3/28/2024
Today from Hiiraan Online:  _
Wararka Maanta- Talaado, Jan 22, 2019
Jaamacadda SIMAD oo daah furtay Isbitaal lagu magacaabo Dr. Sumait Hospital


Talaado, Janaayo, 22, 2019 (HOL) – Jaamacadda SIMAD ayaa daahfurtay Dr. Sumait Hospital oo ah isbitaal casri ah looguna talagalay in uu Umadda Soomaaliyeed ka haqab tiro adeegyada caafimaadka ee ay u baahanyihiin, sidoo kalena uu ardayda Jaamacadda SIMAD gaar ahaan ardayda Kulliyadda Caafimaadka u noqdo xarun sare u qaada cilmiga caafimaadka oo ay jaamacadda ka bartaan.

Isbitaalka waxaa daah-furay Dr. Abdirahman Salah Al-Muheilan oo ah Gudoomiyaha Golaha Sare ee Jaamacadda SIMAD. Waxaana daahfurka ku wehliyay xubnaha kale ee Golaha Sare iyo weliba maamulka sare ee Jaamacadda.

Isbitaalka oo ah mid casri ah oo ay u dhamaystiran yihiin agabkiisa ayaa waxaa uu leeyahay Dhaliyayaasha Hawada (Oxygen Generators), qeybta sheybaarka, gargaarka deg degga ah, saalada qaliinka oo casri ah, qeybta dhalmada, xanaanada dhiciska iyo qeybo kale.

Dr. Al-muheylaan oo ah guddoomiyaha Guddiga Sare ee Jaamacadda oo xarig jarka kadib saxaafadda lahadlay ayaa ugu horeyn faahfaahiyay ujeedka loo furay isbitaalkaan oo uu ku sheegay in loogu talagaliyay la tacaalidda adeegyada caafimaad ee bulshada soomaaliyeed. Waxaa uu u duceeyay Marxuum Xiirey Qaasim oo ah muwaadin Soomaaliyeed kaas oo si samafal ah ugu deeqay dhulka laga dhisay isbitaalka.

Guddoomiyaha Jaamcaadda SIMAD, Dahir Hassan Arab, oo munaasabada kahadlay ayaa uga mahadceliyay hey’adda DirectAid taas oo maalgelisay isbitaalka. Gudoomiyaha waxa uu sidoo kale u mahadceliyay shaqaalaha Jaamacadda SIMAD oo shaqa fiican ka qabtay isbitaalka inta dhismihiisu uu socday. Ustaad Dahir ayaa carabka ku dhuftay in isbitaalku uu noqon doono mid umadda Soomaaliyeed ka haqab tira baahiyaha caafimad ee had iyo jeer ay ugu baxaan dibedda.

Talaabadaan ayaa la micna ah in Jaamacadda SIMAD ay adeegyadii hore ee waxbarashada ku soo kordhisay adeega dhinaca caafimaadka.

C/raxmaan Diini, Hiiraan Online
[email protected]














Click here
1/22/2019 3:28 PM EST
Talaado, Janaayo, 22, 2019 (HOL) – Shirweynahaan Qaran ee isdhaxgalka ganacsiga oo u dhaxeeya ganacsatada Dalalka Soomaaliya iyo Finland ayaa daba socday mid kan ka horeeyay, kaasi oo lagu qabtay magaalada Helsinki ee dalka Finland, waxaana hogaaminayey Wasaaradda Ganacsiga iyo warshadaha XFS oo ay wehlinayeen Wasaaraddaha Qorsheynta iyo Maaliyadda.

1/22/2019 12:27 PM EST
Talaado, Janaayo, 22, 2019 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa warqadaha aqoonsiga ka guddoomay Danjireyaasha cusub ee ay dalalka Masar iyo Indonesia usoo magacaabeen Soomaaliya

1/22/2019 10:18 AM EST
Talaado, Janaayo, 22, 2019 (HOL) – Madaxweynaha dowlad goboleedka Hirshabelle Maxamed Cabdi Waare ayaa isku shaandheyn ku sameeyay golihiisa wasiirada waxaana hadda ka socda xarunta madaxtooyada Hirshabelle ku dhowaaqista golaha cusub ee Wasiirada.

1/22/2019 8:46 AM EST
Talaado, Janaayo, 22, 2019 (HOL)- Madaxweynaha Puntland, Siciid Cabdullaahi Deni ayaa maanta horgeeyey Golaha Wakiillada Puntland codsi muddo kororsi ah oo ku saabsan magacaabidda Golaha Xukuumadda Puntland, muddada uu Madaxweynuhu ka codsaday Golaha Wakiillada Puntland ayaa dhammayd 14 cisho.

1/22/2019 6:42 AM EST
Talaado, Janaayo, 22, 2019 (HOL)-Wasaaradda Boostada, Isgaarsiinta & Teknolojiyada ayaa cambaareysay burburinta soo noqnoqotay ee loo geysanayo xarumaha shirkadaha isgaarsiinta dalka Soomaaliya, gaar ahaan xuduudda nagala dhexeysa dalka Kenya

1/22/2019 6:36 AM EST
Talaado, Janaayo, 22, 2019 (HOL)-Madaxweyne Muuse Biixi ayaa xafiiskiisa ku qaabiley wakiilka cusub ee Itoobiya u joogi doonna Somaliland Amb:Shamsudiin Axmed Rooble.

1/22/2019 5:59 AM EST
Talaado, Janaayo, 22, 2019 (HOL)- Faah faahin dheeraad ah ayaa ka soo baxaya Qarax khasaare sababay oo goor dhaw ka dhacay magaalada Muqdisho.

1/22/2019 4:57 AM EST
Talaado, Janaayo, 22, 2019 (HOL)-Saraakiisha ciidamada dowladda Soomaaliya ayaa sheegay in howlgal ka sameeyeen gobolka Bakool lagu soo xiray saddex ruux oo ka tirsan saraakiisha qeybta Amniyaadka Ururka Al-shabaab.

1/22/2019 1:18 AM EST
Mu’tamarka sanadlaha ah ee sanad walba uu qabto Madina Islamic Center ayaa usbuucaan ka dhacay magaaladan Salt-Lake City, ee gaobolka Utah. Kulankan ayaa lagu maamuusay soo dhawente Sh. Mohamed Abduba Dida oo laba jeer u tartamay xilka madaxweynaha ee dalka Kenya kana gaaray heer sare.

1/22/2019 12:45 AM EST
Talaado, Janaayo, 22, 2019 (HOL) –Wararka naga soo gaaraya magaalada Jowhar ee xarunta dowlad gobolleedka Hirshabeelle ayaa sheegaya in howlgal xalay halkaa ka sameeyeen ciidamada Amaanka lagu soo qab qabtay ganacsato ku eedeysan in ay taageeraan Al-shabaab.

1/22/2019 12:32 AM EST
Talaado, Janaayo, 22, 2019 (HOL)–Wasiirka Wasaarradda Ganacsiga xukuumadda Soomaaliya Maxamed Cabdi Xayir Maareeye ayaa sheegay in inta badan ganacsatada Soomaaliyeed lacago sida uu hadalka u dhigay naftooda ku furanayaan siiyaan Ururka Al-shabaab

1/22/2019 12:16 AM EST
Talaado, Janaayo, 22, 2019 (HOL) – Odayaasha dhaqanka iyo Waxgaradka deegaannada Koonfur Galbeed ayaa wali si is daba joog u dalbanaya in sida ugu dhaqsiyaha badan loo sii daayo Mukhtaar Rooboow Abuu-Mansuur oo ku jira gacanta dowladda.