3/29/2024
Today from Hiiraan Online:  _
Wararka Maanta- Arbaco, Sept 19, 2018
Puntland: Xulista Baarlamaanka cusub oo socota

Arbaco, September, 19, 2018 (HOL) –Xulista Xildhibaannada cusub ee Baarlamaanka  ayaa ka socota deegaannada Puntland,iyadoo xilli horaba tiro xildhibaanno ah ay soo gudbiyeen qabaa'ilada.

Doorashada Puntland ee muddo ka yar afar bilood ay ina xigto ayaa mar kale waxaa madaxweynaha iyo ku-xigeenkiisa dooranaya 66 xildhibaan oo ku imaanaya nidaamka qabaa'ilka.

Bulshada iyo waxgaradka Puntland ayaa baaqyo kala duwan u mariya warbaahinta Isimadda soo xulaya xildhibaannada cusub, waxyaabaha ay si siman uga dalbanayaan odayaasha dhaqanka iyo Isimadda  waxaa ay tahay  in loo baahan yahay Xildhibaanno karti leh oo shacabka u doodi kara lana xisaabtami kara Xukuumada ama golaha fulinta.

Qaar ka mid ah Isimadda Puntland oo ku shiray magaalada Boosaaso ayaa dhankooda ballan-qaaday inay soo xulayaan Xildhibaanno ay ka fiirsadeen oo dalka iyo dadkaba wax u qaban karra.

" Waxaan u sheegaya qabaa'ilka Baarlamaanka soo xulaya oo Isimadda ay ugu horreeyaan inay xasuusnaadan guuxa badan oo shacabka ku jira, inay tusaalo ka dhigtaan dhacdooyinkii iyo wixii na soo marey oo ay soo xulaan xildhibaan ay heshiis hoose la galaan oo ah inuu mas'uuliyada loo igmadey illahay uga cabsado oo samata-bixiyo dalka iyo dadka ,doortana hoggaan wanagsan." ayuu yiri Suldaan Maxamuud Jaamac Yuusuf oo ka mid ah Isimadda Puntland.

Puntland oo la aasaasay labaatan sanno ka hor , waxaa guul-darraystay iskudayo lugu doonayay nidaamka qabaa'ilka ah in looga gudbo doorasho xor ah oo shacabka ay ka qaybqaatan, waana mid ka mid ah caqabadaha ugu weyn ee hor imaanaya xukuumadda iyo madaxweynihii ku guuleysta doorashada sannadka 2019.

Iman Mohamed Jama, Hiiraan Online
[email protected]













Click here
9/19/2018 6:23 PM EST
Arbaco, September, 19, 2018 (HOL) –Madaxweynaha Puntland, Cabdiweli Maxamed Cali Gaas ayaa galinkii dambe ee Arbacada maanta waxaa uu xarig ka jaray Jaamacadda Maakhir ee magaalada Badhan ee gobolka Sanaag.

9/19/2018 6:00 PM EST
Arbaco, September, 19, 2018 (HOL) –Booliska Soomaaliya ayaa afar ruux u xirey dilka gabar yar oo ardayad ahayd, oo Talaaladii u geeryootay rasaas uu furey askari ka tirsan ciidanka dowladda.

9/19/2018 5:44 PM EST
Arbaco, September, 19, 2018 (HOL) –Dowladda Talyaaniga ayaa ballan-qaaday inay door muuqda ku yeelan doonto dib u dhiska ciidammada xoogga dalka, si ay suragal u noqoto dib in loo helo ciidammo awood u leh sugidda amniga guud ahaan dalka.

9/19/2018 5:27 PM EST
Arbaco, September, 19, 2018 (HOL) –Kulan wadatashi ah oo ku saabsan siyaasadda arrimaha bulshada kaasoo ay ka qeybgaleen mas'uuliyiin ka tirsan dowladda Federaalka ,waddamada deeq bixiyaasha muslimka ah, hay’adaha gaarka loo leeyahay, Ganacsatada Soomaaliyeed iyo ururrada Bulshada rayidka ah ayaa lagu qabtay magaalada Muqdisho.

9/19/2018 1:09 PM EST
Arbaco, September, 19, 2018 (HOL) –Dowladda Itoobiya ayaa heshiis la gaartay jabhadda ONLF ,heshiiska ayaa dhigaya in la sii wado wada-xaajoodka, laakin afhayeenka jabhadda wuxuu sheegay iney jabhaddu marnaba ka tanaasuleyn mowqifkeedi ahaa iney gooni iisu taagto.

9/19/2018 12:54 PM EST
Arbaco, September, 19, 2018 (HOL) –Xildhibaanada Golaha Shacabka ee Baarlamaanka Soomaaliya ayaa maanta soo gabagabeeyay doodii ku saabsaneyd xaaladda amni ee dalka gaar ahaan amniga Muqdisho.

