Isbahaysiga Ururada bulshada ee ISCO oo walaac ka muujiyey muranka ka taagan guddida cusub ee doorashooyinka Somaliland
Sabti, November 16, 2019 (HOL )– Isbahaysiga ururada bulshada madax banaan ee ISCO ayaa soo jeediyey in xubnaha lagu muransan
yahay is casilaan,isla markaana waxay talooyin usoo jeediyeen madaxweynaha iyo
xisbiyda mucaaradka ah.
Ururada bulshada ee madax banaan
ee marka la soo gaabiyo loo yaqaan ISCO ayaa walaac ka muujiyey dib u dhaca
badan ee ku yimid doorashooyinkii Somaliland, waxaanay soo jeediyeen in dimuqraadiyadii
Somaliland la burburin ee shacabku helaan dadkii cusbaa ee u meteli lahaa goleyaasha qaranka
“ISCO waxay ka walaacsan tahay halka ay marayso dimuqraadiyadii Somaliland, waa dal dimuqraadi
ah, haseyeeshee waxay jabisay dastuurkeedii
waxaana ka xunahay inay qaban waydo doorashooyinka golaha Wakiilada, Guurtida
iyo goleyaasha deegaanka oo muddo dhaafay” ayey ku sheegtay baaqeedda ka dhanka
ah dib u dhaca doorashooyinka.
Ururada bulshada ee madax banaan
waxay soo jeediyeen talooyinkan:
Guddida cusub ee
doorashooyinka waxaan usoo
jeedinaynaa waxa guddida doorashooyinka
loo samaystaa inay u garnaqaan musharixiinta, hadii xisbiyadii aad u qaban
lahaydeen aanay kalsooni ku qabin garsoorkiina waxa haboon oo aanu ku
talinaynaa xubnaha lagu muransan yahay inay iska casilaan xilka la idiin
magacaabay.
Xisbiyda mucaaradka ah waxaanu
usoo jeedinaynaa inay ka go’naato in
doorashooyinka lagu qabto xiligoodii oo ay muujiyaan kor u qaaadka qiyamka
dimuqradiyada.
Madaxweynaha iyo xisbiga talada
haya waxaanu usoo jeedinaynaa inay
ixtiraamaan dastuurka iyo isku xukunka sharciga iyo inay ixtiraamaan baahida uu shacbigu u qabo inay codeeyaan si ay u
helaan cid cusub oo ku metesha goleayasha qaranka.
Sidoo kale waa inay wax ka
qabtaan cabashooyinka uu mucaaradku ka qabo guddida doorashooyinka, inay la
yimaadaan fikir cusub oo hal abuur leh oo mudnaanta siiya in la qabto
doorashooyin si loo soo afjaro dib u dhaca doorahooyinka
Sidoo kale, waxay ururada
bulshada usoo jeediyeen inay door fiican ka ciyaaraan sidii dalkani u noqon
lahaa mid dimuqraadi ah oo ilaaliya shuruucdiisa.
Baarlamaanka Somaliland waxaanu
usoo jeedinaynaa inay Ixtiraama isku
xukunka sharciga iyo dastuurka; inay Ixtiraama dadka idin doortay 2005 oo taageera dadaalka loogu jiro in la
helo xubno cusub. Inaad iska fadhidaan
kuraasta baarlamaanka iyada oo aan doorasho dhicin waxaay ka soo horjeedda
dastuurka, waxaayna su’aal gelinaysaa dimoqraadiyadda Somaliland iyo
sharcinimada hay’adaha dalka. Waxaanu
kula talinaynaa xubnaha Baarlamaanka inay ixtiraamaan dimoqraadiyadda oo ay
baneeyaan kuraasta.
Xubnaha ISO Somaliland
1. Centre for Policy Analysis
2. Centre for Youth Empowerment,
3. COMPAD Human Rights and
Community Organization
4. Garsoor Social Development
organization
5. Horseed Organization
6. Hope Development organization
7. Human Rights Centre
8. Solidarity Youth Voluntary
Organization (SOYVO)
9. Somaliland Street Children
Rehabilitation Centre
10. Somaliland Women Association
(SOWA)
11. Somaliland Women Development
Centre (SOWOD)
12. Voice for Somaliland Women
Minority Organization (VOSOMWO)
13. Hodan Women Relief
Organization
Barkhad-ladiif M. Cumar, Hiiraan Online
[email protected]
Hargeysa, Somaliland.