3/29/2024
Today from Hiiraan Online:  _
Wararka Maanta- Talaado, Mar 20, 2018
Magaalada Kismaayo oo laga dhagaxdhigay xarun loo dhisi doono dhalinyarta Jubbaland


Talaado, Maarso, 20, 2018 (HOL) –Xaruntan oo loo dhisi doono dhalinyarta Jubbaland, islaamrakana noqon doonta madal ay dhalintu ku kulanto  si ay uga qeybqaataan nabadda iyo hourmarka dalka ayaa waxaa si wadjir ah u dhagaxdhigay wasiirka wasaaradda dhalinyarada iyo cayaaraha Jubbaland, wasiirka wasaaradda howlaha guud iyo dib u dhiska iyo masuuliyiin kale.

Sidoo kale dhagaxdhigga xaruntan waxaa qeyb ka ahaa wafdi ka socday dowladda Sweden iyo barnaamijka Qaramada Midoobay u qaabilsan Degsiimada Aadanaha ee  UN Hapitat oo iyagu gacan ka geysanaya dhismaha xarunta.

Dhulka laga dhisi doono xaruntan ayaa ku yaal xaafadda Farjanno, waana dhul ay dowlad goboleedka Jubbaland hore uga burburisay guryo ay ka dhisteen dad shacab ah, kadib markii ay dowladdu sheegtay in dhulku ahaa dhul dowladeed oo ay shacabku si sharci darro ah u dhisteen.

Dhismaha xarunta ayaa waxaa maalgelin doonta dowladda Sweden, ayadoo ay fulin doonto hay’adda Qaramada MIdoobay u qaabilsan Degsiimaha Aadanaha ee UN HAPITAT.

Per Karlasson, madaxa Iskaashiga iyo horumarinta dowladda Sweden oo goobta ka hadlay ayaa sheegay in xaruntan ay tahay mid ahmiyad gaar ah u leh dhalinyarta Jubbaland.

Masuulkan ayaa yiri “Aad baan ugu faraxsannahay in maanta aan magaalada Kismaayo ka dhagaxdhigno xarun loo dhisi doono dhalinyarta, waxaan dooneeynaa in aan si wanaagsan ugala shaqeeyno dowladda Jubbaland sidii loo horumarin lahaa dhalinyarta, si ay doorkooda uga qaataan dib u dhiska Soomaaliyada cusub, nabadda iyo horumarka.”

Wasiirka dhlinyarada iyo cayaaraha Jubbaland Mudane C/waaxid Axmed Yare ayaa dhankiisa  sheegay in xaruntan ay  noqon doonto goob ay dhalinyartu ku kulmaan, lagu tababarro, islamarkaana ay rajeeynayaan in marka dhalintu yeeshaan xarun ay leeyihin ay soo saari doonaan fikrado lagu horumarinayo dalka.

Xasan Nuur, Hiiraan Online
[email protected]
KIsmaayo-Soomaaliya.













Click here
3/20/2018 11:38 AM EST
Talaado, Maarso, 20, 2018 (HOL)–Madaxweynaha dowladda Soomaaliya Maxamed Cabdullaahi Farmaajo ayaa uga tacsiyeeyay madaxda iyo shacabka Jabuuti geeridii ku timid, Alle ha u naxariistee, Barkat Gourad Hamadou oo maalintii shalay ku geeriyoodey dalka Faransiiska.

3/20/2018 6:30 AM EST
Talaado, Maarso, 20, 2018 (HOL) - Guddoomiyaha Gobolka Benaadir ahna Duqa Muqdisho Mudane Cabdiraxmaan Cumar Cusmaan Yarisoow oo saakay dib u furay waddada hor-marta Xerada Gaadiidka Booliska ee Degmada Cabdicasiis ayaa sheegay inuu qorshuhu yahay in dib loo furo dhammaan waddooyinka kale ee xiran, si loo fududeeyo isku socodka dadweynaha iyo gaadiidka Caasimadda.

3/20/2018 4:51 AM EST
Talaado, Maarso, 20, 2018 (HOL)-Madaxweynaha Tukiga Rajep Deyib Erdogan ayaa ku goodiyay in ay ciidamadiisu isbalaarin ku sameyn doonaan goobaha kale ee jabhada Kurdishku ay kaga sugan tahay dalka Suuriya, kaddib markii ay ka sareen degmada Afrin.

3/20/2018 3:23 AM EST
Talaado, Maarso, 20, 2018 (HOL)–Xildhibaanada Mooshinka ka keenay Gudoomiyaha Jawaari ayaa fariin adag u diray Beesha caalamka waxaana ay sheegeen in beesha Caalamku ay faraha kala baxaan arrimaha u gaarka ah Xildhibaanada Baarlamaanka Soomaaliya.

3/20/2018 2:31 AM EST
Talaado, Maarso, 20, 2018 (HOL) – Wasiirka Arrimaha Dibadda iyo Iskaashiga Caalamiga ee Soomaaliya Axmed Ciise Cawad ayaa Magaalada Kigali ee caasimadda Rwanda uga qeyb galay Kulanka gaarka ah ee 18aad ee Golaha Fulinta Ururka Midowga Afrika oo lagaga arrinsanayay Aagga ganacsiga xorta ah ee Qaaradda Afrika “African Continental Free Trade Area” si loo unko hal suuq oo Afrika ay leedahay.

3/20/2018 2:22 AM EST
Talaado, Maarso, 20, 2018 (HOL) – Madaxweynaha Maraykanka Donald Trump ayaa ku baaqay in dil lagu xukumo dadka daroogada ka ganacsada, arrintaas oo qayb ka ah qorshaha uu wax ooga qabanayo laqabatinka baaxadda leh ee dadka maraykanku ay ku adeegsadaan xannuun baabi'iyaha.

3/20/2018 2:07 AM EST
Talaado, Maarso, 20, 2018 (HOL) –Wali mey saldhiggan oo waxaa saacadihii ugu danbeeyay soconayay Olole siyaasadeed iyo dhuulatusyo ay sameynayaan xildhibaannada iska soo horjeeda ee ku kala aragti duwan mooshinka laga keenay guddoomiyaha Golaha Shacabka Prof Maxamed Cismaan Jawaari.

3/20/2018 1:18 AM EST
Talaado, Maarso, 20, 2018 (HOL)–Faah faahinno dheeraad ah ayaa ka soo baxaya dagaal culusoo fiidnimadii xalay ku dhaxmaray ciidamada dowladda Soomaaliya iyo Al-shabaab degmada Buurdhuubo ee gobolka.