3/28/2024
Today from Hiiraan Online:  _
Wararka Maanta- Sabti, Nov 10, 2018
Musharrax Cabdirisaaq Janagale oo maanta si ballaaran loogu soo dhaweeyey magaalada Gaalkacyo

Sabti, November, 10, 2018 (HOL) -    Musharraxa xilka Madaxwaynaha Puntland ee doorashada 2019 ,Cabdirisaaq Cabdullaahi Jaamac (Janagale) ayaa maanta soo gaaray magaalada Gaalkacyo ee xarunta gobolka Mudug, halkaas oo si ballaaran loogu soo dhaweeyay.

Cabdirisaaq Janagale , oo ka soo kicitimay magaalada Nairobi ee dalka Kenya ayaa garoonka diyaaradaha Cabdullaahi Yuusuf ee magaalada Gaalkacyo, waxaa ku soo dhaweeyay boqollaal ruux oo isugu jira, Nabadoonnada, waxgaradka, dhallinyarada,haweenka, Ardayda iyo qaybaha bulshada magaalada Gaalkacyo.

Ugu horrayn, Musharrax Cabdirisaaq Janagale ayaa u mahadceliyay qaybihii bulshada gobolka Mudug ee soo dhaweeyay, waxa uu ku sheegay soo dhaweynta Gaalkacyo inay wadnihiisa taabatay, waxa uu inta ku daray isagoo boqollaal ruux kula hadlay barxadda bartamaha ee magaalada Gaalkacyo, in isbadalka la doonayo ee Puntland inuu bulshada ku jiro, isagoo ugu baaqay bulshada inay u diyaar garoobaan isbadlka.

" Aashuun ku adimi maayo,lixdan iyo lixna u gurguuran maayo, dowlad shisheeyana ima wadato.. umaddeyda ayaan ka dhex raadsanaya dadka." ayuu yiri Musharrax Cabdirisaaq Janagale oo inta ku daray " Isbadalka maanta bilowday oo Gaalkacyo ka bilowday mid ciyaar ah ma aha waa mid aan u baahanahay, waayo jiritaankeenna ku jira.. sharciga oo sarreeya jiritaankeenna ku jira,maxkamaddii sare oo la dhiso jiritaankeenna ku jira.. musuqa oo lala dagaallamo oo la tirtiro jiritaankeenna ku jira."

Musharrax Cabdirisaaq Janagale , ayaa waxaa kalo u sheegay inuu socdaal ku marayo dhammaan deegaannada Puntland.

Nabadoonnada, waxgaradka iyo qaybihii kale ee bulshada oo ka hadlay soo dhaweynta musharrax Cabdirisaaq Janagale ayaa si wadajir ah u sheegay inay taageerrayaan musharraxa.

Ololaha doorashada ayaa si xooggan uga socda Puntland,iyadoo la filayo doorashada guud ee madaxweynaha in la qabto horraanta bisha Jannaayo ee sanadka 2019-ka.

Iman Mohamed Jama, Hiiraan Online
[email protected]













Click here
11/10/2018 11:04 AM EST
Sabti, November, 10, 2018 (HOL) - Wajiga saddexaad ee shirka iskaashiga saddex geesoodka ah ee dalalka Soomaaliya, Ereteriya iyo Itoobiya ayaa la qorsheeyey in uu ku qabsoomo magaalada Muqdisho,sida lagu sheegay war-saxaafadeed uu goor dhow baahiyay xafiiska madaxweynaha Soomaaliya.

11/10/2018 10:45 AM EST
Sabti, November, 10, 2018 (HOL) - Madaxweynaha dalka Turkiga,Recep Tayyip Erdoğan ayaa safiir cusub u magacaabay Soomaaliya,sida ku cad wareegto uu baahiyay xafiiska madaxweynaha Jimcihii.

11/10/2018 10:21 AM EST
Sabti, November, 10, 2018 (HOL) - Ra'iisul wasaaraha Soomaaliya, Xasan Cali Khayre oo ka hadlay weerar galinkii dambe ee Jimcihii ka dhacay Muqdisho oo ay dad badan ku dhinteen ayaa hay'adaha ammaanka faray in la xoojiyo amniga.

