Mareykanka oo cunaqabtayno hor leh ku soo roggaya Iiraan
Sabti, September, 15, 2018 (HOL)- Xukkumada
Madaxweyne Trump ayaa dalka Iiran kusoo rogaysa cunaqabatayno wajiyo kala duwan
leh kaddib markii Maraykanka uu isaga baxay heshiiska nukliyeerka ee Iiran.
Saraakisha Maraykanka ayaa caddeeyay inay doonayaan in gebi ahaanba ay hakad
geliyaan shidaalka Iiran ay dhoofiso.
Maraykanka ayaa sidoo kale Iiran ka jartay xiriirada caalamiga ee dhaqaalaha
ee loo yaqaano SWIFT.
Xoghayaha arrimaha dibadda ee Maraykanka Mike Pompeo wuxuu xaqiijiyay in
tallabooyinkaasi oo idil haatan laga shaqeynayo isla markaasina weli
go'annadaasi laga baaran degayo.
Laga bilaabo 4-ta Noofembar sherciyada as'aasiga ee la dajiyay waxay saameyn
ku yeelan doonta cid walbo oo doonaysa inay xiriir dhaqaale la samayso
Jamhuuriydda islaamiga ee Iiiran.
Xoghayaha arrimaha dibadda ayaa sidoo kale in ninkii isaga xilka kaga
horeeyay ee john kerry uu ku eedeyay in u wiiqay siyaasadda Maraykanka oo u la
kulmay wasiirka arrimaha dibeeda ee Iran,Trump ayaa kulamadaasi ku tilmaamay
kuwa sharci darro ah.
John Kerry wuxuu garwadeen ka ahaa heshiiska Nukliyeerka ee Iiran balse
wuxuu beeniyay in Iiran uu u soo bandhigay qaabka ay ula macaamili karaan Trump
marka u heshiiska isaga baxo.
Wuxuu ku doodayay in Iiran ay wax ka beddesho xiriirada ay la sameynayso
waddamada gobolka oo ay xukkumadda Trump u aragto tallaabo halis ah.
Xigasho/BBC