Iska horimaad ciidamo ka wada tirsan dowladda ku dhaxmaray degmada Hodan ee magaalada Muqdisho
Axad, December, 10, 2017 (HOL) – Ciidamo ka kala tirsan
Nabad-sugida dowladda Soomaaliya iyo militariga ayaa ku dagaalamay Isgooyska
Tarbuunka degmada Hodan ee magaalada Muqdisho, kaddib markii ay ciidamadan Nabad Sugida isku dayeen in ay hubka dhigaan ciidamo militari ah oo halkaa ku sugnaa.
Goob joogayaal ayaa sheegay in ay arintan la xiriirto muran
maalmihii ugu danbeeyay ka taagnaa dhul halkaa ku yaala, taasoo keentay in
ciidamo ka tirsan militariga qeyb ka noqdaan khilaafka dhulka ku saabsan.
Hasse ahaatee ciidamo ka tirsan kuwa xasilinta ee
nabad-sugida Soomaaliya ayaa la sheegay in ay isku dayeen in ay qabtaan
ciidamada ka tirsan militariga ee goobta ku sugnaa, laakiin taa badalkeeda uu
halkaa ka bilaawday iska horimaad sababay khasaare isugu jira dhimasho iyo
dhaawac.
Lama oga tirada rasmiga ah Askarta wax ku noqotay dagaalka,
hasse ahaatee goob joogayaal ayaa sheegay in ay arkeen meydka qof haweeney ah
oo goobta Shaah ku iibin jirta oo ay haleeshay rasaasta ay is weydaarsaneyeen
labada dhinac.
Ilaa iyo hadda ma jiro wax war ah oo ka soo baxay maamulka degmada Hodan ee
gobalka Banaadir iyo Saraakiisha ciidamada oo ka hadlaya iska horiamaadka
maanta ku dhexmaray ciidamada magaalada
Muqdisho.
C/raxmaan Diini, Hiiraan Online
[email protected]