11/10/2018 10:12 AM EST
Sabti, November, 10, 2018 (HOL) - Wasiirka maaliyadda xukuumadda federaalka ah ee Soomaaliya,Cabdiraxmaan Ducaale Bayle ayaa maanta xafiiskiisa kulan gaar ah kula qaatay wasiirka Gaashandhigga Soomaaliya Xassan Cali Maxamed, kulanka oo diiradda lagu saaray qorshayaal muhiim u ah horumarinta Ciidanka Xoogga dalka.

11/10/2018 10:10 AM EST
Sabti, November, 10, 2018 (HOL) - Xoghayaha guud ee Qaramada Midoobay,Antonio Gutters ayaa si adag u cambaareeyay weerarkii qaraxyada ahaa ee galinkii dambe ee Jimcihii shalay ka dhacay magaalada Muqdisho.

11/10/2018 9:39 AM EST
Sabti, November, 10, 2018 (HOL) – 172 dhakhaatiir caafimaad ayaa Jaamacadda Baahir Dar ee dalka Itoobiya ka qelinjebiyey munaasabadda qelin jebinta oo ay ka qaybgaleen R'isalwasaaraha Itoobiya Dr Abiy Axmed, Madaxweynaha Soomaaliya Maxammed Cabdullaahi Farmaajo iyo Madaxweynaha Eretrea Isaayaas Afwarqi.

11/10/2018 9:29 AM EST
Sabti, November, 10, 2018 (HOL) – Dufcadihii 3aad, 4aad iyo 5aad ayaa dhameystay Waxbarashada taqasuska Caafimaadka Bulshada (Master of Puplic Health) ee Jaamacadda Benadir, iyadoo Munaasabad arrintaas la xiriirta lagu qabtay magaalada Muqdisho.

11/10/2018 6:12 AM EST
Sabti, November, 10, 2018 (HOL) -Madaxweyne Muuse Biixi ayaa maanta isku shaandheyn kooban ku sameeyey golihiisa wasiiradda, waxaanu xilkii ka qaaday wasiirkii Maaliyada Yuusuf Maxamed, halka wasiirkii arrimaha dibada Sacad Cali Shire u magacaabay wasaarada maaliyadda.

11/10/2018 3:48 AM EST
Sabti, November, 10, 2018 (HOL)-Waxaa magaalada Bahar Dar ee dalka Itoobiya ku soo dhamaaday shir ay halkaa ku lahaayeen hoggaamiyayaasha saddexda dal ee Soomaaliya, Eritrea iyo Itoobiya.

11/10/2018 3:08 AM EST
Sabti, November, 10, 2018 (HOL) -Daadad ka dhashay roobab xoogan oo ka da’ay dalka Jordan ayaa sababay dhimashada ilaa 9 ruux halka 3,700 dalxiisayaal ahna ay dowladda ku qasabtay in ay isaga tagaan Magaalada Petra ee dalkaasi si uu u yaraado khasaaraha ka dhalanaya daadadkaasi. Dalxiisayaashaani ayaa loo waday meel amaan ah oo uusan roob ka da’in si naftooda loo badbaadiyo sida uu warbaahinta u sheegay afayeen u hadlay dowladda oo magaciisa lagu sheegay Jumana Ghunaimat.

11/10/2018 3:01 AM EST
Sabti, November, 10, 2018 (HOL) -Magaalada Gondar ee dalka Itoobiya waxaa wali ku shir ku leh hoggaamiyayaasha saddexda dal ee Soomaaliya, Itoobiya iyo Eritrea.

11/10/2018 12:28 AM EST
Sabti, November, 10, 2018 (HOL)–Waxaa caadi ku soo laabtay oo saakay dadka iyo gaadiidkuba isticmaaliyaan waddada hormarta hotelka Saxafi oo maalintii shalay ay ka dhaceen qaraxyo is xig xigay oo galaaftay nolasha dadka ka badan 20 ruux.

11/10/2018 12:18 AM EST
Sabti, November, 10, 2018 (HOL) – Nin asalkiisu yahay Soomaali dhinaca kalana la aaminsan yahay in uu ka tirsan yahay Ururka Daacish ayaa lagu waramayaa in uu geystay weerar mindi loo adeegsaday oo ka dhacay magaalada Melporn ee dalkaasi Australia.