3/29/2024
Today from Hiiraan Online:  _
Wararka Maanta- Isniin, Jan 21, 2019
Guurtidda Somaliland oo u kordhiyey golaha Wakiilada iyo mudada doorashada oo ay cayimeen

 

Isniin, Janaayo, 21, 2019(HOL)-Golaha Guurtidda Somalialnd ayaa maanta u kordhiyey golaha Wakiilada muddo sideed bilood iyo 15 cisho ah in loo kordhiyey,isla markaana doorashadu ay dhici doonto December/12/2019.

Golaha guurtida ayaa muddo kordhintan gaaban ku saleeyey talooyinkii saddexda xisbi, qaadhaanbixiyeyaasha taageera doorashadda Somaliland iyo dalalka saaxiibka la ah Somaliland oo iyaguna muddo gaaban raba in la kordhiyo.

Golaha wakiilada ayaa muddo xileedkooddu ku eekaa bisha afraad ee sanadkan 2019-ka, ayaa loo kordhiyey sideed bilood iyo badh, halka Guurtidduna muddo xileedkoodu noqon doono sanad ka dib doorashadda golaha Wakiiladda.

Gudoomiye ku xigeenka kowaad ee golaha guurtidda oo xildhibaanadda u akhriyeya soojeedintoodda ayaa sheegay inay u qorsheeyeen inay doorashaddu dhacdo 12/12/2019, muddo xileedkooduna noqdo doorashada bil ka dib oo ku beegan 12/1/20120.

Xildhibaanada golaha Guurtida ayaa cod aqlabiyad ah ku meel mariyey muddada loo kordhiyey golaha Wakiilada iyo wakhtiga doorashaddu dhacayso.

Dhinaca kale, gudoomiyaha golaha Guurtiddu Saleebaan Maxamuud Aadan ayaa kalfadhiga ka joojiyey inay soo galaan toddobo xildhibaan oo ka mid ahaa guddida ka soo tallo bixinta muddada la kordhinayo ,kuwaas oo iyagu doonayey in la kordhiyo laba sanno.

Gudoomiyuhu wuxuu shegay in todobadaasi xildhibaan ka baxeen markii guddidu isku afgaratay in sideed bilood la kordhiyo, taaasina ay keentay inay kalfadhigaba ka joojiyaan.

Sidoo kale, xildhibaanada loo diiday inay golaha soo galaan ayaa ku dooday inuu shirgudoonku ku qasbayey aragtidiisa, taasina ay keentay inay iskaga baxaan, waxaanay ku doodeen in laba sanno uun lagu qaban karo doorashadda.

Barkhad-ladiif M. Cumar, Hiiraan Online

[email protected]

Hargeysa, Somaliland. 













Click here
1/21/2019 3:25 PM EST
Isniin, Janaayo, 21, 2019 (HOL)- Ra’iisul wasaaraha xukuumadda Federaalka Soomaaliya ,Xasan Cali Khayre, ayaa maanta kormeeray wasaaradaha maaliyadda, arrimaha dibdada, qorshaynta, shaqaalaha iyo hawlaha guud si uu ugu kuur galo habsami u socodka hawlaha loogu adeegayo bulshada Soomaaliyeed.

1/21/2019 3:16 PM EST
Isniin, Janaayo, 21, 2019 (HOL)- Golaha wakiilada Puntland ayaa maanta iska dhex-doortay guddiga joogtada ah oo ka kooban 13 xubnood.

1/21/2019 1:50 PM EST
Isniin, Janaayo, 21, 2019 (HOL)- Saddex dhakhtar oo ka howlgalla Isbitaalka Muqdisho City ayaa ku dhaawacmay qarax lagu xiray baabuur oo galabta ka dhacay degmada Hodan ee caasimadda Muqdisho.

1/21/2019 10:43 AM EST
Isniin, Janaayo, 21, 2019 (HOL)- Dowladda Soomaaliya ayaa ka hadashay warka ku saabsan Nin Ajnabi ah oo u dhashay dalka Britain oo lagu qabtay gudaha garoonka diyaaradaha xili uu doonayay in uu raaco diyaarada Ethiopia Airlines

1/21/2019 10:27 AM EST
Isniin, Janaayo, 21, 2019 (HOL)- Saddexda xisbi ee Somaliland ayaa soo dhoweeyey mudada loo kordhiyey golaha Wakiiladda oo ah muddo gaaban.

