3/28/2024
Today from Hiiraan Online:  _
Wararka Maanta- Arbaco, Mar 19, 2019
George W Bush: Qaxootigu waa naxariis

Talaado, Maarso, 19, 2019 (HOL)- Madaxweynihii hore ee dalka Mareykanka George W Bush ayaa amaanay saameynta ay dadka soo galootiga ah ku leeyihiin waddankiisa, xilli uu khudbad u jeedinayay dadkii dhawaan la siiyay dhalashada Mareykanka.

George W Bush oo hadda 72 sano jir ah ayaa soo noqday madaxweynihii 43-aad ee Mareykanka waxaana uu xilka hayay intii u dhaxeysay sannadihii 2001-dii ilaa 2009-kii.

Isagoo hambalyo u jeediyay dadka cusub ee kusoo biiray muwaadiniinta Mareykanka ayuu sheegay in dalku uu mar walba u baahan yahay iyaga oo kale.

"Wakiillada la doortay ee Mareykanku waxay leeyihiin waajibaad looga baahan yahay inay ku sharciyeeyaan dadka soo galaya waddanka iyo kuwa ka baxaya. Iyadoo la waafaqayo mas'uuliyaddan waxay kaloo na xasuusineysaa in taariikhda dadka soo galootiga ah ee Mareykanka ay naga dhigtay waxa aan nahay maanta", ayuu yidhi Bush.

Isagoo hadalkiisa sii wata ayuu sheegay in iyadoo aan sharciga laga soo hor jeedsaneynin haddana qaxootigu ay yihiin dad horumar u horseeday Mareykanka.

"Xitaa annagoo og in culeys badan uu ka jiro dhinaca nidaamka, waa ineynaan waligeen illoobin in qaxootiga soo galaya uu yahay naxariis iyo awood dheeraad ah".

Siyaasigan rug caddaaga ah oo 2 jeer xilka madaxweynaha Mareykanka soo qabtay, ayaa sheegay in dadka muwaadiniinta ah badankood aysan garwaaqsanin in dadkan qaxootiga ah ay noqonayaan madaxda mustaqbalka.

Bush ayaa Isniintii ka hadlayay munaasabad qarameyn ah oo lagu qabtay mac-hadka George W Bush ee magaalada Dallas ee gobolka Texas.

Hadalka Mr Bush uu ka yidhi arrimaha soo galootiga ayaa loo arkay mid si weyn dhabar jab ugu ah maamulka madaxweyne Donald Trump, oo horay u qaaday tallaabooyin lagu xakameynayo dadka qaxootiga ah ee galaya Mareykanka.

Donald Trump ayaa markii uu waday ol'olihiisa doorashadii madaxtinnimada ee 2016-kii waxaa qodobadiisa ugu waaweyn ka mid ahaa in la hor istaago dadka qaxootinimada ku gala dalkaas.

Markii uu xilka qabtay ayuu soo saaray go'aanno lagu xakameynayo soo galootiga, iyadoo maamulkiisa uu xayiraad kusoo rogay dadka uga imaada dalalka qaarkood.

Sidoo kale madaxweyne Trump ayaa hadda u xusul duubaya dadaal uu ku doonayo in darbi laga dhiso xadka u dhaxeeya Mareykanka iyo Mexico, arrintaasoo la isku mari la'yahay sidii dhaqaalaheeda loogu qoondeyn lahaa miisaaniyadda Dowladda.

Isha: BBC











Click here
3/19/2019 1:16 PM EST
Talaado, Maarso, 19, 2019 (HOL)-Qarax nooca gaadiidka lagu rakibo ah ayaa goor dhaw ka dhacay ilinka hore ee xarunta CID magaalada Muqdisho , waxaana warar soo baxaya sheegayaa in gaariga qarxay uu watay sarkaal ka tirsan dowladda Soomaaliya.

3/19/2019 11:00 AM EST
Talaado, Maarso, 19, 2019 (HOL)- Wasaaradda Kalluumeysiga iyo Khayraadka Badda Soomaaliya ayaa maanta doomo iyo qalab ku wareejisay kalluumeeysato todobaadkan tababar uga socday magaaladda Caasimadda ee Muqdisho .

3/19/2019 10:51 AM EST
Talaado, Maarso, 19, 2019 (HOL)- Madaxweynaha Puntland , Siciid Cabdullaahi Deni ayaa xafiiskiisa ku qaabilay ehelada Caasha Ilyaas Aadan Qarjab oo dhowaan kufsi iyo dilka loogu geystey magaalada Gaalkacyo.

