3/28/2024
Today from Hiiraan Online:  _
Wararka Maanta- Khamiis, Jun 22, 2017
5,000 oo qof oo ka qeyb-galay aaskii Nabra Hassanen

 
Khamiis, June, 22, 2017 (HOL)– 5,000 “Shan kun” oo qof ayaa Arbacadii shalay ka qeyb-gashay aaskii Nabra Hassanen oo aheyd gabar 17-jir ah oo dhawaan lagu dilay gobolka Virginia ee dalka Maraykanka.

Nabra, ayaa la afduubtay kadibna meydkeeda laga helay gobolka 17-kii bishan June, waxaana dhacdadaasi la sheegay in ay la xiriirto naceybka loo qabo bulshada Muslimiinta ee ku nool dalkaasi Maraykanka.

Gabadha Muslimada aheyd ayaa si darran loo garaacay waxaana la aaminsanyahay in garaacidaasi ay u geeryootay.

“Nabra waxaa ay lugeyneysay dhabarka dambe ee xaruunta ADMS, gaar ahaan Masjidka meel aan ka fogeyn, waxaana ay la socotay saaxiibadeeda, musiibadana halkaasi ayeey ku qabsatay, waxaana la sheegay in uu nin afduubtay kadibna wuu garaacay, waxaana meydkeeda uu uga tagay goobta”, qof saaxiib la ahaa Nabra ayaa sidaasi yiri.

Meydka gabadha ayaa looga tegay nawaaxiga  Masjid ku yaalla Sterling. Ciidamada Booliska ayaa hadda waxaa ay gacanta ku hayaan nin 22-jir ah oo lagu magacaabo Darwin Martinez Torres, kaas oo lala xiriiriyay dilka gadhaasi.

Hiiraan Online,
Hassan Istiila
[email protected]
Mogadishu,Somalia













Click here
6/22/2017 2:42 PM EST
Khamiis, June, 22, 2017 (HOL) –Wasiirka dhalinyarada iyo cayaaraha dowlad goboleedka Jubaland Sheekh Max'ed Max'uud Awlibaax ayaa goordhow Isbitalka Digfeer ee haatan loo yaqaan Isbitalka Recep Tayyeb Erdogan ee magaalada Muqdisho ugu geeriyooday dhaawac kasoo gaaray qaraxii ka dhacay magaalada Muqdisho.

6/22/2017 10:45 AM EST
Khamiis, June, 22, 2017 (HOL) –Qarax Ismiidaamin ah oo maanta lala eegay Saldhigga degmada Waaberi ee magaalada Muqdisho islamarkaana ay ku dhinteen......

6/22/2017 8:02 AM EST
Khamiis, June, 22, 2017 (HOL) – Warar hordhac ayaa ka soo baxaya qarax xoogan oo loo adeegsaday gaari walxaha qarxa laga soo buuxiyay oo goor dhaw lagu weeraray saldhiga degmada Waaberi ee gobolka Banaadir.

6/22/2017 7:51 AM EST
Khamiis, June, 22, 2017 (HOL) – Dowladda Kenya ayaa sheegtay in ay gudaha dalkeeda u tallaabeen dagaalyahano hubaysan oo ka tirsan Ururka Al-shabaab.

6/22/2017 4:41 AM EST
Khamiis, June, 22, 2017 (HOL) – Wasiirka wasaarrada arrimaha gudaha iyo dib-u-heshiisiinta dowladda federaalka Soomaaliya Cabdi Faarax Juxa ayaa gaaray magaalada Gaalkacyo ee xarunta gobolka Mudug.

6/22/2017 12:49 AM EST
Khamiis, June, 22, 2017 (HOL)– Madaxweynaha Jamhuuriyadda Federaalka ah ee Soomaaliya Mundane Maxamed Cabdullahi Farmaajo, ayaa shalay gaaray magaalladda Kampala ee caasimada dalka Uganda.

6/22/2017 12:44 AM EST
Khamiis, June, 22, 2017 (HOL)– Ra’iisul Wasaaraha XFS Mudane Xasan Cali Kheyre ayaa shalay ka qeyb galey kulan Todobaad la ah oo ay iskugu yimaadaan gudoomiyayaasha degmooyinka gobolka Banaadir kaasoo looga hadlayey xaalada magaalada Muqdisho. Waxaana kulankan shir gudoominayey gudoomiyaha gobolka Banaadir Thaabit Cabdi Maxamed.

6/22/2017 12:39 AM EST
Khamiis, June, 22, 2017 (HOL)– Koox hubeysan ayaa xalay degmadda Qoryooley ee Gobolka Shabeellaha Hoose ku dilay nin Oday ah oo lagu magacaabi jiray Sheekh Ibraahim Kaba-cadde.

6/22/2017 12:20 AM EST
Khamiis, June, 22, 2017 (HOL)–Ugu yaraan 100 qof ayaa lagu dilay dagaallo diimeedyo ka dhacay magaalladda Bria oo ku taalla bariga dalka Afrikada Dhexe.