3/29/2024
Today from Hiiraan Online:  _
Wararka Maanta- Isniin, Dec 10, 2017
Shirkii Wasiiradda Arrimaha dibadda Jaamacadda Carabta oo looga hadlay Qudus

 

Axad, December, 10, 2017 (HOL) – Shirka Wasiirradda Arrimaha dibadda dalalka ku jira Jaamacadda Carabta ayaa xalay lagu qabtay Magaalada Qaahira ee Caasimadda dalka Masar.

Shirkaan oo ahaa mid diiradda lagu saaray xaaladda magaalada Qudus iyo sidoo kale go’aankii madaxweyne Trump, waxaa ay sheegeen wasiiradda arrimaha dibadda ee dalalka Jaamacadda Carabta in ay tahay wax aan la aqbali karin in Quddus Yahuuda ay u noqoto caasimada.

Wasiiradda ayaa sheegay in ay soo saari doonaan Go’aan mid ah oo ay kaga jawaabayaan hadalkii Trump ee Quddus.

Wasiirka arrimaha dibadda ee Lubnaan Gebran Bassil, ayaa sheegay in dowladdaha Carabta ay tahay in ay ka fakaraan cunaqabateyno ka dhan ah Mareykanka si looga hortago inay u raraan safaaradda Israa’iil magaalada Qudus.

Mr Bassil ayaa sheegay inay tahay in la qaado tallaabooyin diblomaasiyadeed, kaddibna lagu soo rogo cunaqabateyno dhaqaale iyo kuwa maaliyadeed Mareykanka.

Madaxa kaniisadaha Masar Pope Tawadros-ka labaad ayaa sheegay in uu ku gacan seeri doono la kulanka madaxweyne ku xigeenka Mareykanka, Mike Pence marka uu soo booqdo magaalada Qaahira dhammaadka bisha soo socoto.

C/raxmaan Diini, Hiiraan Online
[email protected]













Click here
12/10/2017 1:46 PM EST
Axad, December, 10, 2017 (HOL) – Wasiirka Warfaafinta, Dhaqanka iyo Dalxiiska C/raxmaan Cumar Cismaan (Eng. Yarisow) oo ka qeybgalaya Shirka Caalamiga ah ee Dhaqanka iyo Dalxiiska oo lagu qabanayo magaalada Masqad ee dalka Cumaan ayaa maanta kulan la qaatay Xoghayaha Guud ee Hay’ada Dalxiiska Adduunka Mr Talb Rufai iyo mas’uuliyiin kale.

12/10/2017 1:24 PM EST
Axad, December, 10, 2017 (HOL)–Isbitaalka Kalkaal Speciality Hospital ayaa bilabay qaliimo iyo daweyn casri ah, waxaan yimid kana howl galaya dhaqaatiir u dhalatay dalka Hindiya oo ku taqasusay cudaro kala duwan.

12/10/2017 1:05 PM EST
Axad, December, 10, 2017 (HOL)–Xarrakada Al-shabaab ayaa lagu waramayaa in ilaa Lix Gaari oo kuwa xamuulka qaada ah goor dhaw oo maanta ah dab ku gubeen deegaanka Maroodile oo hoostaga degmada Beledweyne.

12/10/2017 11:32 AM EST
Axad, December, 10, 2017 (HOL)–Xarunta Xuquuqul insaanka Somaliland ayaa soo bandhigtay falalka ka dhanka ah xuquuqda bani’aadamka ah ee sanadkan 2017-ka ka dhacay Somaliland.

12/10/2017 6:55 AM EST
jAxad, December, 10, 2017 (HOL) –Magaalada Gaalkacyo ee xarunta Gobolka Mudug waxaa galinkii dambe ee shalay ka furmay Shirka ka talinta Aayaha iyo Masiirka beesha Tanade, kaas oo looga hadlayo Arrimaha tabashada Beesha tanade ee ku aadan Puntland.

12/10/2017 6:15 AM EST
Axad, December, 10, 2017 (HOL) – Xafiiska Qaramada Midoobey u qaabilsan Xuquuqda Aadanaha ayaa soo bandhigay warbixin ku saabsan tirada dadka lagu dilay Soomaaliya laga soo bilaabo 2016 illaa 2017.

12/10/2017 6:05 AM EST
Axad, December, 10, 2017 (HOL) – Ciidamo ka kala tirsan Nabad-sugida dowladda Soomaaliya iyo militariga ayaa ku dagaalamay Isgooyska Tarbuunka degmada Hodan ee magaalada Muqdisho, kaddib markii ay ciidamada Nabad Sugida isku dayeen in ay hubka dhigaan ciidamo militari ah oo halkaa ku sugnaa.

12/10/2017 1:09 AM EST
Axad, December, 10, 2017 (HOL) – Madaxweynaha Soomaaliya Maxamed C/llaahi Farmaajo iyo wafdi ballaaran oo uu hoggaaminayo ayaa saakay dalka dib ugu soo laabtay kadib markii uu shir uga qeybgalay magaalada Sharmal Sheekh ee dalka Masar.

12/10/2017 1:02 AM EST
Axad, December, 10, 2017 (HOL) – Maamulka Koofur Galbeed Soomaaliya ayaa faah faahin ka bixiyay Weerar qorsheysan oo ay ku qaadeen deegaano hoos yimaada degmada Buurhakaba ee gobolka.

12/10/2017 1:00 AM EST
Axad, December, 10, 2017 (HOL) – Wasiirka arrimaha dibadda ee Lubnaan Gebran Bassil, ayaa sheegay in dowladdaha Carabta ay tahay inay ka fakaraan cunaqabateyno ka dhan ah Mareykanka si looga hortago inay u raraan safaaradda Israaa’iil magaalada Qudus.

12/10/2017 12:45 AM EST
Axad, December, 10, 2017 (HOL) – Faah faahin dheeraad ah ayaa ka soo baxaya dilal xalay ka dhacay Magaalada Muqdisho iyo deegaanka Ceelasha Biyaha ee duleedka Muqdisho.