9/19/2018 12:45 PM EST
Arbaco, September, 19, 2018 (HOL) –Dowladda Soomaaliya ayaa ka hadashay duqayn lagu fuliyay degmada Saakow ee gobolka Jubbada Hoose, isla markaasna lagu dilay 12 kamid dagaalyahanada al-Shabaab, sida uu sheegay wasiirka ku-xigeenka wasaaradda warfaafinta.

9/19/2018 12:16 PM EST
Arbaco, September, 19, 2018 (HOL) –Golaha iskaashiga dowlad-gobolleedyada ayaa si dhaqso ah uga jawaabay mowqifka dowlad-gobolleedka Hirshabeelle uga laabatay go’aankii shirkii Kismaayo.

9/19/2018 12:05 PM EST
Madaxweynaha dowladda Puntland,Cabdiweli Maxamed Cali Gaas ayaa maanta booqasho ku tagay magaalada Badhan ee ee xarunta gobolka Sanaag.

9/19/2018 11:38 AM EST
Arbaco, September, 19, 2018 (HOL) –Wariye Cabdirisaaq Saacid Cismaan (Waddani) ayaa u geeriyooday dhaawac kasoo gaaray weerar loo adeegsaday Toorey oo kooxo hubeysani ay xalay ugu geysteen magaalada Gaalkacyo.

9/19/2018 10:42 AM EST
Arbaco, September, 19, 2018 (HOL)-Xukuumadda iyo xisbiyada mucaaradka ayaa cambaareeyey socdaalka madaxweynahah Puntland ee SOomaaliya ku yimid magaalada Badhan ee gobolka Sanaag, waxaanay ku tilmaameen gardaro iyo in dagaal kale ka bilaabmo deegaankaasi.

9/19/2018 8:45 AM EST
Arbaco, September, 19, 2018 (HOL)–Boqolaal talaagadood ayaa lagu burburiyay degaanmo kala duwan oo gobolka Sool ka mid ah ka dib markii la sheegay in cudurka Kansarka lagu faafinayo.

9/19/2018 6:55 AM EST
Arbaco, September, 19, 2018 (HOL)–Madaxweynaha dowlad gobolleedka Hirshabeelle Maxamed Cabdi Waare oo shir jaraa’id ku qabtay magaalada Muqdisho ayaa sheegay in ay is afgarteen iyaga iyo dowladda dhexe ee Soomaaliya.

9/19/2018 5:48 AM EST
Arbaco, September, 19, 2018 (HOL) – Ururka Al-shabaab ayaa sheegtay in ay fuliyeen weerar xalay lagu dilay sarkaal ka tirsanaa ciidamada xoogga dalka Soomaaliyeed oo lagu magacaabi jiray Muumin Xassan Garaad oo lagu toogtay xaafadda Xaawo Taako ee magaalada Beledweyne.

9/19/2018 2:16 AM EST
Arbaco, September, 19, 2018 (HOL) –Xildhibaannada golaha shacabka oo labadii maalin ee u dambeysay ka dooday amniga caasimadda Muqdisho iyo guud ahaan dalka ayaa lugu wadaa inay maanta soo gabagabeeyaan doodda.

9/19/2018 1:55 AM EST
Arbaco, September, 19, 2018 (HOL) –Tartanka kubadda cagta ee toddobadyadii u dambeeyay ka socday magaalada Muqdisho ayaa la go'aamiyay xilliga la ciyaarayo kulanka kama dambeysta oo ay isugu soo hareen degmooyinka Shibis iyo Waaberi.

9/19/2018 1:14 AM EST
Arbaco, September, 19, 2018 (HOL)–Gudoomiyaha xisbiga mucaaradka ah ee UCID Eng:Faysal Cali Waraabe ayaa casuumad Qaddo ah ku maamuusay fanaanadda caanka ah ee Farxiya Axmed Cadaawe(Farxiya Fiska) oo maalmo ka hor markii ugu horeysay Somaliland timid.

9/19/2018 1:12 AM EST
Arbaco, September, 19, 2018 (HOL) –Deeqo Daahir Cali oo 9 jir ahayd ayaa u geeryootay rasaas uu furey askari ka tirsan ciidanka dowladda Talaadadii shalay,waxaana qoyskeeda ay ka dalbadeen dowladda inay cadaalad hesho.

9/19/2018 12:28 AM EST
Arbaco, September, 19, 2018 (HOL) –Wada-hadallo nabadeed ayaa magaalada Asmara ee xarunta dalka Eritrea uga furmay dowladda Itoobiya iyo jabhadda ONLF,iyadoo diirrada lugu saarayo qaababka uu noqon karo heshiis dhexmara labada dhinac, sida u xaqiijiyay wasiirka warfaafinta Itoobiya.