Arbaco, July, 17, 2019 (HOL)-Madaxweynaha dowlad gobolleedka Hirshabeelle ayaa magaalada Jowhar ku soo dhaweeyay wakiilka gaar ah ee Qarramada Midoobey u qaabilsan Soomaaliya Mr James Swan.
Madaxweyne Waare iyo mas'uuliyiinta ugu sareysa maamulka Hirshabeelle oo uu ka mid yahay madaxweyne ku-xigeenka ayaa garoonka diyaaradaha magaalada Jowhar siweyn ugu soo dhaweeyay wafdiga wakiilka Qarramada Midoobey.
Wakiilka ayaa kulan la qaatay madaxda Hir-Shabeelle, iyada oo laga wada hadlay xoojinta wada shaqeynta howlgalka Qaramada midoobay iyo maamulka Hirshabelle,waxaana sidoo kale kulanka goob joog ka ahaa wakiila howgalka Qarramada Midoobay ee Hir-Shabeelle Mr Benjiamin.
Booqashada James swan ee Hirshabelle ayaa noqoneyso safarkiisa saddexaad ee uu ku tago sowlad Goboleed,iyada oo uu horay u tegay dowlad goboleedyada Puntland iyo Jubbaland,isaga oo kala hadlay arrimo dhowr ah.
C/raxmaan Diini, Hiiraan Online[email protected]