1/21/2019 10:10 AM EST
Isniin, Janaayo, 201,2019 (HOL)-Qaar ka mid ah mas’uuliyiinta shirkadda Isgaarsiinta Hormuud oo la soo xiriira Hiiraan Online ayaa sheegay in ciidamada Kenya xalay gubeen xaruntii shirkadda Isgaarsiinta Hormuud ee deegaanka Dhuyac –Garoon oo ka tirsan degmada Salagle ee gobolka Jubbada Hoose.

1/21/2019 7:42 AM EST
Isniin, Janaayo, 21, 2019 (HOL) -Ninkan Ajnabiga ah ee u dhashay dalka Britain ayaa laga qabtay gudaha garoonka diyaaradaha Aadan Cadde ee magaalada Muqdisho xili uu ku qornaa diyaaradda Ethiopian Airlines, kaddib markii mid ka mid ah Boorsooyinkii uu sitay laga helay agab looga shakiyay walxaha qarxa.

1/21/2019 7:37 AM EST
Isniin., Janaayo, 21, 2019 (HOL) - Wasiir ku xigeenka wasaaradda waxbarashada xukuumadda federaalka Soomaaliya Mudane Feysal Cumar Guuleed,wasiiru dowlaha wasaaradda waxbarashada, iyo agaasimaha guud ee wasaaradda waxbarashada ,ayaa maanta kulan wada jira la qatay 10-kii ardey ee kaalmaha hore ka galay imtixaankii ay qaaday wasaaradda waxbarashada ee 2017,2018-ka.

1/21/2019 7:22 AM EST
Isniin., Janaayo, 21, 2019 (HOL) - Baarlamaanka Puntland ayaa lagu wadaa hannaan cusub inuu ku ansixiyo wasiirrada uu soo magacaabayo, madaxweyne Siciid Cabdullaahi Deni,sida laga soo xigtay qaar ka mid ah xildhibaannada.

1/21/2019 6:46 AM EST
Isniin, Janaayo, 21, 2019 (HOL)-Dowladda Federaalka Soomaaliya iyo hay’adaha gargaarka ee waddanka ka shaqeeya maanta waxa ay ku dhawaaqeen Qorshaha ka Falcelinta Baahiyaha Bini’aadamnimada ee 2019. Dowladda iyo Hay’adahu waxa ay hoosta ka xarriiqeen baahida loo qabo deeq degdeg ah si howlaha gurmadka loo sii wado.

1/21/2019 5:44 AM EST
Isniin, Janaayo, 21, 2019 (HOL)-Laamaha ammaanka ee Kenya waxay sheegeen inay fashiliyeen weerar dabley hubeysan ay ku qaaday deegaan ku yaalla magaalada Gaarisa.

1/21/2019 3:50 AM EST
Isniin., Janaayo, 21, 2019 (HOL) - Nin u dhashay dalka Britain oo horayna ula shaqeyn jiray sharikadda SKA ee ka howl-gasha garoonka Aadan Cadde ayaa ku xiran xaruunta CID ee magaalada Muqdishu sida uu u xaqiijiyey sarkaal sare oo ka tirsan maamulka garoonka.

1/21/2019 1:06 AM EST
Isniin., Janaayo, 21, 2019 (HOL) – Magaalada Baydhabo waxaa ka soconaya kulamo u muuqda in lagu xalinayo shaqaaqadii ka dhalay xarigga Mukhtaar Rooboow oo sanadkii hore ciidamada Itoobiya ka qabteen gudaha magaalada Baydhabo isaga oo ka mid ahaa musharixiintii u taagneyd qabashada xilka madaxweynaha.

1/21/2019 12:45 AM EST
Isniin., Janaayo, 21, 2019 (HOL) – Wasiirka Arrimaha Dibadda iyo Iskaashiga Caalamiga Axmed Ciise Cawad ayaa isagoo ka wakiil ah Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa waxaa uu shirka wadamada Carabta uga qeybgalay magaalada Bayruut ee dalka Lubnaan.