Heshiis laga gaaray colaad labo beellood ku dhaxmartey gobolka Sanaag
Isniin, Maarso, 19, 2018 (HOL) - Gobolka Sanaag wararka ka imanaya ayaa
sheegaya in heshiis buuxa laga gaaray colaad muddo dheer u dhaxeysa labo
beellood.
Dhinacyada ayaa la sheegay in ay ku heshiiyeen qofkii lagu helo dambi ah in
uu geystay dil aargoosi ah la dilo ama laga qaado qoyska uu danbiilaha ka soo
jeedo laga qaado $ 100 Kun oo dollar.
Wasiirka arrimaha gudaha maamulka Somaliland Maxamed Axmed Kaahin iyo mas’uuliyiin
kale oo ka tirsan xukuumadda Somaliland ayaa isku howlay dhameynta khilaafka
labada beellood.
Wasiirka ayaa waxaa uu sheegay in ay muhiim tahay in la joojiyo dagaalada
mararka qaar dhaca ee saameynta khasaaraha leh u geystay dadka shacabka ah ee
aan waxba galabsan.
Wasiirka ayaa sidoo kale sheegay in qofkii lagu helo isaga abaabulaya dagaal ciidamadu amar ku qabaan in ay soo qaabtaan,
kadibna la horgeyn doono maxkamada militariga.
Todobaadydii ugu danbeeyayba deegaanka Dirir Weyne ee hoostaga degmada Ceel
Afweyne ee gobolka Sanaag waxaa ka dhacayay dagaal beeleedyo geystay khasaare
dhimasho iyo dhaawac ah, kuwaasi oo saameeyay dadka degaanka.
C/raxmaan Diini, Hiiraan Online
[email protected]
