3/28/2024
Today from Hiiraan Online:  _
Wararka Maanta- Jimco, Dec 15, 2017
Gadiid siday Xaaska Wasiirkii hore ee Caafimaadka Somaliland oo Burco lagu xiray

 

Jimco, December, 15, 2017 (HOL)- Laba Gaadhi oo uu lahaa wasiirkii Caafimaadka Saleebaan Xaglo Toosiye oo siday xaaskiisa iyo askar ilaalo u ahayd oo u socday magaaladda Laascaanood ayaa shalay khamiistii  lagu xidhay magaaladda Burco

Wararku waxay sheegayaan in laba gaadhi oo ah gaadiidka dawladda oo ay saarnaayeen Xubno Qoyska Wasiir Xaglo-toosiye Ka Mid ahi oo Hargeysa ka baxay kuna sii jeeday Magaaladda Laascaanood inay Ciiddanka Bileyska ee Somaliland ay Burco ku qabteen,ka dibna labaddii gaadhi iyo askartii la socdayba lagu xidhay saldhiga magaaladda Burco.

Siyaasi Dr Saleebaan Ciise Axmed (Xaglo-toosiye) oo warbaahinta la hadlay ayaa si cadho leh uga hadlay xubnaha Qoyskiisa ka midka ee ciidamada Bileysku Burco ku qabteen, waxaanu sheegay in aanu garanayn sababta labadda gaadhi iyo dadkii saarnaa loo xidhay, waxaanu ku dooday inuu gaadhigaasi u diray odayaal uu ka soo qaadayey magaaladdaLaascaanood.

“Waxay ahaayeen laba gaadhi oo reerkaygu saarnaa si ay magaaladda laascaanood u geeyaan,isla markaana odayaal halkaasi ka soo qaadaan, waxa igu maqaalo ah in gaadiidkii la xidhay, reerkaygiina meel la geeyey kama war qabo”ayuu yidhi wasiirkii hore ee Caafimaadka Xaglo toosiye.

Saleeebaan Xaglo Toosiye waxa uu sheegay in uu la hadlay taliyaha ciidanka Booliska C/laahi Fadal balse aanu jawaab siinin, isagoo ku dooday in aanu garanayn sababta loo xidhay gaadiidkaasi iyo askartii la socdayba, waxaanu sheegay in madaxweynaha cusub isku fiicnaayeen laakiin aanu garanayn waxa loo xidhay.

Wasiir Xaglo Toosiye ayaa aad u daynayey inuu ka mid noqdo xukuumadda cusub ee khamiistii shalay la soo dhisay, haseyeeshee markii uu iska dhex waayey ay sababtay inuu xaaskiisa u raro magaaladda Laascaanood.

Barkhad-ladiif M. Cumar, Hiiraan Online

[email protected]

Hargeysa, Somaliland.













Click here
12/15/2017 2:30 PM EST
Jimco, December, 15, 2017 ( HOL) – Dowladda Federaalka ah ee Soomaaliya ayaa sheegtay inay xoojineyso isla xisaabtanka ciidamada xoogga dalka, kaddib markii dowladda Mareykanka ay ku dhawaaqday in ay joojisay saadkii ay siin jirtay ciidamada.

12/15/2017 2:06 PM EST
Jimco, December,15, 2017 ( HOL)–Dabley hubaysan ayaa toogasho ku diley Nin ka mid ahaa Ganacsatada Magaalada Laascaanood fiidnimadii caawa isagoo ku sugnaa Bakhaar uu lahaa hortiisa.

12/15/2017 10:34 AM EST
Jimco, December, 15, 2017 ( HOL)–Kooxaha Kubadda Cagta Koofur-Galbeed iyo Puntland ayaa Cayaar siweyn loo wada sugayay galabta ku kala baxay 1-1, taasoo ka dhigan in Hirshebeelle isaga hartay Tartanka madaama rajadoodu ay ku xirneyd kulanka maanta.

12/15/2017 9:59 AM EST
Jimco, December, 15, 2017 (HOL)-Tababarkan oo ay iska kaashadeen wasaaradda haweenka iyo xuquuqul insaanka Jubbaland iyo machadka nabadda Soomaaliya, ayaa loo furay ilaa 50 haween ah oo ka socday ururrada haweenka Jubbaland.

12/15/2017 7:07 AM EST
Jimco, December, 15, 2017 (HOL)-Wasiirada Difaaca dowladda Federaalka Soomaaliya ayaa ka dalbatay Mareykanka in la kordhiyo taageerada uu u fidiyo Soomaaliya iyo weerarada xagga cirka ee looga horjeedo kooxda Al-shabaab.

12/15/2017 4:34 AM EST
Jimco, December, 15, 2017 (HOL)–Madaxweynaha dowladda Soomaaliya Maxamed C/llaahi Farmaajo ayaa la kulmay Amiirka Qatar Sheekh Tamiim Bin Hamad Al Thani.

12/15/2017 1:36 AM EST
Jimco,December,15, 2017 (HOL) -- Danjiraha dowladda Mareykanka u fadhida Qaramada Midoobe Nikki Haley,ayaa soo bandhigtay wax ay sheegtay in ay yihiin gantaalo ay dowladda Iiraan siisay mucaaradka Yemen.

12/15/2017 1:18 AM EST
Jimco, December, 15, 2017 (HOL)- Warbixin lagu daabacay Wakaalada Wararka ee Reuters ayaa lagu sheegay in la musuq-maasuqay Saadka looga tala galay ciidamada xoogga dalka Sooomaaliya,taasoo Mareykanka uu ku tilmaamay mid aan la qaadan karin.

12/15/2017 1:08 AM EST
Jimco, December, 15, 2017 (HOL) -- Hay’adda Xuquuqda Aadanaha ee Human Rights Watch ayaa sheegtay in inti lagu guda jiray doorashadi madaxtinimo ee Kenya ka dhacday sanadkan, ay ciidanka boolisku kufsadeen tiro Haween ah islamarkaana jirdil u geysteen dad rayid ah.

12/15/2017 1:00 AM EST
Jimco, December, 15, 2017 (HOL)-Madaxweynaha maamulka Koonfur Galbeed Soomaaliya Shariif Xasan Sheekh Aadan ayaa magacaabay wasiirka Arrimaha Gudaha iyo Wasiiru-dowlaha Maaliyadda dowlad gobolleedka.