen halka ay marayeen iyagoon cadaadis badan saarin.
Gudoomiyaha xisbiga WADANI
C/raxmaan Maxamed C/laahi CIrro markii uu xafiska yimid waxa uu la hadlay
warbahinta, waxaanu sheegay inay sharci daro tahay in laga hor joogsado
xafiiskooda, waxaanu ku baaqay in dhamaan gobolada kale iskugu soo baxaan si ay
u muujiyaan dareenkoodda.
“Xaq waxaanu u leenahay inaanu
isku nimaadno oo xafiisyada ku shirno maanta oo kaliya maaha ee maalin walba waanu imanayna, shanta gobol ee
kale ha iskugu soo baxaan”ayuu yidhi gudoomiye CIrro.
Inkastoo ciidan badan la keenay
xarunta, haseyeeshee ciidanku waxay u muuqdeen kuwo iska ilaalinaya inay isku
dhacaan taageerayaasha xisbiga, waxaanay daawanayeen dhoolatuska , buuqa iyo
sawaxanka ay samaynayaan taageerasha xisbiga WADDANI.
Sidoo kale, gudoomiye Cirro waxa
uu sheegay in labadii masuul ee xisbiga ka tirsana ee xoghayihii xisbiga WADANI
iyo Afhayeenkii mar dhowayd loo dhaadhiciyey jeelka weyn ee Mandheera , taas oo uu xadgudub ku
tilmaamay, waxanu dalbaday in xoriyadoodii loo soo celiyo.
Sidoo kale waxa mudaharaad ka
socda magaalada Burco, taas oo ciidanka amniga isku dayeyaan inay dadkaasi kala
dareeriyaan, waxaan la arkayey gudoomiyaha gobolka Togdheer oo gaafwareegaya
goobaha dadku iskugu yimaadeen.
Barkhad-ladiif M. Cumar, Hiiraan Online
[email protected]
Hargeysa, Somaliland.
