Kalfadhiga Labaad ee golaha Shacabka oo maanta la soo xirayo
Sabti, December, 16, 2017 (HOL) –Maanta oo Sabti ah ayaa lagu wadaa in la soo xiro Kalfadhiga
labaad ee Golaha shacabka, iyadoo Xildhibaanada ay geli doonaan fasax.
Prof Maxamed Cismaan Jawaari guddoomiyaha golaha Shacabka ayaa todobaadkii hore ku dhawaaqay in 16-ka bishan la soo xiri
doono kulamada baarlamaanka.
Kalfadhiga labaad oo soo
bilowday bishii July ayaa tan iyo xilligaas waxaa yeeshay kulamo fara badan oo
lagu ansixiyay hindise sharciyeedyo kala duwan, oo uu ka mid yahay hindise
sharciyeedka Isgaarsiinta.
Sidoo kale waxaa Golaha
Shacabka horyaala dhowr hindise sharciyeed oo maray Akhrinta koowaad iyo
labaad, waxaana hindise sharciyeedyada hor-yaala golaha shacabka ka mid ah
sharciga la dagaalanka Argagixisada.
Waxaa la filayaa in
Xildhibaanada baarlamaanka ay fasax ku maqnaadaan illaa bisha March ee sanadka
2018, xilligaasoo dib loo furi doono kalfadhiga 3aad.
Kulanka maanta ay yeelanayaan
Xildhibaanada golaha shacabka ayaa waxaa warbixin looga dhageysan doonaa
Guddiga Dastuurka ee Labada Gole.
C/raxmaan Diini, Hiiraan Online
[email protected]