3/19/2019 10:29 AM EST
Talaado, Maarso, 19, 2019 (HOL)- Guddiga dib u eegista la socodka iyo hirgalinta Dastuurka kumeelgaarka ah ee Soomaaliya ayaa maanta ku wareejiyay shan cusub oo ka tirsan Dastuurka Guddiga madaxa bannaan ee la socodka iyo hirgalinta Dastuurka iyo Wasaarada Dastuurka Soomaaliya.

3/19/2019 10:19 AM EST
Talaado, Maarso, 19, 2019 (HOL)- Guddoomiyaha gobolka Banaadir ahna duqa caasimadda Muqdisho,Cabdiraxmaan Cumar Cismaan (Eng Yariisow) ayaa guddoomiye cusub u magacaabay degmada Xamar weyne,sida ay ku warrantay warbaahinta maxalliga ah.

3/19/2019 9:58 AM EST
Talaado, Maarso, 19, 2019 (HOL)- Guddoomiyaha Baarlamaanka Puntland,Cabdixakiin Maxamed Axmed ayaa maanta dib ugu soo laabtay magaalada xarunta ah ee Garoowe,kaddib muddo labo toddobaad ah oo uu booqasho ku joogay magaalada Jabuuti iyo caasimadda Muqdisho.

3/19/2019 9:46 AM EST
Talaado, Maarso, 19, 2019 (HOL)- Wasaaradda arrimaha gudaha dib u heshiisiinta iyo arrimaha Federaalka ee xukuumadda Soomaaliya ayaa baaq deg deg ah goor dhow ka soo saartay dagaallo ka dhacay deeganno ka kala tirsan gobollada Shabeellaha dhexe iyo Galgaduud.

3/19/2019 7:21 AM EST
Talaado, Maarso, 19, 2019 (HOL)- Ra'iisul wasaaraha dalka Itoobiya, Abiy Axmed ayaa booqasho rasmi ah ku gaaray magaalada Doha ee xarunta dalka Qadar,kaddib casuumad uu ka helay Amiirka dalkaas.

3/19/2019 6:12 AM EST
Talaado, Maarso, 19, 2019 (HOL)-Dalka Uganda waxaa la joojiyay qaybinta mishaari la siinayay qaxootiga iyo dadka ay nafaqo-darrada hayso ee ku nool dalka Uganda, iyadoo cabsi laga qabo inay ku dhimatay haweeney da` ah.

3/19/2019 5:49 AM EST
Talaado, Maarso, 19, 2019 (HOL)- Xaalada degmada Balcad ayaa degan kaddib dagaal culus oo xalay ku dhaxmaray gudaha degmada xoogagga Al-shabaab iyo ciidamada dowladda Soomaaliya oo kaashanaya kuwa howlgalka AMISOM.

3/19/2019 5:36 AM EST
Talaado, Maarso, 19, 2019 (HOL)- Jaamacadda Banaadir ayaa markii ugu horeysay daah furtay Sheybaarkii ugu weyn ee noociisa ee laga daah furo dalka , kaddib munaasabad ka dhacday xarunta Jaamacadda.

3/19/2019 5:00 AM EST
Talaado, Maarso, 19, 2019 (HOL)-Taliska ciidamada militariga dowladda Soomaaliya ayaa sheegay in qeybo ka mid dalka uu ka soconayo dagaal u dhaxeeya ciidamada dowladda iyo Al-shabaab.

3/19/2019 1:27 AM EST
Talaado, Maarso, 19, 2019 (HOL)- Ra’iisal wasaraha xukuumadda Soomaaliya oo xalay khudbad ka jeedinayay kulan looga hadlayay dardargalinta is dhaxgalka bulshada iyo laamaha Amniga ayaa soo hadal qaaday cabashada maalmihii ugu danbeeyay ay jeedinayaan qaar ka mid ah ciidamada dowladda.

3/19/2019 1:05 AM EST
Talaado, Maarso, 19, 2019 (HOL)- Kulan oo ahaa mid looga hadlayay dardar gelinta isdhexgalka Bulshada iyo Hay’adaha Amniga, ayaa waxaa soo qabanqaabiyay maamulka gobolka Banaadir oo uu guddoomiyaha ka yahay Cabdiraxmaan Cumar cismaan Yariisow.

3/19/2019 12:24 AM EST
Talaado, Maarso, 19, 2019 (HOL)- Warar dheeraad ah ayaa ka soo baxaya dagaal culus oo xalay ka dhacay gudaha degmada Balcad ee gobolka Shabeellaha dhexe oo sida la sheegay waqti kooban qeybo degmada ka mid ah la wareegeen dagaalyahannada Al-shabaab.