3/28/2024
Today from Hiiraan Online:  _
Wararka Maanta- Talaado, Nov 13, 2018
Faah faahin ku saabsan Al-sabaab ku dagaalamay degmada Jilib ee gobolka Jubbada dhexe

 

Talaado, November, 13, 2018 (HOL) - Faah faahin dheeraad ah ayaa ka soo baxaya dagaal degmada Jilib ee gobolka Jubbada dhexe ku dhaxmaray xoogag ka wada tirnaa Al-shabaab sida ay warbaahinta u sheegeen dadka deegaanka.

Dagaalka ayaa yimid kaddib markii Al-shabaab ay ka shakiyeen rag Soomaali iyo Ajaanib isugu jiray oo ku sugnaa degmada, kuwaasi oo looga shakiyay in ay xiriir la leeyihiin Kooxda Daacish.

Dagaalka labada dhinac ayaa sababay in xubno ka tirsan Ururka halkaa lagu khaarajiyo, waxaana ka mid ahaa xubin ajnabi ah oo diiday in uu is dhiibo kaddib markii lagu weeraray gudaha masjid uu ku sugnaa.

Ninka la toogtay ayaa magaciisa lagu sheegay Abu Anas Al-Misri, waxaana la sheegay inuu u dhashay dalka Masar.

Wararka ugu danbeeyay ayaa sheegaya in la xiray ilaa 100 qof oo iskugu jira xubno ka tirsan ururka Al-Shabaab iyo ganacsato iyo xubno kale oo lagu tuhmay inay doonayeen inay ku biiraan Daacish.

Xubnaha la xiray ayaa la sheegay inuu ka mid yahay Macallin Daauud oo la sheegay inuu horey u ahaan jiray madaxa dacwada ee Gobolka Gedo, Waxaa kaloo ka mid ah mid ka mid ah weriyayaasha u shaqeeya ururka Al-Shabaab.

Al-Shabaab ayaa la sheegay inay ilaa shalay xubno kale ka qabqabteen Saakow, Buula Fuulaay iyo Kuunya Barrow.

Ururka Daacish ee Soomaaliya ayaa xubnaha ka tirsan ay ka go'een Al-Shabaab sannadkii 2015-ka, waxaana ururka Al-Shabaab ay dileen xubnaha lagu tuhunsanaa inay ka tirsan Daacish.

C/raxmaan Diini, Hiiraan Online
[email protected]













Click here
11/13/2018 12:38 PM EST
Talaado, November, 13, 2018 (HOL) – Wararka ka imaanaya dalka Itoobiya waxay sheegayaan in xabsiga loo taxaabay tiro kamid ah saraakiisha ammaanka dalkaasi kaddib lagu eedeeyay musuq maasuq iyo inay ku xadgudbeen xuquuqda aadanaha.

11/13/2018 12:32 PM EST
Talaado, November, 13, 2018 (HOL) – Warar dheeraad ah ayaa ka soo baxaya dagaal culus oo deegaanka Mooyaale oo ku dhaca xadka kala qeybiya Kenya iyo Itoobiya ku dhaxmaraya qowmiyadaha Soomaalida iyo Oromada.

11/13/2018 10:21 AM EST
Talaado, November, 13, 2018 (HOL) –Wareegto kasoo baxday xafiiska madaxweynaha dowlad goboleedka Soomaaliyeed ee Jubbaland Mudane Axmed Max'ed Islaam ayaa magacaabay wasiiru dowlayaal iyo wasiir ku xigeenno....

11/13/2018 9:07 AM EST
Talaado, November, 13, 2018 (HOL) – Faah faahinno dheeraad ah ayaa ka soo baxay weerar lagu qaaday shaqaale ka tirsan shirkadda Isgaarsiinta Hormuud, kaddib markii koox hubeysan weerar ku qaadeen xili shaqaalaha ay ku soo jeedeen masjid ku yaala degmada Isgoyska Baar-Ubax ee degmada Howl-wadaag.

11/13/2018 7:10 AM EST
Talaado, November, 13, 2018 (HOL)– Ra’iisul wasaare ku-xigeenka xukuumadda federaalka ah ee Soomaaliya, Mahdi Maxamed Guuleed ayaa maanta daah furay Madasha Siyaasada Dhaqaalaha Qaranka oo ay ka qeyb galayaan Wasiirro ka tirsan Xukuumadda Soomaaliya, Ganacsato, Xubno ka socda Jaamacadaha salka iyo wakiillo ka socda beesha Caalamka.

11/13/2018 7:03 AM EST
Talaado, November, 13, 2018 (HOL)– Wasaaradda arrimaha gudaha Soomaaliya iyo hay'adda IOM ayaa iska kaashanaya mashaariic lagu horumarinayo degmada Balcad ee gobolka Shabeellaha dhexe.

11/13/2018 6:52 AM EST
Talaado, November, 13, 2018 (HOL)– Shirka 32-aad ee Maayaradda Casimadaha dalalka Islaamka ayaa lagu soo gabagabeeyay magaalada Jabuuti ee xarunta dalka Jabuuti,kaas oo looga hadlayey iskaashiga magaalooyinka iyo mashaariicda horumarineed ee bilicda caasimadaha sare loogu qaadayo.

11/13/2018 6:43 AM EST
Talaado, November, 13, 2018 (HOL)- Guddoomiyaha xisbiga UCID ee Soomaaliland,Faysal Cali Waraabe ayaa sheegay maamulka Soomaaliland in laga soo xiray waddanka Itoobiya oo wada shaqayn dhow ay lahaayeen.

11/13/2018 6:32 AM EST
Talaado, November, 13, 2018 (HOL)- Wafdi uu hoggaaminayo ku-xigeenka ergeyga Qaramada Midoobey u qaabilsan Soomaaliya Rai Zanenga ayaa maanta gaaray magaalada Baydhabo ee xarunta kumeelgaarka ah ee maamulka Koonfurgalbeed.

11/13/2018 6:15 AM EST
Talaado, November, 13, 2018 (HOL)- Isu soo bax looga soo horjeedo nin ay Maxkamadda Ciidammada Puntland ku xukuntay dil toogasho ayaa maanta ka dhacay koonfurta magaalada Gaalkacyo ee xarunta gobolka Mudug.

11/13/2018 5:39 AM EST
Talaado, November, 13, 2018 (HOL)–Hay’adda duulista hawadda Soomaaliyeed ayaa horgeysay Baarlamaanka Soomaaliya sharciga hay’adda duulista rayidka Soomaaliyeed, iyadoo sharcigan muhiimada uu leeyahay uu ka hor aqriyay xildhibaannada Agaasimaha waxaada Duulista Hawada Soomaaliyeed Mudane Axmed Macalin Xassan.

11/13/2018 3:47 AM EST
Talaado, November, 13, 2018 (HOL)-Sida Hiiraan Online uu u sheegay xildhibaan ka tirsan baarlamaanka Soomaaliya xarumaha ilaa 7 Wasaarraddood oo ka tirsan xukuumadda Soomaaliya ayaa laga jartay korontadii ay ku shaqeynayeen

11/13/2018 1:11 AM EST
Talaado, November, 13, 2018 (HOL) - Iyadoo Jimcihii aynu soo dhaafnay magaalada Muqdisho ay ka dhaceen Qaraxyo sababay dhimashada dad ka badan 50 ruux ayaa waxaa soo baxaya amarro la farayo taliyeyaasha iyo saraakiisha ciidamada degmooyinka gobolka Banaadir.