3/28/2024
Today from Hiiraan Online:  _
Wararka Maanta- Sabti, Jan 19, 2019
Howlgal lagu dilay 73 dagaalyahan oo ka tirsan Ururka Al-shabaab

 

Sabti, Janaayo, 19, 2019 (HOL)- Howlgal ay ka iska kaashadeen ciidamada dowladda Soomaaliya iyo ciidamada shisheeye ee taageerada militari siiya ayaa lagu dilay ku dhawaad 73 dagaalyahan iska horimaad culus oo maanta oo Sabti ah ka dhacay deegaanka BaarSanguuni ee gobolka Jubbada dhexe.

Gaadiid dagaal oo ay la socdeen xoogagga Al-shabaab ayaa lagu waramayaa in lala helay duqeyn ay geystay diyaar dagaal lagu dilay ku dhawaad 73 dagaalyahan oo ka tirsan Al-shabaab sida laga soo xigtay warbaahinta dowladda.

Iska horimaad culus oo subaxnimadii hore ee saakay dhaxmaray ciidamada dowladda Soomaaliya iyo Al-shabaab ayeey sheegeen goobjoogayaal in khasaare culus uu ka soo gaaray labada dhinac.

Weerarka ay saakay ku qaadeen Al-shabaab saldhiga militari ee ciidamada dowladda Soomaaliya ee BaarSanguuni ayaa imanaya kaddib markii shalay oo Jimco ah weerar ay ku qaadeen kolonyo ay la socdeen ciidamada Itoobiya ku dileen 57 Askari sida ay Shabaabku sheegteen.

C/raxmaan Diini, Hiiraan Online
[email protected]

 













Click here
1/19/2019 12:29 PM EST
Sabti, Janaayo, 19, 2019 (HOL)- Booliska Kenya ayaa laga soo xigtay in la xiray xaaska iyo Aabbaha dhalay ninkii isku qarxiyay weerarkii Talaadadii la soo dhaafay lagu qaaday dhismaha DusitD2 ee magaalada Nairobi, kaddib howlgal ay ciidanka amniga ka fuliyeen magaalo xeebeedka Mombasa.

1/19/2019 11:48 AM EST
Sabti, Janaayo, 19, 2019 (HOL)- Agaasimaha guud ee Hay’adda Socdaalka iyo Jinsiyadda Soomaaliya oo safar shaqo ku jooga dalka Turkey ayaa kulan la qaatey ku simaha agaasimaha guud ee Hay’adda Socdaalka dalka Turkey.

1/19/2019 11:20 AM EST
Sabti, Janaayo, 19, 2019 (HOL)- Socdaal wadatashi ah oo qaatay muddo seddax maalmood oo ay ku bixinayeen guddiga fulinta ee Ururka Qaranka Suxufiyiinta Soomaaliyeed ee NUSOJ magaalada Garoowe ee caasimadda Puntland ayaa maanta lasoo gunaannaday.

1/19/2019 10:11 AM EST
Sabti, Janaayo, 19, 2019 (HOL)- Wasiirka Maaliyadda Soomaaliya C/raxmaan Ducaale Beyle, ayaa rajo wanaagsan ka muujiyay in dalalka Carabta ka cafiyaan deymaha,si ay taasi Gogal-xaar ugu noqoto saamaxaadda deymaha ee caalamka intiisa kale.

1/19/2019 8:00 AM EST
Sabti, Janaayo, 19, 2019 (HOL)- Ciidammada amniga ee magaalada Boosaaso ayaa fashiliyay Qarax miino oo xalay lagu aasay bartamaha suuqa wayn ee magaalada Boosaaso .

1/19/2019 6:40 AM EST
Sabti, Janaayo, 19, 2019 (HOL)-Xisbiga kulmiye ayaa maanta shaaciyey in shirweynihii golaha dhexe lagu qabanayo magaaladda Boorama ee gobolka Awdal.

1/19/2019 5:56 AM EST
Sabti, Janaayo, 19, 2019 (HOL)- Rag hubeysan ayaa goor dhaw oo maanta ah ku dilay magaalada Muqdisho mas'uul ka tirsanaa maamulka degmada Howl-wadaag iyo Nin dhalinyaro ah oo la socday

1/19/2019 5:15 AM EST
Sabti, Janaayo, 19, 2019 (HOL)-Xidigle NISA Maxamed Cabdiraxmaan Cali ayaa loo heystaa dilka Marxuumad Sacdiyo Khaliif Faarax oo aheyd Xaaskiisii hore, dilkaas oo ka dhacay degmada Yaaqshiid taariikhdu markey aheyd 19-12 sanadkii tegay.

1/19/2019 2:19 AM EST
Sabti, Janaayo, 19, 2019 (HOL)-Maleeyshiyaad ka tirsan Al-shabaab ayaa saaka aroortii weerar qorsheeysan ku qaadan Saldhig ay ciidamada xoogga dalka iyo kuwa Jubbaland ku leeyihiin deegaanka Baar-sanguuni oo...

1/19/2019 12:55 AM EST
Sabti, Janaayo, 19, 2019 (HOL)- Ilaa Shan ruux oo u badnaa Taksiilayaal la sheegay in ay xiriir la lahaayeen kooxdii weerartay Talaadadii aynu soo dhaafnay Hotelka DusitD2 ayaa ka soo muuqday maxkamad.

1/19/2019 12:42 AM EST
Sabti, Janaayo, 19, 2019 (HOL)- Hay’adda Sirdoonka Qaranka Soomaaliya ee NISA ayaa sheegtay in ciidamada amaanka gacanta ku soo dhigay 18 ka bishaan oo maalinimadii shalay ku beegneed sarkaal sare oo ka tirsanaa Amniyaadka Al-shabaab.

1/19/2019 12:27 AM EST
Sabti, Janaayo, 19, 2019 (HOL)-Duhurnimadii shalay ayeey aheyd markii koox hubeysan rasaas ku fureen guddoomiyihiii dhalinyaradda degmada Hodan ee gobolka Banaadir oo lagu magacaabi jiray Sakariye Hadaafoow, waxaana rasaasta lagu furay ka soo gaaray dhaawac culus.